1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Aug / 2020
13
Thursday

ജീവിക്കാൻ നിവൃത്തിയില്ല; സഹായിക്കാൻ ആരുമില്ല: മകനെ പഠിപ്പിക്കാനെങ്കിലും കഴിഞ്ഞിരുന്നെങ്കിൽ.. കോൺഗ്രസിന് വേണ്ടി ജീവിതം സമർപ്പിച്ച ഷാഹിദാ കമാൽ മനസു തുറക്കുന്നു

January 08, 2014 | 12:51 PM IST | Permalink



ജീവിക്കാൻ നിവൃത്തിയില്ല; സഹായിക്കാൻ ആരുമില്ല: മകനെ പഠിപ്പിക്കാനെങ്കിലും കഴിഞ്ഞിരുന്നെങ്കിൽ.. കോൺഗ്രസിന് വേണ്ടി ജീവിതം സമർപ്പിച്ച ഷാഹിദാ കമാൽ മനസു തുറക്കുന്നു

സുനിത ദേവദാസ്

ത് ഷാഹിദാ കമാൽ. മുതിർന്ന മഹിളാ കോൺഗ്രസ് നേതാവ്. കഴിഞ്ഞ ലോക്‌സഭാ തെരഞ്ഞെടുപ്പിൽ കാസർകോഡ് മണ്ഡലത്തിൽ മത്സരിച്ച കഴിവുറ്റ വനിത. ഷാഹിദയുടെ ഭർത്താവ് 2013 ജനുവരി എട്ടിന് മരിച്ചുപോയി. കഴിഞ്ഞ ഒരു വർഷം താനും തന്റെ മകനും മാതാപിതാക്കളും അനുഭവിച്ച ദാരിദ്ര്യത്തിന്റെയും ദുരിതത്തിന്റെയും കണ്ണീർക്കഥകൾ ഷാഹിദാ കമാൽ തുറന്ന് പറയുന്നു. പാർശ്വവത്ക്കരിക്കപ്പെട്ടവരുടേയും പാവങ്ങളുടെയും കണ്ണീരൊപ്പുന്നത് ജീവിതവ്രതമായി സ്വീകരിച്ച മുഖ്യമന്ത്രി ഉമ്മൻ ചാണ്ടിയും പാവങ്ങളുടെ പടത്തലവനായ കെപിസിസി പ്രസിഡന്റ് രമേശ് ചെന്നിത്തലയും ഒരു പാർട്ടി പ്രവർത്തകയുടെ നിസ്സഹായ ജീവിതത്തിനോട് എന്ത് നിലപാടാണ് സ്വീകരിച്ചത് എന്ന സങ്കടകരമായ കഥകൂടിയാണിത്. ജനസമ്പർക്ക പരിപാടി എന്ന പേരിൽ നാട് മുഴുവൻ നടന്ന് പാവപ്പെട്ടവരുടെ കണ്ണീരൊപ്പുകയും സഹായങ്ങൾ വിതരണം ചെയ്യുകയും ചെയ്യുന്ന ഉമ്മൻ ചാണ്ടി എന്തുകൊണ്ടാണ് സ്വന്തം പാർട്ടിയിലെ നിസ്സഹായയായ ഒരു വിധവയുടെ കണ്ണുനീർ കണ്ടില്ലെന്ന് നടിക്കുന്നത്. ഉമ്മൻ ചാണ്ടിയുടെയും രമേശ് ചെന്നിത്തലയുടെയും വാക്കും പ്രവൃത്തിയും തമ്മിലുള്ള വ്യത്യാസം ഷാഹിദയുടെ തന്നെ വാക്കുകളിലൂടെ തിരിച്ചറിയാനായി വായനക്കാർക്ക് മുന്നിൽ സമർപ്പിക്കുന്നു. പൊട്ടിക്കരഞ്ഞുകൊണ്ടാണ് ഷാഹിദ തന്റെ ജീവിതാനുഭവം മറുനാടൻ മലയാളിയുടെ ചീഫ് റിപ്പോർട്ടർ സുനിത ദേവദാസിനോട് വിവരിച്ചത്. ഷാഹിദയുടെ വാക്കുകൾ കേൾക്കാം:

ഭർത്താവ് മരിച്ച് ജീവിക്കാൻ നിവൃത്തിയില്ലാതായ ഒരു സാധാരണക്കാരിയായ നിസ്സഹായയായ വിധവയുടെ വിലാപമായിട്ടാണ് ഞാനിത് പറയുന്നത്. അല്ലാതെ ഒരു രാഷ്ട്രീയക്കാരിയുടെ സ്ഥാനമാനങ്ങൾക്ക് വേണ്ടിയുള്ള കുതന്ത്രങ്ങളായി നിങ്ങളാരും ഇതിനെ കാണരുത്. ഞാനെനെ്റെ ജീവിതത്തിൽ ഓർമ്മിക്കാൻ പോലും ആഗ്രഹിക്കാത്ത വർഷമാണ് 2013. അത്രയേറെ ദുരിതങ്ങൾ ഞാനും എന്റെ മകനും മാതാപിതാക്കളും അനുഭവിച്ചു. ആരും ഞങ്ങളെ സഹായിച്ചില്ല. പ്രത്യേകിച്ചും കഴിഞ്ഞ മുപ്പത് വർഷമായി ഞാൻ ചോരയും നീരും കൊടുത്ത് പ്രവർത്തിക്കുന്ന എന്റെ പാർട്ടി പോലും. ടിഎൻ സീമ എംപി പറഞ്ഞതു തന്നെയാണ് സത്യം. കോൺഗ്രസിൽ പാർട്ടിക്കു വേണ്ടി പ്രവർത്തിക്കുന്നവർക്ക് യാതൊരു വിലയുമില്ല. നേതാക്കൾക്ക് വേണ്ടി പ്രവർത്തിക്കുന്നവർക്കാണ് വില.


എന്റെ ഭർത്താവ് മരിച്ചിട്ട് ഇന്നലേക്ക് ഒരു വർഷം തികഞ്ഞു. ഗൾഫിൽ ജോലി ചെയ്തിരുന്ന ആളായിരുന്നു അദ്ദേഹം. നാല്പതിനായിരം രൂപയായിരുന്നു അദ്ദേഹത്തിന്റെ ശമ്പളം. പെട്ടന്നൊരു ദിവസം ഹാർട്ട് അറ്റാക്ക് വന്നാണ് എന്റെ ഭർത്താവ് മരിച്ചത. തലേന്ന് രാത്രി എന്നോട് ഫോണിൽ സംസാരിച്ചിട്ട് കിടന്നുറങ്ങിയ വ്യക്തി രാവിലെ അഞ്ച് മണിക്ക് മരണപ്പെട്ടു എന്ന വാർത്ത കേട്ടാണ് ഞാനുണർന്നത്. പെട്ടന്ന് ജീവിതത്തിൽ ഒറ്റപ്പെട്ടുപോയ എനിക്ക് എന്ത് ചെയ്യണം എന്നുപോലും അറിയില്ലായിരുന്നു. എന്റെ ഭർത്താവിന്റെ അമ്മ കശുവണ്ടി തൊഴിലാളിയാണ്. അച്ഛൻ ഹാർട്ട് അറ്റാക്ക് വന്ന് നിത്യരോഗിയായി കിടപ്പിലായ വ്യക്തിയാണ്. എന്റെ ഭർത്താവിന്റെ മൂന്നു പെങ്ങമ്മാരുടേതടക്കമുള്ള എല്ലാ ജീവിതച്ചെലവുകളും ഈ നാല്പതിനായിരം രൂപയിൽ നിന്നാണ് ചെലവാക്കിക്കൊണ്ടിരുന്നത്. എന്റെ ഭർത്താവിന്റെ ഒരു പെങ്ങളുടെ ഭർത്താവ് രണ്ട് സ്‌ട്രോക്ക് വന്ന് സംസാരശേഷി പോലും നഷ്ടപ്പെട്ട്# പൂർണ്ണമായും കിടപ്പിലായിപ്പോയ വ്യക്തിയായിരുന്നു. ദീർഘകാലത്തെ ചികിത്സ കൊണ്ട് ഇപ്പോൾ ഒരുവിധം എഴുന്നേറ്റ് നിൽക്കാറായിട്ടുണ്ട്. സംസാരശേഷി ഇപ്പോഴും തിരിച്ച് കിട്ടിയിട്ടില്ല. എന്റെ അച്ഛൻ സാധാരണക്കാരനായ ഒരു കർഷകനാണ്. എന്റെയോ എന്റെ ഭർത്താവിന്റെയോ കുടുംബത്തിന് ഈ നാല്പതിനായിരം രൂപയല്ലാതെ യാതൊരു വരുമാനവും ഇല്ല. എന്നിട്ടും അദ്ദേഹം ജീവിച്ചിരുന്നപ്പോൾ വളരെ ലളിതമായ ജീവിതം നയിച്ച് അതിൽ നിന്നും മിച്ചം പിടിക്കുന്ന പൈസ എന്റെ നാട്ടിലെ പാവങ്ങൾക്ക് ഞാൻ കൊടുത്തിട്ടുണ്ട്. പലപ്പോഴും പാർട്ടി പരിപാടികൾക്ക് പോലും സ്വന്തം കയ്യിൽ നിന്നും പൈസയെടുത്ത് യാത്രചെയ്യേണ്ടി വന്നിട്ടുണ്ട്.

എന്റെ ഭർത്താവ് വളരെ സത്യസന്ധനായ ഒരു വ്യക്തിയായിരുന്നു. അതുകൊണ്ട് തന്നെ പൊതുപ്രവർത്തനത്തിലും രാഷ്ട്രീയപ്രവർത്തനത്തിലും പാലിക്കേണ്ട മര്യാദകളെക്കുറിച്ച് അദ്ദേഹം എന്നെ എപ്പോഴും ഓർമ്മിപ്പിക്കുമായിരുന്നു. സത്യസന്ധമായ രീതിയിൽ രാഷ്ട്രീയ പ്രവർത്തനം നടത്തിയതുകൊണ്ട് എന്റെ കയ്യിൽ നിന്നും പണം അങ്ങോട്ട് ചെലവായതല്ലാതെ ഒരു രൂപപോലും ഞാൻ അന്യായമായ രീതിയിൽ സമ്പാദിച്ചിട്ടില്ല. എന്റെ ഭർത്താവ് മരിക്കുമ്പോൾ എന്റെ മകന് 16 വയസ്സാണ് പ്രായം. ജനുവരി 10ന് അവന് 17 വയസ്സ് തികയും. എന്റെ ഭർത്താവ് മരിച്ചപ്പോൾ കോൺഗ്രസിലെ മുതിർന്ന നേതാക്കൾ അടക്കം എല്ലാവരും എന്റെ വീട്ടിൽ വന്നിരുന്നു. എന്റെ യഥാർത്ഥമായ ജീവിതപശ്ചാത്തലം അവർക്കെല്ലാം അറിയാമായിരുന്നു. എന്നിട്ടും ഞാൻ ഉമ്മൻ ചാണ്ടി സാറിനോടും കെപിസിസി പ്രസിഡന്റ് രമേശ് ചെന്നിത്തല സാറിനോടും ഞങ്ങൾക്ക് ജീവിക്കാൻ ആകെയുണ്ടായിരുന്ന വരുമാനം ഇന്നത്തോടെ നിലച്ചെന്നും ഇന്ന് മുതൽ മകനെ പഠിപ്പിക്കാൻ പോലും നിവൃത്തിയില്ലെന്നും എന്തെങ്കിലും സഹായം ചെയ്യണമെന്നും ആവശ്യപ്പെട്ടിരുന്നു. ചെയ്യാമെന്ന് എല്ലാവരും പറഞ്ഞെങ്കിലും ആരും ഒന്നും ചെയ്തില്ല.


മൂന്നു മാസം കഴിഞ്ഞപ്പോൾ ഞാൻ സഹായം ആവശ്യപ്പെട്ട് ഉമ്മൻ ചാണ്ടിക്കും രമേശ് ചെന്നിത്തലയ്ക്കും സോണിയാഗാന്ധിക്കും കത്തുകൾ എഴുതി. കത്തയക്കാനുള്ള കാരണം ഭർത്താവ് മരിച്ച് നാല് മാസം മുസ്ലിം സ്ത്രീകൾക്ക് പുറത്തിറങ്ങാൻ പറ്റാത്തകാലമായതുകൊണ്ടാണ്. എന്റെ ആവശ്യങ്ങൾക്കോ നിവേദനങ്ങൾക്കോ യാതൊരു പ്രതികരണവും ഉണ്ടായില്ല. ഉമ്മൻ ചാണ്ടിയെ പലപ്രാവശ്യം ഫോണിൽ വിളിച്ച് ഞാനീ കാര്യങ്ങൾ ഓർമ്മിപ്പിച്ചു. അപ്പോഴൊക്കെ വരട്ടെ, നോക്കട്ടെ എന്നീ രണ്ടുവാക്കുകളല്ലാതെ ഒരക്ഷരം പോലും സംസാരിക്കാൻ അദ്ദേഹം തയ്യാറായില്ല.

എന്നാൽ എന്റെ ദുരിതം നേരിട്ടു കണ്ട നാട്ടിലെ സിപിഎമ്മിന്റെയും സിപിഐയുടേയും പ്രവർത്തകർ എനിക്ക് ധനസഹായം വാഗ്ദാനം ചെയ്തു. എങ്കിലും അറിയപ്പെടുന്ന കോൺഗ്രസ് പ്രവർത്തകയായ എനിക്ക് അത് സ്വീകരിക്കാൻ പോലും കഴിഞ്ഞില്ല. കടുത്ത ദാരിദ്ര്യവും പട്ടിണിയുമാണെങ്കിലും ഞാനതെങ്ങനെ വാങ്ങും? പിന്നെ എന്റെ കഴിഞ്ഞ മുപ്പതുകൊല്ലത്തെ രാഷ്ട്രീയപ്രവർത്തനത്തിന് എന്തുവില?

ഇന്നലെ എന്റെ ഭർത്താവിന്റെ മരണത്തിന്റെ ഒന്നാം വാർഷികമായിരുന്നു. അതിനോടനുബന്ധിച്ചുള്ള ചടങ്ങ് നടത്താൻ പോലും എന്റെ കയ്യിൽ പണമുണ്ടായിരുന്നില്ല. എന്റെ ഭർത്താവിന്റെ അമ്മ ദിവസവും കൂലിപ്പണിക്ക് പോയി കിട്ടുന്ന തുകയിൽ നിന്നും ഒരു ചെറിയ തുക ചടങ്ങ് നടത്താനായി ഇന്നലെ എന്നെ ഏല്പിച്ചു. എന്നാൽ ദാരിദ്ര്യം അതിന്റെ എല്ലാ ഭീകരതയോടു കൂടിയും കഴിഞ്ഞ ഒരു വർഷം കൊണ്ട് തിരിച്ചറിഞ്ഞ ഞാൻ ആ പണം വെറുതെ കളയേണ്ട എന്നു തീരുമാനിച്ചു. എന്റെ നാട്ടിൽ രോഗബാധിതരായി തളർന്ന് കിടക്കുന്ന മൂന്നു പേർക്ക് ഞാൻ ആ തുക വീതിച്ച് കൊടുത്തു. എന്റെ ഭർത്താവിന്റെ മരണത്തിന്റെ നാല്പതാം ദിവസത്തെ കർമ്മം കഴിക്കാൻ പലരും പണം പിരിച്ച് ഒന്നരലക്ഷം രൂപ എന്നെ ഏല്പിച്ചിരുന്നു. എന്നാൽ ഞാൻ ആ തുക എന്റെ വീടിനടുത്തുള്ള ഒരു വിധവയുടെ മകളുടെ കല്യാണത്തിന് സ്വർണം വാങ്ങാൻ കൊടുക്കുകയായിരുന്നു.

എന്റെ മകൻ ഇപ്പോൾ പ്ലസ് ടുവിന് പഠിക്കുകയാണ്. എനിക്കവനെ പഠിപ്പിക്കാൻ നിവൃത്തിയില്ല. എന്റെ ഭർത്താവിന്റെ പ്രായമായ മാതാപിതാക്കളെ സംരക്ഷിക്കാൻ കഴിയുന്നില്ല. വീട്ടിലെ നിത്യച്ചെലവുകൾ കഴിക്കാൻ പോലും എന്റെ കയ്യിൽ പണമില്ല. ഞാൻ കോൺഗ്രസ് നേതൃത്വത്തോട് ആവശ്യപ്പെടുന്നത് ഒന്നു മാത്രമാണ്. നിരവധി കോർപ്പറേഷനുകളിലേക്കും ബോർഡുകളിലേക്കും രാഷ്ട്രീയ നിയമനങ്ങൾ നടക്കുന്നുണ്ടല്ലോ? ഒരു നിത്യവരുമാനമുള്ള ഏതെങ്കിലും ഒരു തൊഴിൽ എനിക്കു തരണം. എന്റെ ജീവിതം മുഴുവൻ പാർട്ടി പ്രവർത്തനത്തിന് വേണ്ടി ഞാൻ ചെലവഴിച്ച് കഴിഞ്ഞു. പുറത്ത് പോയി ഒരു ജോലി കണ്ടുപിടിക്കാനുള്ള എന്റെ പ്രായം കഴിഞ്ഞു. പിഎസ്സി ടെസ്റ്റ് എഴുതാനും ഇനി എനിക്ക് കഴിയില്ല. എന്റെ എല്ലാവിധ ജീവിതദുരിതങ്ങളും നിസ്സഹായതയും അടുത്തറിയുന്ന പാർട്ടി നേതാക്കൾ ഒരു കൈസഹായം തന്ന് എന്നെ രക്ഷിക്കണം. ന്യൂനപക്ഷ കമ്മീഷനിലും പിഎസ് സിയിലും ഒഴിവുകൾ വന്നപ്പോൾ ഞാൻ നേതാക്കളുടെ കാല് പിടിച്ച് ആവശ്യപ്പെട്ടിട്ടും എനിക്കവർ ഒരു സ്ഥാനവും തന്നില്ല. ഈ അടുത്ത ദിവസം കശുവണ്ടി തൊഴിലാളി ക്ഷേമനിധി ബോർഡിൽ ഒഴിവ് വരും. ഒരു കശുവണ്ടി തൊഴിലാളിയുടെ മരുമകൾ എന്ന പരിഗണനയെങ്കിലും വച്ച് എന്നെ ആ സ്ഥാനത്തേക്ക് പരിഗണിക്കണം.


കോൺഗ്രസിൽ സ്ത്രീകൾ കടുത്ത അവഗണനയാണ് അനുഭവിക്കുന്നത്. ഒരു ഗോഡ്ഫാദർ ഇല്ലെങ്കിൽ ഒരു സ്ത്രീക്കും കോൺഗ്രസിൽ അർഹമായ യാതൊരു സ്ഥാനമോ നീതിയോ ലഭിക്കാത്ത സാഹചര്യമാണ് ഇന്ന് നിലനിൽക്കുന്നത്. സാധാരണക്കാരായ താഴെത്തട്ടിൽ നിന്നും വന്ന പ്രവർത്തകർക്ക് അർഹമായ ഒരു സ്ഥാനവും പാർട്ടിയിൽ നിന്നും ലഭിക്കുന്നില്ല. മാന്യമായ രീതിയിൽ രാഷ്ട്രീയ പ്രവർത്തനം നടത്താനേ എനിക്കറിയൂ. ഒരു രാഷ്ട്രീയനേതാവിനേയും ഞാൻ വീട്ടിൽ പോയി സന്ദർശിക്കാറില്ല. ഇവരുടെ ആരുടേയും വീട് എവിടെയെന്ന് എനിക്ക് അറിയുക പോലുമില്ല. എന്തെങ്കിലും ആവശ്യമുണ്ടെങ്കിൽ ഓഫീസുകളിൽ പോയി അവരെ കാണുമെന്നല്ലാതെ ആരെയും അനാവശ്യമായി സന്ദർശിക്കാറില്ല. നിങ്ങൾക്ക് അനേ്വഷിച്ചാൽ അറിയാം. ഞാൻ കെപിസിസി ഓഫീസിൽ പോയിട്ട് പോലും മാസങ്ങളായി. എന്റെ പാർട്ടിയിൽ തന്നെ നിന്നുകൊണ്ട് വളരെ വേദനയോടെയാണ് ഞാനിത് പറയുന്നത്. എന്റെ നിവൃത്തികേട് കൊണ്ട്.

ഇന്നലെ കെപിസിസി ജനറൽ സെക്രട്ടറി അജയ് തറയിൽ മാദ്ധ്യമങ്ങളോട് എന്നെക്കുറിച്ച് പറഞ്ഞത് ഷാഹിദയ്ക്ക് അനർഹമായത് പലതും പലതവണ കൊടുത്തു എന്നാണ്. അദ്ദേഹത്തിന് അത് പറയാനുള്ള യോഗ്യത എന്താണ്? എന്താണ് എനിക്ക് പാർട്ടിയിൽ നിന്നും അനർഹമായിട്ട് ലഭിച്ചത്? അർഹമായ നീതി പോലും എനിക്ക് ലഭിച്ചിട്ടില്ല. ഞാൻ പാർട്ടിക്ക് വേണ്ടി പ്രവർത്തിച്ചിട്ടുള്ളതിന്റെ പകുതി പോലും പ്രവർത്തിക്കാത്ത വ്യക്തിയാണ് അജയ് തറയിൽ. ഞാൻ രാഷ്ട്രീയ പ്രവർത്തനവും സാമൂഹ്യപ്രവർത്തനവും ആരംഭിച്ചിട്ട് മുപ്പത് വർഷമായി.

13-ാം വയസ്സിൽ എട്ടാം ക്ലാസ്സിൽ പഠിക്കുമ്പോഴാണ് ഞാൻ കെഎസ്യുവിൽ പ്രവർത്തിക്കാൻ ആരംഭിക്കുന്നത്. പിന്നീട് കെ.എസ്.യുവിന്റെ യൂണിറ്റ് പ്രസിഡന്റായി. യൂണിവേഴ്‌സിറ്റി യൂണിയൻ ചെയർമാനായ ആദ്യത്തെ വനിതയാണ് ഞാൻ. കേരളാ സർവ്വകലാശാല ഇലക്ഷന് ജനറൽ സെക്രട്ടറി സ്ഥാനത്തേക്ക് ഞാൻ മത്സരിച്ചിട്ടുണ്ട്. യൂത്ത് കോൺഗ്രസ് സംസ്ഥാന ജനറൽ സെക്രട്ടറിയായിട്ടുണ്ട്. എനിക്ക് കഴിവില്ലായിരുന്നുവെങ്കിൽ ഈ സ്ഥാനമൊക്കെ എനിക്ക് ലഭിക്കുമായിരുന്നോ?

കഴിഞ്ഞ ലോക്‌സഭാ തെരഞ്ഞെടുപ്പ് വന്നപ്പോൾ തോൽക്കുമെന്നുറപ്പുള്ള കാസർകോഡ് മണ്ഡലത്തിൽ മത്സരിക്കാൻ ഷാനിമോൾ വിസമ്മതിച്ചു. അന്ന് ഉമ്മൻ ചാണ്ടിയും രമേശ് ചെന്നിത്തലയും ഷിബു ബേബി ജോണും അടക്കം ഷാഹിദ മത്സരിച്ചേ പറ്റൂ, പാർട്ടിയുടെ മാനം കാക്കണമെന്ന് നിർബന്ധിച്ചപ്പോഴാണ് അറിഞ്ഞുകൊണ്ട് തോൽക്കുന്നൊരു മത്സരത്തിന് ഞാൻ തയ്യാറായത്. എന്നിട്ടും 16 ദിവസം മാത്രം പ്രവർത്തിച്ച് മികച്ച മത്സരം ഞാൻ കാഴ്ചവച്ചു. അന്ന് എല്ലാ നേതാക്കളും എന്നോട് പറഞ്ഞു, ഇനി ഷാഹിദാ കമാൽ കഴിഞ്ഞിട്ടേ കോൺഗ്രസിൽ മറ്റൊരു വനിതാ നേതാവ് ഉള്ളൂ എന്ന്. എന്നിട്ടും തുടർന്ന് വന്ന നിയമസഭാ തെരഞ്ഞെടുപ്പിലും എനിക്ക് തോൽക്കുമെന്ന് ഉറപ്പുള്ള ചടയമംഗലം സീറ്റ് തന്നെ തന്നു. സിപിഐ മന്ത്രിയാക്കാൻ ആഗ്രഹിക്കുന്ന വ്യക്തിയെ മത്സരിപ്പിച്ച് ജയിപ്പിക്കുന്ന സീറ്റാണ് ചടയമംഗലം. അത് അറിഞ്ഞുകൊണ്ട് തന്നെ ഞാനവിടെ മത്സരിച്ചു.

ഇന്ന് എനിക്ക് പാർട്ടിയിൽ ഒരു ഔദ്യോഗിക സ്ഥാനവുമില്ല. മഹിളാ കോൺഗ്രസിന്റെ അഖിലേന്ത്യാ ഭാരവാഹിയായി മൊഹ്‌സിന കിദ്വായി എന്നെ നിയമിക്കുകയുണ്ടായി. അതിന്റെ കാലാവധി കഴിഞ്ഞപ്പോൾ എന്റെ എല്ലാ കാര്യങ്ങളുമറിയാവുന്ന കേരളത്തിലെ ഒരു നേതാവും ഒരു സ്ഥാനത്തേക്കും എന്റെ പേര് നിർദ്ദേശിച്ചിട്ടില്ല. 'പാവത്തുങ്ങൾക്ക്‌ന' ന്യായമായ രീതിയിൽ ഈ പാർട്ടിയിൽ ഒരു സ്ഥാനവും കിട്ടില്ല. എന്നാൽ കേരളത്തിൽ ഉടനീളം എന്ത് സമ്മേളനം നടക്കുകയാണെങ്കിലും പ്രസംഗിക്കാൻ ഞാൻ വേണം. എന്നാൽ ഔദ്യോഗികമായി ഒരു സ്ഥാനവും ഷാഹിദാ കമാലിന്റെ പേരിന് പുറകിലില്ല. ഇപ്പോൾ കുറച്ച് കാലമായി ഞാൻ പ്രസംഗിക്കാൻ പോകാറില്ല. ഞാൻ തകർന്ന് പോയിരിക്കുന്നു. എന്റെ ജീവിതം വഴിമുട്ടിയിരിക്കുന്നു. എല്ലാവരും അസൂയയോടെ നോക്കിക്കണ്ടിരുന്ന മാതൃകാദമ്പതികൾ എന്ന് വിളിച്ചിരുന്ന എന്റെ ഭർത്താവിന്റെ മരണത്തോടെ ഞാൻ തീർത്തും ഒറ്റപ്പെട്ടിരിക്കുന്നു.

ഞാൻ എന്റെ പാർട്ടിയേയും നേതാക്കളേയും ഇപ്പോഴും വിശ്വസിക്കുന്നു. അവരുടെ തിരക്കിനിടയിൽ അവർക്കെന്റെ ദുരിതം കാണാൻ കഴിയാതെ പോയതാണെങ്കിൽ ഞാനിപ്പോൾ അവരെയെല്ലാം ഓർമ്മിപ്പിക്കുകയാണ്. തുടർന്നുജീവിക്കാൻ നിവൃത്തിയില്ലാത്തവിധം നിസ്സഹായയായ ഒരു വിധവയാണു ഞാൻ. എന്റെ മരിച്ചുപോയ ഭർത്താവിനോട് എനിക്കിനി നീതി കാണിക്കാൻ ഒരേയൊരു വഴിയേയുള്ളൂ. എന്റെ മകനെ പഠിപ്പിച്ച് നല്ലനിലയിലെത്തിക്കുക എന്നതാണത്. ഒന്നും കഴിഞ്ഞില്ലെങ്കിലും അവന്റെ തുടർവിദ്യാഭ്യാസത്തിന് ആവശ്യമായ കാര്യങ്ങളെങ്കിലും അവരൊന്നു ചെയ്തുതന്നാൽ മതിയായിരുന്നു...

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
പലവട്ടം ആവർത്തിച്ചിട്ടും മലയാളികൾക്ക് മടുക്കുന്നില്ല അർദ്ധരാത്രിയിൽ വേഷം മാറി മുടക്കോഴി മല കയറി കൊടി സുനിയെ സാഹസികമായി കീഴടക്കിയ കഥ; ടിപി വധക്കേസിലും കനകമല ഐസിസ് കേസിലും സ്വർണക്കള്ളക്കടത്ത് കേസിലും കാട്ടിയ മികവ് എങ്ങനെ മറക്കും? സിപിഎമ്മിന്റെ കണ്ണിലെ കരടെങ്കിലും അമിത് ഷായുടെ കണ്ണിൽ മിടുമിടുക്കൻ; കേന്ദ്ര ആഭ്യന്തരമന്ത്രിയുടെ മെഡൽ സമ്മാനിച്ചപ്പോൾ എൻഐഎയിലെ എ.പി.ഷൗക്കത്തലി തിളങ്ങുന്നതിന് പിന്നിൽ
സ്വർണക്കള്ളക്കടത്ത് കേസിൽ എൻഐഎ സംഘം വീണ്ടും സെക്രട്ടേറിയറ്റിൽ; മൊഴിയെടുത്തത് സംസ്ഥാന പ്രോട്ടോക്കോൾ ഓഫീസറുടെ; വ്യക്തത വരുത്തിയത് സംസ്ഥാനത്തിന്റെ അറിവോടെ നയതന്ത്രബാഗുകൾ എത്രതവണ എത്തിയെന്ന്; യുഎഇ കോൺസുലേറ്റ് വഴി ഖുറാൻ വിതരണം ചെയ്തതിൽ പ്രോട്ടോക്കോൾ ഓഫീസർക്ക് കസ്റ്റംസിന്റെ സമൻസ്; രണ്ടുവർഷത്തിനുള്ളിൽ എത്ര നയതന്ത്ര ബാഗേജുകൾ വന്നുവെന്ന് അറിയിക്കണം; പ്രതികളുടെ ഫോൺ ഡീറ്റേയ്ൽസ് നൽകാത്തതിന് ബിഎസ്എൻഎല്ലിനും നോട്ടീസ്
മതഗ്രന്ഥങ്ങൾ എത്തിക്കാൻ പാടില്ലെന്ന് ഡിപ്ലോമാറ്റിക് റൂൾസ് ഉണ്ട്; നയതന്ത്രജ്ഞർ ഉൾപ്പെടെ ആർക്കും മതഗ്രന്ഥ ഇറക്കുമതിക്ക് അനുമതിയില്ല; ജലീൽ ഖുറാൻ എത്തിയെന്ന് പറയുന്നത് ഡിപ്ലോമാറ്റിക് വഴിയിൽ തന്നെ; മന്ത്രിയുടെ ഭാഗത്ത് നിന്നും വന്നത് ഗുരുതര പ്രോട്ടോക്കോൾ ലംഘനം; രാഷ്ട്രീയ നേതൃത്വം കുറുക്കു വഴി എടുക്കുമ്പോൾ ബ്രൂറോക്രസി ശ്രദ്ധിക്കണം; ബ്യൂറോക്രസിയിലെ ഗുരുതര പിഴവുകളാണ് നിലവിലെ പ്രശ്‌നങ്ങൾക്ക് കാരണം; ജലീലിന്റെ പ്രോട്ടോക്കോൾ ലംഘനത്തെക്കുറിച്ച് ടി.പി.ശ്രീനിവാസൻ മറുനാടനോട്
ചാരകേസ് ബൂമറാംഗ് ആയപ്പോൾ നൈസായി ദേശാഭിമാനി കൈകഴുകി; എല്ലാം മനോരമയുടെ തലയിൽ എടുത്തു വച്ചു; ഏതെങ്കിലും സംഭവം ക്ലിക്ക് ആയാൽ ക്രഡിറ്റ് അടിച്ചുമാറ്റാൻ ഒരു മടിയുമില്ല; വീഴ്ച വന്നാലോ ഞാനൊന്നുമറിഞ്ഞില്ല രാമനാരായണാ എന്നാണ് ഭാവം; രാഷ്ട്രീയ എതിരാളികൾക്കെതിരെയുള്ള സിപിഎമ്മിന്റെ ഹീനമായ ആക്രമണങ്ങൾ ഞങ്ങൾ എണ്ണിയെണ്ണി ഓർമ്മപ്പെടുത്തണോ? വി.ടി.ബൽറാമിന്റെ പോസ്റ്റ്
തൊട്ടാൽ പൊട്ടുന്ന മതവികാരവുമായി സദാ സംഘർഷപൂരിതമായ ഒരു മനസ്സുമായി ജീവിക്കുന്നവർക്ക് ഒരു പോസ്റ്റ് പോലും കലാപകാരണമാകുന്നുവെന്ന് ബാംഗ്ലൂർ കാണിക്കുന്നു; ആരോ ഒരാൾ ചെയ്ത ചെറിയ ഒരു തെറ്റിന്റെ പേരിൽ ഒരു തെരുവു മുഴുവൻ അക്രമിക്കാനിറങ്ങുന്നവരുടെ മനോവികാരം എന്താണ്? മതേതര സമൂഹത്തിൽ ജോസഫെന്ന ഒരു പ്രൊഫസറുടെ ജീവിതം നേർക്കാഴ്ചയായി മുന്നിലുള്ളപ്പോൾ ബാംഗ്ലൂർ വരെ എന്തിനു പോകണം? അഞ്ജു പാർവതി പ്രഭീഷ് എഴുതുന്നു
വീണ്ടും ഞെട്ടിച്ച് കൂടത്തായി ഹീറോ കെ.ജി.സൈമൺ; ചിറ്റാറിലെ മത്തായിയുടെ മരണത്തിൽ ഡമ്മി പരീക്ഷണവുമായി പൊലീസ്; പരിശോധിച്ചത് മത്തായി സ്വയം ചാടിയതോ അതോ ആരെങ്കിലും എടുത്തിട്ടതോയെന്ന്; പോസ്റ്റുമോർട്ടം ചെയ്ത ഡോക്ടർമാരും മൃതദേഹം എടുത്ത ഫയർഫോഴ്സും സാക്ഷിയായി; കേസിൽ നീതി തേടി മത്തായിയുടെ കുടുംബം സത്യാഗ്രഹം തുടരുന്നു
നിഷ പുരുഷോത്തമനും കമലേഷും പ്രജുലയും അടക്കമുള്ള മാധ്യമപ്രവർത്തകർക്ക് എതിരായ സോഷ്യൽ മീഡിയ പോസ്റ്റുകൾ അപകീർത്തികരവും അവഹേളനപരവും ലൈംഗിക ചുവയുള്ളതും; കമലേഷും പ്രജുലയും സമർപ്പിച്ച സ്‌ക്രീൻ ഷോട്ടിൽ ഐടി നിയമപ്രകാരം പ്രഥമദൃഷ്ട്യാ കുറ്റം കാണുന്നില്ലെങ്കിലും പ്രാഥമികാന്വേഷണം നടത്തി ആവശ്യമെങ്കിൽ കേസെടുക്കും; ഡിജിറ്റൽ തെളിവുകൾക്കായി അന്വേഷണം തുടരുമെന്നും ഡിഐജിയുടെ റിപ്പോർട്ട്
അധികാരവും ആൾബലവും ഉപയോഗിച്ച് സൈബർ പോരാളികളെ എക്കാലവും സംരക്ഷിച്ചിരുന്നത് സിപിഎമ്മും അവർ നിയന്ത്രിക്കുന്ന സർക്കാരുമാണ്;എതിർക്കുന്നവരെയൊക്കെ പട്ടാപ്പകൽ ക്ലാസ് മുറിയിലും നടുറോഡിലും ഇല്ലാതാക്കിയവരാണ് സിപിഎമ്മുകാർ; ഗുണ്ടായിസത്തിന്റെ ഡിജിറ്റൽ രൂപമാണ് പോരാളി ഷാജിമാരിലൂടെ സിപിഎം ഇപ്പോൾ നടപ്പാക്കുന്നതെന്ന് ചുരുക്കം; ആദ്യം അകത്തിടേണ്ടത് മുഖ്യമന്ത്രിയുടെ പ്രസ് സെക്രട്ടറിയെ; രൂക്ഷവിമർശവുമായി വി മുരളീധരൻ
ലാവ് ലിൻ കേസ് , കമല ഇന്റർനാഷണൽ എക്‌സ്പോർട്ടിങ് കമ്പനി, തുടങ്ങി താങ്കൾ നടത്തിയ കോടികളുടെ പണമിടപാടുകളുടെ രേഖകൾ കത്തി നശിപ്പിക്കാൻ ഗുണ്ടകൾക്ക് നേതൃത്വം നൽകിയത് ഇപ്പോഴത്തെ മരുമകനായ മുഹമ്മദ് റിയാസ് ആയിരുന്നില്ലേ ...?ധാർഷ്ട്യം ഒട്ടും കൈവിടാതെ ഇനിയുമുറക്കെ പറയൂ പിണറായീ, ഞാൻ രാജി വെയ്ക്കില്ല... അങ്ങനെ പിണറായി എന്ന വിഴുപ്പ് ഭാണ്ഡം ലോകമാകെ ദുർഗന്ധം പരത്തട്ടെ; പിണറായി വിജയനെതിരെ രൂക്ഷ വിമർശനവുമായി ക്രൈം നന്ദകുമാർ; പോസ്റ്റ് വൈറലാകുമ്പോൾ
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
ഭർത്താവിനോട് പോലും നീതി പുലർത്താത്ത, കള്ളം പറയുന്ന ഉത്തമനായ പുരുഷന്റെ മകൾ വിവാഹ മോചനം നേടാൻ പോകുന്നു......; കാരണം..... തെറ്റ് ചെയ്യാത്തവർ ആരും ഇല്ല എന്ന് ഭർത്താവിനോട് പറഞ്ഞതിനാൽ; മനോരമ വാർത്താ അവതാരകയ്ക്കെതിരെ സ്ത്രീ വിരുദ്ധത നിറച്ച് ദേശാഭിമാനിക്കാരന്റെ വ്യാജ ആരോപണ പോസ്റ്റ്; നിഷാ പുരുഷോത്തമനെതിരെ അതിക്രമം കാട്ടിയ സഖാവിനെതിരെ ഒരക്ഷരം മിണ്ടാതെ പത്രപ്രവർത്തക യൂണിയനും സ്ത്രീ സമത്വ വാദികളും; മനോരമ നിലപാട് കടുപ്പിച്ചപ്പോൾ പോസ്റ്റ് ഡിലീറ്റ് ചെയ്ത് തടിതപ്പൽ
സ്വയം മരണത്തിലേക്ക് പറന്നിറങ്ങിയപ്പോഴും മനസ്സാന്നിധ്യത്തോടെ കൂടെയുള്ളവരുടെ ജീവനുകൾ കാത്ത ക്യാപ്റ്റന് സല്യൂട്ട്! ഗിയർ ബോക്‌സിലെ തകരാർ തിരിച്ചറിഞ്ഞതോടെ ആകാശത്ത് വട്ടമിട്ട് പറന്ന് ഇന്ധനം പരമാവധി ഒഴിവാക്കി; സാങ്കേതിക തകരാർ തിരിച്ചറിഞ്ഞ് നിലത്തിറക്കൽ; മഴയിൽ തെന്നിമാറിയപ്പോഴും പറന്നുയരാത്തത് ജനവാസ കേന്ദ്രം മുന്നിലെന്ന യാഥാർത്ഥ്യം തിരിച്ചറിഞ്ഞ്; കരിപ്പൂരിൽ വൻ ദുരന്തം ഒഴിവാക്കിയത് യുദ്ധവിമാനങ്ങളെ അടക്കം നിയന്ത്രിച്ച ക്യാപ്ടൻ ഡിവി സാഥെ; വലിയ ദുരന്തം ഒഴിവാക്കിയത് ഈ മനക്കരുത്ത്
ഒറ്റയ്ക്ക് പോകാൻ ധൈര്യമില്ല; നേരോടെയുമല്ല.. നിർഭയവുമല്ല... നിരന്തരം മര്യാദകെട്ട്...! ഏഷ്യാനെറ്റിനെ കളിയാക്കി പോസ്റ്റ്; പാർട്ടി അടിമയെ പോലെ മുഖ്യമന്ത്രിയുടെ പ്രസ് സെക്രട്ടറി പെരുമാറരുതെന്ന് വിനു വി ജോൺ; മര്യാദ കെട്ടവരുമായി കൂട്ടു വേണ്ടാന്നു വെക്കാനുള്ള സ്വാതന്ത്ര്യം കവർന്നെടുക്കാനുള്ള അധികാരം ഒരു ചാനൽ ജഡ്ജിക്കും ആരും നൽകിയിട്ടുമില്ല... കുഞ്ഞ് പോയി തരത്തിൽ കളിക്ക്...! പിഎം മനോജിന്റെ പരിഹാസത്തിൽ പത്രപ്രവർത്തക യൂണിയന് മൗനം; ചോദ്യം ചെയ്യലുകൾ മുഖ്യമന്ത്രിയെ അലോസരപ്പെടുത്തുമ്പോൾ
ഷാപ്പിലെ കറിവെപ്പുകാരനായി മണർകാടെത്തി; വട്ടിപ്പലിശക്കാരുടെ ഇടനിലക്കാരനായി ചുവടുമാറ്റം; നിസാര തുക കടം കൊടുത്ത് കോടികൾ മൂല്യമുള്ള വസ്തു വകകൾ തട്ടിയെടുത്ത് വളർന്ന് പന്തലിച്ചു; 20 ലക്ഷം രൂപയ്ക്ക് രണ്ടേ കാൽ മാസത്തേക്ക് പലിശയായി വാങ്ങിയത് ഒരു കോടി രൂപ; കൊള്ളപ്പലിശയ്ക്ക് അവതരിപ്പിച്ചത് പത്താംകളം എന്ന പലിശ രീതി; അച്ഛനെ കിഡ്‌നാപ്പ് ചെയ്ത് യുവതിയെ ധർമ്മ സങ്കടത്തിലാക്കി; മാലം സുരേഷ് ക്രൂരതയുടെ അവതാരം! മല്ലപ്പള്ളിയിലെ പ്രീതി മാത്യുവിനെ തകർത്തതും മണർകാട്ടെ ഷൈലോക്കിന്റെ ചതിക്കുഴി
ശ്രീകണ്ഠൻ നായരുടെ വിദേശയാത്രകൾക്ക് ഹൈക്കോടതിയുടെ വിലക്ക്; വ്യാജ വാർത്താ കേസിൽ അറസ്റ്റ് ചെയ്താൽ 50,000 രൂപ ബോണ്ടിൽ വിട്ടയയ്ക്കണം; ഇനി വ്യാജ വാർത്തകൾ സംപ്രക്ഷേണം ചെയ്താൽ ജാമ്യം റദ്ദാക്കും; മറ്റുള്ളവർക്ക് വഴികാട്ടേണ്ട ശ്രീകണ്ഠൻ നായർ കേട്ടുകേൾവി വാർത്തയാക്കരുതെന്ന് ഓർമ്മിപ്പിച്ച് 24 ചാനൽ മേധാവിക്ക് ജാമ്യം അനുവദിച്ച് ഹൈക്കോടതി; ശ്രീകണ്ഠൻ നായർ ഷോയിലെ കോവിഡിനെ കുറിച്ചുള്ള വ്യാജ വാർത്തയിലെ വിധിയിൽ നിറയുന്നത് വിമർശനങ്ങൾ മാത്രം
വാവിട്ട വാക്കും കൈവിട്ട ഫേസ്‌ബുക്ക് പോസ്റ്റും; തെറിച്ചത് മാധ്യമപ്രവർത്തകന്റെ പണി; മാധ്യമങ്ങളോട് ചൂടായ മുഖ്യമന്ത്രിയെ വിമർശിച്ച് 'മിസ്റ്റർ പിണറായി' എന്ന് തുടങ്ങുന്ന പോസ്റ്റിട്ട 'കേരള വിഷൻ' ന്യൂസ് ഹെഡിന് കിട്ടിയത് വലിയ പണി; കടുത്ത സൈബർ ആക്രമണത്തിന് പിന്നാലെ പ്രജീഷിനെ ജോലിയിൽ നിന്ന് മാറ്റി നിർത്തി മാനേജ്‌മെന്റ്; ആകെ തകർന്നപ്പോൾ ജീവനൊടുക്കാനും മാധ്യമപ്രവർത്തകന്റെ ശ്രമം
ലാവ് ലിൻ കേസ് , കമല ഇന്റർനാഷണൽ എക്‌സ്പോർട്ടിങ് കമ്പനി, തുടങ്ങി താങ്കൾ നടത്തിയ കോടികളുടെ പണമിടപാടുകളുടെ രേഖകൾ കത്തി നശിപ്പിക്കാൻ ഗുണ്ടകൾക്ക് നേതൃത്വം നൽകിയത് ഇപ്പോഴത്തെ മരുമകനായ മുഹമ്മദ് റിയാസ് ആയിരുന്നില്ലേ ...?ധാർഷ്ട്യം ഒട്ടും കൈവിടാതെ ഇനിയുമുറക്കെ പറയൂ പിണറായീ, ഞാൻ രാജി വെയ്ക്കില്ല... അങ്ങനെ പിണറായി എന്ന വിഴുപ്പ് ഭാണ്ഡം ലോകമാകെ ദുർഗന്ധം പരത്തട്ടെ; പിണറായി വിജയനെതിരെ രൂക്ഷ വിമർശനവുമായി ക്രൈം നന്ദകുമാർ; പോസ്റ്റ് വൈറലാകുമ്പോൾ
മുന്നിൽ ചീറിപ്പാഞ്ഞത് പൃഥ്വിരാജിന്റെ ലംബോർഗിനി; തൊട്ടു പിന്നാലെ വിട്ടുകൊടുക്കാതെ അതിവേഗത്തിൽ ദുൽഖാർ സൽമാന്റെ പോർഷെ കാറും; കോട്ടയം - ഏറ്റുമാനൂർ - കൊച്ചി റൂട്ടിൽ മലയാളം താരങ്ങളുടെ മത്സരയോട്ടം; അമിതവേഗതയിലുള്ള ചീറിപ്പായൽ കണ്ട് അന്തംവിട്ട് ആരാധകർ; സോഷ്യൽ മീഡിയയിൽ വൈറലായെങ്കലും ട്രാഫിക് നിയമങ്ങൾ കാറ്റിൽപ്പറത്തിയ താരങ്ങളുടെ അമിത വേഗതക്കെതിരെ പൊലീസ് നടപടിയില്ലേ എന്ന ചോദ്യവും സജീവം
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
പ്ലസ് ടു കാലത്ത് അമേരിക്കയിൽ എത്തിയ നെവിൻ; കോട്ടയം രൂപതാ മാട്രിമോണി പരസ്യത്തിൽ വിവാഹം; സ്വഭാവ വൈകൃതമൊന്നും അറിയാതെ താലി കെട്ടിയതിന്റെ ദുരിതം മോനിപ്പിള്ളിക്കാരി അറിഞ്ഞത് യുഎസിലെത്തിയപ്പോൾ; രണ്ട് വയസ്സുള്ള കുട്ടി ബാലൻസ് തെറ്റി വീണാലും കിട്ടിയത് ക്രൂര മർദ്ദനം; ഭാര്യയെ തുരുതുരാ വെട്ടിയ ശേഷം കാറു കയറ്റി മരണം ഉറപ്പാക്കിയത് നിസാര കാരണങ്ങൾ കണ്ടെത്തി വഴക്കുണ്ടാക്കി രസിച്ച ഭർത്താവ്; ഫ്‌ളോറിഡയിൽ മെറിൻ ജോയിയെ കൊന്നത് സമാനതകളില്ലാത്ത ക്രൂര മനസ്സിന്റെ ഉടമ
ആൾക്കൂട്ടത്തിൽ ഒരു അന്യമത സ്ത്രീയെ നോട്ടമിട്ടാൽ രണ്ടോമൂന്നോ പേർ വലയം ചെയ്യും; പതുക്കെ മറ്റുള്ളവരും ചേരുന്നതോടെ കെണിയൊരുങ്ങുകയായി; അകത്തെ വൃത്തത്തിനുള്ളിലുള്ള പുരുഷന്മാർ ആദ്യം ആക്രമിക്കും; മതിയായവർ പുറകോട്ടു മാറി അടുത്ത വലയത്തിലുള്ളവർക്ക് കൈമാറും; മർദ്ദിച്ചും വസ്ത്രങ്ങൾ ചീന്തിയെറിഞ്ഞും കൂട്ട ബലാത്സംഗം; മിക്കവാറും സംഭവങ്ങളും പട്ടാപ്പകൽ നഗരമധ്യത്തിൽ; തഹാറുഷ് ജമായ് എന്ന ഇസ്ലാമിന്റെ പേരിൽ നടന്നിരുന്ന കൂട്ട മാനഭംഗ വിനോദത്തിന്റ കഥ
2016 ജൂലൈ 30ന് താലി കെട്ട്; ജന്മദിനവും വിവാഹ വാർഷികവും ഒരു ദിവസമായതും യാദൃശ്ചികം; ഭർത്താവിന്റെ ക്രൂരതകൾ ഭയന്ന് താമ്പയിലേക്ക് മാറാൻ ഒരുങ്ങുമ്പോൾ പദ്ധതിയിട്ടത് കൂട്ടുകാർക്കൊപ്പം അടിപൊളി ജന്മദിനാഘോഷം; രണ്ട് വയസ്സുള്ള മകളെ അച്ഛനും അമ്മയക്കുമൊപ്പം നിർത്തി ഫ്‌ളോറിഡയിലേക്ക് വിമാനം കയറിയത് സ്വന്തം കാലിൽ നിൽക്കണമെന്ന ദൃഡനിശ്ചയത്തിൽ; രക്തത്തിൽ കുളിച്ച് വേദനകൊണ്ട് പുളയുമ്പോഴും മെറിൻ ജോയ് അലറിക്കരഞ്ഞത് എനിക്കൊരു കുഞ്ഞുണ്ടെന്ന് പറഞ്ഞ്; മരങ്ങാട്ടിലെ വീട്ടിൽ പൊട്ടിക്കരച്ചിൽ മാത്രം
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
പെറ്റമ്മയെ കാണാൻ 14 ദിവസത്തെ ക്വാറന്റൈൻ സ്വയം ഏറ്റെടുത്ത് അമ്മയുടെ പ്രസിഡന്റ്; ചെന്നൈയിൽ നിന്നും ഇന്നോവാ കാറിൽ കൊച്ചിയിലെത്തി നിരീക്ഷണകാലം ചിലവഴിക്കുന്നത് തന്റെ ഉടമസ്ഥതയിലുള്ള ട്രാവൻകൂർ കോർട്ട് ഹോട്ടലിൽ; രണ്ടാഴ്ചക്കുള്ളിൽ മലയാള സിനിമ വീണ്ടും ഉണർന്നെഴുന്നേൽക്കും; ദൃശ്യം രണ്ടാംഭാഗവും ഏഷ്യാനെറ്റ് ഓണം ഷോയും ലക്ഷ്യമിട്ട് മോഹൻലാൽ വീണ്ടും കൊച്ചിയിലെത്തി; സൂപ്പർ താരത്തിന്റെ ക്വാറന്റൈൻ വിവരം മറുനാടനോട് സ്ഥിരീകരിച്ച് ഇടവേള ബാബുവും
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി
വിവാഹ ബന്ധം വേർപെടുത്തിയ ശേഷം യുവതി ഒരേ സമയം ലൈം​ഗിക ബന്ധം പുലർത്തിയിരുന്നത് മൂന്ന് പേരുമായി; മദ്യത്തിന്റെയും ലഹരിമരുന്നിന്റെയും അടിമയായിരുന്ന യുവതിക്ക് എന്നും ഹരമായിരുന്നത് ഡിജെ പാർട്ടികളും; കാമുകന്മാരിൽ ഒരാളെ മറ്റുള്ളവർ ക്രൂരമായി കൊലപ്പെടുത്തുമ്പോൾ ഉന്മാദ നൃത്തവും ദാഹമകറ്റാൻ നൽകിയത് മൂത്രവും; ഒടുവിൽ ശാശ്വതിക്കും കൂട്ടാളികൾക്കും വിനയായത് സ്വന്തം മകളുടെ മൊഴിയും