1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Aug / 2020
07
Friday

എനിക്കുള്ളത് നടൻ സുകുമാരന്റെ ഭാര്യ എന്ന മേൽവിലാസം മാത്രം; മഞ്ജുവിനെ വച്ചു സിനിമയെടുക്കാൻ തയ്യാർ; എന്തിനാണു തന്നെ മുതലെടുക്കുന്നതെന്നറിയില്ലെന്നു മല്ലികാ സുകുമാരൻ മറുനാടൻ മലയാളിയോട്

November 18, 2013 | 01:28 PM IST | Permalink



എനിക്കുള്ളത് നടൻ സുകുമാരന്റെ ഭാര്യ എന്ന മേൽവിലാസം മാത്രം; മഞ്ജുവിനെ വച്ചു സിനിമയെടുക്കാൻ തയ്യാർ; എന്തിനാണു തന്നെ മുതലെടുക്കുന്നതെന്നറിയില്ലെന്നു മല്ലികാ സുകുമാരൻ മറുനാടൻ മലയാളിയോട്

ഒരു പൂവിന്റെ നാമം പേരായി ലഭിക്കുക സുകൃതമാണ്. പൂക്കൾ കാഴ്ചക്കാരനിൽ പകരുന്നത് സന്തോഷമല്ലാതെ മറ്റൊന്നുമല്ല. ഉച്ചത്തിൽ സംസാരിച്ചും പൊട്ടിച്ചിരിച്ചും മല്ലിക ഇടപെടുമ്പോൾ അത് അച്ചടക്കമില്ലായ്മയല്ല മറയില്ലാത്ത ഹൃദയത്തിന്റെ വെളിപ്പെടുത്തൽ മാത്രം. അതിനാൽ ഏത് തിരക്കിനിടയിലും ചേച്ചി എന്ന് വിളിച്ച് കേരളീയർ മല്ലികയുടെ അടുത്തേക്ക് ഓടിയെത്തുന്നു. അതാണു മല്ലിക, മലയാളികൾക്കു മല്ലിക എന്നും ചേച്ചിയാണ്. സ്‌ക്രീനിലും ജീവിതത്തിലും. പ്രിയനടൻ സുകുമാരന്റെ ഭാര്യ. നടന്മാരായ ഇന്ദ്രജിത്തിന്റെയും പ്രിഥ്വിരാജിന്റെയും അമ്മ. കനത്ത തിരക്കിനിടയിലും ഉത്തരവാദിത്തങ്ങൾ ഒരു നിമിഷം പോലും വിശ്രമിക്കാൻ അവസരം നൽകാത്തപ്പോഴും മല്ലിക സുകുമാരൻ സന്തോഷത്തോടെയാണ് എന്തും ഏതും സ്വീകരിക്കുന്നതും സമീപിക്കുന്നതും. പ്രഭാത കിരണങ്ങൾ മൂർദ്ധാവിൽ ഏറ്റ് വാങ്ങി പ്രകാശിച്ച് ചിരിക്കുന്നൊരു മല്ലികപ്പപൂവുപോലെ മല്ലിക സുകുമാരൻ സംസാരിക്കുന്നു.

  • തിരക്കിനെപ്പറ്റി പറഞ്ഞുകൊണ്ടുതന്നെ തുടങ്ങാം ചേച്ചി. ഇന്ദ്രജിത്തിനെയും പൃഥ്വിരാജിനെയും കിട്ടിയില്ലെങ്കിലും മല്ലിക ചേച്ചിയെ ഫോണിൽ കിട്ടും എന്ന് ഞങ്ങൾ പറയാറുമുണ്ട്?

ഞാൻ എന്റേതായ തിരക്കിൽ ഇരിക്കുമ്പോഴായിരിക്കും ഫോണുകളുടെ വരവ്. എനിക്കറിയാം. മക്കൾ തിരക്കിലായിരിക്കും. ഷൂട്ടിലായിരിക്കും മിക്കപ്പോഴും. അവർക്കെടുക്കാൻ പറ്റുന്നുണ്ടാവില്ല. ഉടനേ വിളി ഇങ്ങോട്ടാണ്. പക്ഷെ ഇതൊന്നും ആരും ലാഭത്തിന് വേണ്ടി വിളിക്കുന്നതോ പറയുന്നതോ അല്ലല്ലോ? അവരെ സ്‌നേഹിക്കുകയും അവരുടെ കാര്യങ്ങളിൽ താല്പര്യമുണ്ടാവുകയും ചെയ്യുന്നത് കൊണ്ടാണ് വിളിക്കുന്നത്. ആരെങ്കിലും ഒരാൾ കമ്മ്യൂണിക്കേറ്റ് ചെയ്‌തേ പറ്റൂ. മക്കളെ വിവരം അറിയിക്കാൻ എനിക്ക് പിന്നീടാണെങ്കിലും പറ്റുമല്ലോ.

  • മലയാളത്തിലെ തിരക്കേറിയ രണ്ട് യുവ താരങ്ങളുടെ അമ്മ സെലിബ്രിറ്റി സ്റ്റാറ്റസ് നടി, ദോഹയിൽ സ്വന്തമായി ബ്യൂട്ടി സലൂൺസ് ഇപ്പോൾ സ്‌പൈസ് ബോട്ടും... പുറത്ത് നിന്നും നോക്കുമ്പോൾ വളരെ ബിസിയായിട്ടുള്ള ഒരാൾ. എങ്ങനെയാണതിന്റെ ബാലൻസിങ്?

സത്യത്തിൽ ബ്യൂട്ടി സലൂൺസ് എന്ന ബഹുവചനം വേണ്ട. എന്റെ ഉടമസ്ഥതയിൽ ഒരു സലൂൺ മാത്രമേ ഉള്ളൂ. ഖരാഫ ലൂലുവിൽ ഉള്ള ''ലേഡി ഇൻ'' ആ ഒരെണ്ണത്തിൽ മാത്രമേ ഞാൻ ഇൻവെസ്റ്റ് ചെയ്തിട്ടുള്ളൂ. ബാക്കിയുള്ള ബ്യൂട്ടി സലൂണൊക്ക എന്റെ ദീർഘകാല സുഹൃത്തും ചേച്ചിയുമെന്നൊക്കെ പറയാവുന്ന ഷീലാ ഫിലിപ്പിന്റേതാണ്. പത്ത് പന്ത്രണ്ട് വർഷമായി തുടരുന്ന ഒരു സൗഹൃദമാണത്.

ഇതോടൊപ്പം പറയേണ്ട ഒരു കാര്യം ദോഹയിൽ എന്റെ കസിനാണ് അനിയത്തിയാണ് എന്നൊക്കെ പറഞ്ഞ് ഒരു സ്ത്രീ നടത്തുന്ന മുതലെടുപ്പാണ്. ജാതിയിൽ വിശ്വസിക്കുന്ന ഒരാൾ അല്ലാഞ്ഞിട്ട് കൂടി എന്റെ ഭാഗം ക്ലിയർ ചെയ്യാൻ അത് കൂടി പറയേണ്ടി വന്ന ഒരു സാഹചര്യം അവർ ഉണ്ടാക്കി. എന്തിനാണ് ആളുകൾ ഇത്തരത്തിൽ പെട്ട് മുതലെടുപ്പുകൾ ഉണ്ടാക്കുന്നത്? ഞാൻ അത്രയ്ക്ക് വല്ല്യ ആളെ അല്ല എന്നിട്ട് കൂടി!

എനിക്കാണെങ്കിൽ അന്നും ഇന്നും സുകുമാരന്റെ ഭാര്യ എന്ന മേൽവിലാസമേ ഉള്ളൂ. അദ്ദേഹമുണ്ടാക്കി തന്ന മേൽ വിലാസം. ഇന്ദ്രന്റെയും രാജുവിന്റെയും അമ്മ എന്നതൊക്കെ അത് കഴിഞ്ഞ് വരുന്നതാണ്. സുകുമാരനുണ്ടാക്കി തന്ന ജീവിതം ജീവിതസുഖങ്ങൾ ഇതൊക്കെ തന്നെയാണ് ഞാൻ ഇപ്പോഴും അനുഭവിക്കുന്നത്. ഇന്നും ദൈവ തുല്ല്യമായിട്ടേ ഞാൻ അതിനെ കാണുന്നൂള്ളൂ. എനിക്ക് അറിയാൻ കഴിയുന്നില്ല എന്തിനാണ് ആളുകൾ ഇങ്ങനെ പെരുമാറുന്നതെന്ന്!

  • ദോഹയിലേക്ക് എത്തപ്പെടുന്നത്?

തികച്ചും യാദൃശ്ചികം. 2002 - 2003 കാലഘട്ടത്തിൽ. അന്ന് ഷീലയ്ക്ക് ഡി റിങ് റോഡിൽ ഒരു ബ്യൂട്ടി സലൂൺ ഉണ്ടായിരുന്നു. അതിന്റെ ഉദ്ഘാടനം ഞാനും ഇന്ദ്രനും രാജുവും കൂടുയാണ് ചെയ്തത്. അതിന് ശേഷം ഷീല ബ്യൂട്ടി സലൂൺ എവിടെ തുടങ്ങിയാലും ഉദ്ഘാടനത്തിന് ഞങ്ങളെ തന്നെ വിളിക്കും. പാവം ഷീല അദ്ധ്വാനിച്ച് കാശുണ്ടാക്കി പാർലർ തുടങ്ങിയാൽ ജനങ്ങൾ പറയും ''ദേ മല്ലിക സുകുമാരന്റെ ബ്യൂട്ടി പാർലർ'' എന്ന് യഥാർത്ഥത്തിൽ ഖരാഫയിലെ ലേഡി ഇൻ മാത്രമാണ് എന്റെ ഇൻവെസ്റ്റ്‌മെന്റ് ഉള്ള സ്ഥാപനം. അത് ഞങ്ങളെല്ലാം കൂടെ സുപ്രിയയും പൂർണ്ണിമയും ഒക്കെ കൂടെ വന്നാണ് ഇനാഗുറേറ്റ് ചെയ്തത്. അത് തന്നെ ഷീലയുടെ ഒരു നിർബന്ധത്തിന് ചെയ്തതാണ്. എനിക്കിവിടെ റെസിഡന്റ് വിസയുണ്ട്. ആർ. പി. പുതക്കുന്നതിനും വിമാനക്കൂലിക്കും ഉള്ളതെങ്കിലും കിട്ടിയാൽ അതാകട്ടെയെന്ന് ഞാനും കരുതി. ഷീലയുടെ അദ്ധ്വാനം കൊണ്ട് അത് നന്നായി പോകുന്നു.

  • സ്‌പൈസ് ബോട്ട് തുടങ്ങുന്നത്?

കുറച്ച് കൂടി സീരിയസായി വല്ലതും ആരംഭിക്കണമെന്ന് ചിന്തയിലാണത് തുടങ്ങുന്നത്. ഇപ്പോ ആരോഗ്യമുണ്ട് താല്പര്യവുമുണ്ട്. അഞ്ച് കൊല്ലം കഴിഞ്ഞാൽ ശാരീരിക സ്ഥിതി ഇതായിരിക്കില്ല. ഒരു പക്ഷെ മടുപ്പും തുടങ്ങിയേക്കാം. അങ്ങനെയാണ് ഒരു ഇന്ത്യൻ റെസ്റ്റോറന്റ് എന്ന ചിന്ത വരുന്നത്. കുറച്ച് ക്ലാസ്സി ആയിട്ട് ഇന്ത്യൻ റെസ്റ്റോറന്റാണെങ്കിലും എല്ലാ നാട്ടിലെയും ഭക്ഷണം അവിടെ കിട്ടണം.

കാര്യം മക്കളോടും കൂടി അവതരിപ്പിച്ചു. വളരെ നല്ല ഐഡിയ എന്ന് അവരും യോജിക്കുകയാണ് ചെയ്തത്. സ്‌പോൺസറും ഉണ്ട്. പിന്നെ ഇതേ ഫീൽഡിൽ തന്നെ നല്ല പരിചയമുള്ള ശ്രീകാന്തും ഒപ്പമെത്തി. ശ്രീകാന്ത് മാണിക്കോത്ത് കൊച്ചിൻ റിവേറയിലൊക്കെ ഉണ്ടായിരുന്നതാണ്. പഠിക്കുന്ന കാലത്ത് ശ്രീകാന്തിന്റെയും സഹോദരിയുടെയുമൊക്കെ ലോക്കൽ ഗാർഡിയൻസ് ഞാനും സുകുമാരനുമായിരുന്നു.

  • ഈ പേരിലേക്ക് എങ്ങനെ എത്തി? സ്‌പൈസ് ബോട്ട് സ്വന്തം കണ്ടെത്തൽ ആയിരുന്നോ?

അല്ല. അതെനിക്ക് പറയണം. ഇവിടെ ഖത്തറിലും ദോഹയിലുമൊക്കെ പ്രശസ്തനായ ഒരു മലയാളിയുണ്ട്. അച്യുത മേനോൻ ''അച്ചു'' എന്ന് ഞങ്ങളൊക്കെ വിളിക്കും. ഷോക്ക് ഫൈസലിന്റെ കമ്പനിയുടെ ''ഡയാകോ'' വിന്റെ ജി. എം. ആണ് പുള്ളി. അച്ചുവാണ് ഈ പേര് നിർദ്ദേശിക്കുന്നത്. പണ്ട് നമ്മുടെ നാട്ടിൽ നിന്നും അറബ് കൺട്രീസിലേക്കായിരുന്നല്ലോ. സ്‌പൈസിന്റെ ഒക്കെ ഒരു ട്രേഡിങ് ധാരാളമായി നടന്നിരുന്നത്. അതൊക്കെ വച്ചാണ് അദ്ദേഹമിപ്പേരിലേക്കെത്തുന്നത്.

പിന്നെ എനിക്ക് കിട്ടയൊരു ദൈവാധീനമെന്ന് പറയുന്നത് ഇതിന്റെ സ്‌പോൺസർഷിപ്പ് ചെയ്യാമെന്നേറ്റ ഷേക്ക് അഹമ്മദ് ബിൻ ഫലേസ് അൽഫാനിയാണ്. ഇമിഗ്രേഷനിലെ ഉദ്യോഗസ്ഥനാണ്. ഇന്ദ്രന്റെ ഒക്കെ പ്രായം വരും. ഇങ്ങേരെ കാണാൻ പോയപ്പോൾ പുള്ളി ആദ്യം പറഞ്ഞത് എന്റെ ഇന്ത്യൻ സുഹൃത്തുക്കൾ മാഡത്തിന്റെ മക്കളെക്കുറിച്ച് ഒരുപാട് പറഞ്ഞിട്ടുണ്ടെന്നാണ്. ശരിക്കും എനിക്ക് ദീർഘശ്വാസം വിട്ടത് പോലെയുള്ള ഒരനുഭവമായി അത്. നമ്മളെ പല കാലം കൊണ്ട് അറിയുന്ന ഒരു വീട്ടിൽ ചെന്ന പ്രതീതിയും റിലീഫുമാണ് ഫീൽ ചെയ്തത്. എല്ലാ സപ്പോർട്ടും തരാമെന്ന് പുള്ളി ഏറ്റപ്പോൾ ആദ്യ ഘട്ടം കഴിഞ്ഞു. പിന്നെയാണ് സ്ഥലം അനേ്വഷിച്ച് നടക്കുന്നത്. മൂന്ന് നാലു മാസം ഞാനും ശ്രീകാന്തും സഥലം നോക്കി അലഞ്ഞു. ഇടക്കൊന്നു ചോദിക്കട്ടെ എന്ത് കൊണ്ട് ദുബായിൽ നോക്കിയില്ല? ഈ ഓഫർ അവിടെ നിന്നും വരാമല്ലോ?

ശരിയാണ് പക്ഷെ ദുബായിൽ ചെന്നിറങ്ങുമ്പോൾ കസീനോസ്, പബ്‌സ് തുടങ്ങി ഒരു മെട്രോപൊളിറ്റൻ സിറ്റിയുടെ സകല തിരക്കും ആഡംബരങ്ങളും ആർഭാടങ്ങളൊക്കെയായിട്ടുള്ള ഒരിടമാണ്. പക്ഷെ എന്നെ സംബന്ധിച്ചടുത്തോളം ഖത്തർ, ദോഹ എന്നൊക്കെ പറയുമ്പോൾ ഒരു ''ഫീൽ അറ്റ് ഹോം'' എന്ന അനുഭവമാണ് തരുന്നത്. ആറ് വർഷത്തിലധികമായി ആർ. പി. ഒക്കെ ആയി ഞാനിവിടെ ഉണ്ട്. എന്റെ സ്‌പോൺസർ സിറ്റിസെണിന്റെ ഒക്കെ ഉടമ ഷേക്ക് ഫൈസൽ ആണ്. അദ്ദേഹവും ഭാര്യം ഷേഖ മഹായുമൊക്കെ നമ്മളോട് കാണിച്ചിട്ടുള്ള ഒരു താല്പര്യവുമൊക്കെ കൂടി ദോഹ മറ്റെവിടുത്തെക്കാളും കൂടുതൽ അടുപ്പം ഉള്ളിൽ ജനിപ്പിക്കുന്നുണ്ട്. അത് കൊണ്ടായിരിക്കാം ദോഹ മതിയെന്ന തീരുമാനത്തിലെത്തിയത്. ഇനി ഓരോ മക്കൾക്ക് വേണമെങ്കിൽ ഇത് ദുബായിലേക്കോ സിങ്കപ്പൂരിലേക്കോ ഒക്കെ വ്യാപിപ്പിക്കാമല്ലോ? അതവരുടെ ഇഷ്ടം

  • വെസ്റ്റ്‌ബേ തിരഞ്ഞെടുക്കുന്നത്?

സത്യം പറഞ്ഞാൽ സിറ്റിസെന്ററിലെ ഫുഡ് കോർട്ടും ഫൈവ് സ്റ്റാർ ഹോട്ടൽസും അല്ലാതെ ചെന്നിരുന്ന് ചായ കുടിക്കാൻ വെസ്റ്റ് ബേയിൽ ഒരു സ്ഥലമില്ല ചേച്ചി എന്ന തരത്തിൽ പലരും അഭിപ്രായപ്പെടാറുള്ളത് കേട്ടിട്ടുണ്ട്. അതും ഈ സ്ഥലം തിരിയാൻ ഒരു കാരണമായി. പോരാത്തതിന് ഇതൊരു റോഡ് സൈഡ് റെസ്റ്റോറന്റ് ഫീലല്ല തരുന്നതും. ഇവിടെ വരുന്ന 98 ശതമാനം പേരും വീണ്ടും വരുന്നതും ആ ഒരു പ്രൈവസി ഫീൽ കിട്ടുന്നതിലാണ്. പാർട്ടി ഹാളും ഓപ്പൺ എയർ പൂൾ സൈഡുമൊക്കെയായി ആരും പെട്ടെന്നിഷ്ടപ്പെടുന്ന ഒരു അന്തരീക്ഷം ഈ സ്ഥലത്തിനുണ്ട്.

  • സ്‌പൈസ് ബോട്ടിലെ മല്ലിക സ്‌പെഷ്യൽസ് എന്തൊക്കെ?

ഉണ്ട് സിനിമ, അഭിനയം എന്നതൊക്കെ കഴിഞ്ഞാൽ പിന്നെ എന്റെ ഇന്ററസ്റ്റ് കുക്കിങ്ങാണ്. നല്ല ഫുഡുണ്ടാക്കി ആൾക്കാർക്ക് കൊടുക്കുക. എങ്ങനെയുണ്ടെന്ന് അനേ്വഷിക്കുക ഇതൊക്കെയാണ് എന്റെ ഒരു കൗതുകങ്ങൾ. ഇവിടെ എന്റേതായി കൊഞ്ചു തീയൽ, ചുവന്ന പാല്പായസം അങ്ങനെ ഒരു ലിസ്റ്റുണ്ടാക്കാം.

  • സൂപ്പർ സ്റ്റാർ പൃഥ്വിരാജിന്റെ വളർച്ച സ്വഭാവ നടൻ എന്ന നിലയിൽ ഇന്ദ്രജിത്തിന്റെ വിജയം ഇവ രണ്ടും തമ്മിൽ എങ്ങനെ താരതമ്യം ചെയ്യുന്നു?

നോനോ... സ്വഭാവ നടൻ എന്നതിലുപരി ഇന്ദ്രൻ ചെയ്യുന്നത് ഹീറോ ക്യാരക്‌ടേഴ്‌സ് തന്നെയാണ്. ആ ഒരു പേര് വരാൻ കാരണം ഇന്ദ്രന്റെ തുടക്കം അത്തരം ക്യാരക്ടരറിലൂടെ ആയിരുന്നത് കൊണ്ടാണ്. ഇനി പതിയെ അത് മാറി വരണം. അതിനിത്തിരി സമയം എടുക്കും. പൃഥ്വിക്ക് കിട്ടിയ ഒരു ഭാഗ്യം റൈറ്റ് ഫ്രം ഫിലിമിൽനിന്നേ അവന് ഹീറോ ആകാൻ കഴിഞ്ഞു എന്നതാണ്.

  • സിനിമ തിരഞ്ഞെടുക്കുന്നതിൽ മക്കൾക്ക് നിർദ്ദേശങ്ങൾ നൽകാറുണ്ടോ?

ഞാനിന്നു വരെ ചെയ്തിട്ടില്ല. ചിലരു പറയാറുണ്ട് മല്ലിക ചേച്ചി ഈ കഥ കേട്ടിട്ട് മക്കളോട് ഒന്നു പറയോ എന്ന്. ഞാനിന്നുവരെ ഈ രണ്ട് മഹാന്മാരുടെയും ഒരു പടത്തിന്റെ കഥയും ഒരു സംവിധായകനിൽ നിന്നും കേട്ടിട്ടില്ല. ഇപ്പോഴും പറയാറുണ്ട് മാഡം ഈയൊരു കഥ കേട്ടിട്ട് ഇഷ്ടപ്പെട്ടെങ്കിൽ ഞാൻ പോയി പറയാം എന്ന്. ഞാൻ പറയും ഇല്ല എന്റെ ടേസ്റ്റായിരിക്കില്ല ഇപ്പോഴത്തെ ജനറേഷന്റേതെന്ന്.

  • മല്ലിക ചേച്ചിയെ സ്വാധീനിച്ചാൽ പൃഥ്വിരാജിന്റെ ഡേറ്റ് കിട്ടുമോ?

ഒരിക്കലുമില്ല അതൊരു തെറ്റിദ്ധാരണ മാത്രമാണ്.

  • ഇന്ത്യൻ സിനിമയിൽ ചേച്ചിക്ക് ഇഷ്ടപ്പെട്ട നടന്മാരുടെ പേര് പറയാൻ പറഞ്ഞാലോ?

അമിതാഭ് ബച്ചനും കമലഹാസനും കഴിയുന്നതും അവരുടെ ഒറ്റപ്പടം പോലും മിസ്സ് ചെയ്യാതെ നോക്കും. കമലിന്റെ വിശ്വ രൂപംകണ്ടു. പിന്നെ ഒരിക്കൽ അമിതാഭിന്റെ ''കഭി ഖുഷി കഭി ഗം'' എനിക്ക് തീയേറ്ററിൽ ചെന്നു കാണാൻ സാധിച്ചില്ല. പിന്നെ അത് പെട്ടി എടുത്താണ് കണ്ടത്. എന്നാലും തീയേറ്ററിലെ ഒരു ഫീലിംങ്ങ് കിട്ടാത്തത്തിനാൽ വേണ്ടത്ര തൃപ്തി ആയില്ല! അത് എപ്പോൾ ടിവിയിൽ വന്നാലും ഞാൻ ഹാജരുണ്ടാകും.

  • ബച്ചനെ കണ്ടിട്ടുണ്ടോ?

പിന്നെ കേരളത്തിൽ ആദ്യമായി ഒരു ഫിലിം ഫെസ്റ്റിവൽ ഇന്റർനാഷണൽ ഫിലിം ഫെസ്റ്റിവൽ കൊണ്ട് വരുന്നത് സുകുവേട്ടനാണ്. കരുണാകരൻ മന്ത്രി സഭയുടെ കാലത്ത് കെഎസ്എഫ്ഡിസി ചെയർമാനായിരുന്നു അന്ന് സുകുവേട്ടൻ. ജയകുമാർ സാറായിരുന്നു എം. ഡി. ആ ഫിലിം ഫെസ്റ്റിവലിന് ഗസ്റ്റുകളായി എത്തിയത് മണിരത്‌നം, ജയ ബച്ചൻ, അമിതാഭ് ബച്ചൻ തുടങ്ങിയവരൊക്കെ ആയരുന്നു. അന്ന് മുഖ്യമന്ത്രി കരുണാകരന്റെ വീട്ടിൽ ഒരു വിരുന്നും നൽകി അതിൽ വച്ചാണ് അമിതാഭ് ബച്ചനെയും മറ്റും കാണുന്നത്. അന്നീ രാജുവിനെയും ഇന്ദ്രനെയും ഒക്കെ എടുത്ത് അവരുടെ കൂടെ ഫോട്ടോയൊക്കെ എടുക്കുകയും ചെയ്തു. അഞ്ചോ ആറോ വയസ്സ് കാണും അവർക്കന്ന്.

അന്ന് ജയാ ബച്ചനുമായി ഒക്കെ ഒത്തിരി സംസാരിക്കുകയും ചെയ്തു. പിന്നീട് ഞാൻ ചിൽഡ്രൻസ് ഫിലിം സൊസൈറ്റി കേരളത്തിന്റെ ചാപ്റ്ററിലെ മെമ്പറായിരുന്ന സമയത്തും ജയ ബച്ചനുമായി ധാരാളം ഇടപഴകിയിട്ടുണ്ട്. ഈ നടിമാരുടെ കാര്യം ചോദിക്കുകയാണെങ്കിൽ എനിക്കിഷ്ടം ജയ ബച്ചനോട് തന്നെയാണ്. അവരുടെ റിയലിസ്റ്റിക് അഭിനയ രീതി എന്നെ ഒത്തിരി ആകർഷിച്ചിട്ടുണ്ട്. മേക്കപ്പിട്ട് അഭിനയിക്കുകയാണെന്ന ഫീൽ ഒരിക്കലും അവർ ഉണ്ടാകുന്നില്ല. അത്രക്കും നാച്വറൽ ആയിട്ടാണ് അഭിനയം.

  • മലയാളത്തിലേക്ക് വരുമ്പോൾ ഏത് നടിയെ പറയും?

മലയാളത്തിൽ മികച്ചതായി ഒത്തിരി പേരുണ്ട്. ശാരദ, ജയഭാരതി അങ്ങനെ പേരുകൾ പറയാം. ശാരദക്ക് ജയഭാരതിയുടെ റോൾ ചെയ്യാൻ പറ്റിയെന്നും വരില്ല. എന്നാൽ ജയഭാരതി ശാരദയുടെ റോളും മികച്ചതാക്കും. അങ്ങനെ നോക്കുമ്പോൾ ജയഭാരതി കുറച്ച് കൂടി പേഴ്‌സണാലിറ്റിയുള്ള ആർട്ടിസ്റ്റാണ് എന്ന് പറയാം. പിന്നെ അതിന് ശേഷം എന്നെ വിസ്മയിപ്പിച്ച ഒരു നടി മലയാളത്തിൽ മഞ്ജു വാര്യർ മാത്രമാണ്. ഒരുപാട് കഴിവുള്ള കുട്ടി. എനിക്ക് മാത്രമല്ല വീട്ടിൽ എല്ലാവർക്കും മഞ്ജുവിനെ കാര്യമാണ്.

  • മഞ്ജു തിരിച്ച് വരികയാണല്ലോ?

വരട്ടെ. തീർച്ചയായും ആ കുട്ടി മലയാള സിനിമക്കൊരു സമ്പത്ത് തന്നെയാണ്. മഞ്ജു വരികയാണെങ്കിൽ ഞാൻ ഒരു സിനിമ പ്രൊഡ്യൂസ് ചെയ്യാൻ തന്നെ ഒരുക്കമാണ്. മഞ്ജുവനിപ്പോ അത്രക്ക് പ്രായമൊന്നും ആയിട്ടുമില്ല. ഇന്ദ്രനോ ആരുടെയെങ്കിലുമോ നായിക ആയി മഞ്ജുവിനെ വച്ച് ഒരു സിനിമ നിർമ്മിക്കാൻ ഞാൻ റെഡിയാണ്.

  • അവാർഡിനെപ്പറ്റി എന്ത് പറയുന്നു അതുണ്ടാക്കുന്ന വിവാദങ്ങൾ?

തുടക്കകാലത്തേ അവാർഡ് വാങ്ങിച്ച ഒരാളാണ് ഞാൻ. എനിക്ക് അവാർഡ് ഉണ്ടെന്നറിയുമ്പോൾ ഞാൻ ആർ . കെ. ലാബിൽ ചെന്നൈയിൽ ഡബ്ബിംഗിലായിരുന്നു. എന്റെ കൂടെ അന്ന് ചന്ദ്രാജിയും ഉണ്ടായിരുന്നു. അടൂർ ഭാസിയുടെ സഹോദരൻ, പുള്ളിയാണ് എന്നോട് പറയുന്നത് നിങ്ങൾക്ക് അവാർഡ് ഉണ്ടെന്ന്. ഞാനാദ്യം അത് കാര്യമാക്കിയില്ല. പുള്ളി എന്നെ ഒന്ന് ആക്കാൻ പറയുകയാണെന്നാണ് കരുതിയത്. അന്ന് മദ്രാസിൽ മലയാള പത്രങ്ങൾ അത്ര നേരത്തെ ഒന്നും കിട്ടില്ല. ഞാൻ വിശ്വസിക്കുന്നില്ലെന്ന് കണ്ടപ്പോൾ ചന്ദ്രാജി ചേട്ടൻ തെളിച്ച് പറഞ്ഞു. സ്വപ്നാടനത്തിലെ അഭിനയത്തിന് എനിക്ക് രണ്ടാമത്തെ നടിക്കുള്ള അവാർഡ് കിട്ടയുണ്ടെന്ന്. ഡബ്ബിങ് ഒക്കെ കഴിഞ്ഞ് തിരിച്ച് വീട്ടിലെത്തി നാട്ടിലെ ഒരു കസിന് ഫോൺ ചെയ്ത് ചോദിച്ചപ്പോഴണ് സംഗതി ശരിക്കും സത്യമാണെന്നത് ഞാനറിയുന്നത്. ഇതൊക്കെയാണ് അവാർഡിന്റെ കാര്യത്തിൽ എന്റെ അനുഭവങ്ങൾ. ഇതിന് സമാനമാണ് വാസ്തവത്തിലെ അഭിനയത്തിന് പൃഥ്വിക്ക് അവാർഡ് സാധ്യതയുണ്ടെന്നെക്കെ ആരോ പത്രക്കാർ നേരത്തെ വിളിച്ച് പറഞ്ഞിരുന്നു. പക്ഷെ അതൊന്നും കാര്യമാക്കാൻ പോയില്ല. കൺഫേം ആയി പ്രഖ്യാപിക്കട്ടെ എന്നു മാത്രം പറഞ്ഞു. പിന്നെയാണ് ടിവിയിൽ അവാർഡ് പ്രഖ്യാപനം കാണുന്നത്. എം. എ. ബേബി സാറായിരുന്നു എന്ന് തോന്നുന്നു അത് പ്രഖ്യാപിച്ചത്. അപ്പോഴാണ് ഉറപ്പായത് അതല്ലാതെ സ്വാധീനം എന്നൊക്കെ പറയുന്നതിൽ എന്തെങ്കിലും കാര്യമുണ്ടെന്ന് എനിക്ക് തോന്നുന്നില്ല. പിന്നെ ജൂറി അവാർഡ് കൊടുത്ത കഴിഞ്ഞാൽ പിന്നീട് അതിനെ ചുറ്റി പറ്റിയുണ്ടാക്കുന്ന വിവാദങ്ങൾ അതിലൊന്നും കാര്യമില്ല. അങ്ങനെ എതിരഭിപ്രായമുണ്ടെങ്കിൽ പിന്നെ അവാർഡിന് ചിത്രങ്ങൾ അയക്കാനേ പാടില്ല. ശുപാർശയിലാണ് അവാർഡെന്ന് അറിയുമെങ്കിൽ അതിന് ശ്രമിക്കാതിരിക്കുന്നതല്ലേ നല്ലത്? ജൂറിയുടെ കാഴ്ചപ്പാടല്ലേ ഓരോ അവാർഡും നിർണ്ണയിക്കുന്നത്? ചിലപ്പോ അവർ അഭിനയം മാത്രമിയിരക്കില്ല നോക്കുന്നത്. നടന്റെ പ്രായവും കൂടി കണക്കിലെടുക്കുന്നുണ്ടാവും. അത് തെറ്റാണെന്ന് എങ്ങനെ പറയും? വിക്രം ഗോഖലയ്ക്ക് അവാർഡ് കൊടുത്തു. ലാലിന് കൊടുത്തില്ല. കരണം പറഞ്ഞത് ഇനിയും അവസരം വരുമല്ലോ എന്നാണ്. അപ്പോ പിന്നെ കൊച്ചു ചെറുക്കനായ പൃഥ്വിക്ക് കിട്ടുന്നതെങ്ങനെ? ഓരോ ജൂറിക്കും ഓരോ കാഴ്ചപ്പാടും തീരുമാനങ്ങളും കാണും. നമ്മളിതിനെ മാനിക്കണം. അത്രയെ എനിക്ക് പറയാനുള്ളൂ.

ഇമ്മാതിരി കാര്യങ്ങളിലെല്ലാം പറ്റി ലിസ്റ്റ് പൃഥ്വിയെന്നുള്ളതാണ് സത്യം. ഇന്ദ്രനായാലും അതുപോല തന്നെ. കിട്ടിയാൽ സന്തോഷം. ഇനി കിട്ടിയില്ലെങ്കിൽ അല്ലേ എനിക്ക് കിട്ടിയില്ലല്ലോ എന്നാണെന്നും അവരിതുവരെ പരാതി പറയുന്നത് ഞാൻ കണ്ടിട്ടില്ല. അത്രയേ ഉള്ളൂ. ഈ അവാർഡിന്റെ ഒക്കെ കാര്യം.

പിന്നെ ഒരു കാര്യം പറയാനുള്ളത് ഈ അവാർഡ് നിർണയ കമ്മറ്റിയൊക്കെ ഉണ്ടാകുമ്പോൾ അപാകത വരാതെ നോക്കണം എന്നാണ്. സിനിമയെക്കുറിച്ച് അറിവുളള രണ്ടോ മൂന്നോ പേര് കഴിഞ്ഞാൽ പിന്നെ കുറെ പേരുകൾ കാണാം. പേര് കേൾക്കുമ്പോൾ ആരാ അത് എന്ന് നമ്മൾ ചോദിച്ച് പോകും. ഡിസ്ട്രിബ്യൂട്ട് ചെയ്തത് കൊണ്ടോ മാത്രം കമ്മറ്റിയിൽ കയറരുത്. അതൊന്നു ശ്രദ്ധിക്കണമെന്നാണ് എന്റെ എളിയ അപേക്ഷ.

  • സിനിമ എന്നു പറയുമ്പോൾ ഇപ്പോൾ മലയാളത്തിലായാലും പ്രണയവിവാഹങ്ങളും തുടർന്ന് അതിന്റെ തകർച്ചകളും സംഭവിക്കുന്നതു കണ്ടു വരുന്നു.

പ്രണയത്തിനു വേണ്ടിയുള്ള എടുത്തുചാട്ടങ്ങൾ പലപ്പോഴും നമ്മുടെ കണക്കുകൂട്ടലുകൾ തെറ്റിക്കും. പ്രണയമാക്കി തെറ്റിദ്ധരിച്ചാലും അപകടത്തിലേക്കാണ് നീങ്ങുക. ആരാധനയൊന്നുമല്ല പ്രണയം. കണ്ടും അറിഞ്ഞും മനസ്സിലാക്കിയും ഉണ്ടാവേണ്ട ഒന്നാണ് പ്രണയം. അതിനു സമയമെടുക്കും. ശരിയായ പ്രേമമെന്നു ഞാൻ വിചാരിച്ചിട്ടും എന്റെ കണക്ക് കൂട്ടലുകൾ തെറ്റിയ അനുഭവമെനിക്കുണ്ട്. അത് കൊണ്ട് ഇപ്പോഴത്തെ തലമുറയ്ക്കു ഞാൻ പറഞ്ഞ് കൊടുക്കുന്നതും അതാണ്. പ്രേമം എന്ന വികാരത്തിന് വേണ്ടി എടുത്ത് ചാട്ടങ്ങൾറങ്ങി പുറപ്പെടരുത്. ശരിയായ പ്രേമം എന്നെ സംബന്ധിച്ച് നടക്കുന്നതു കല്ല്യാണത്തിനു ശേഷമാണ്. ഇരുപത് വർഷം പ്രേമിച്ചിട്ടും മതിയാവാത്ത ഒരാളാണ് എന്റെ സുകുവേട്ടൻ. അദ്ദേഹം അതു പോലത്തെ ഒരാളാണ്. ഇപ്പോഴും അദ്ദേഹത്തിന്റെ പ്രസൻസ് ഞങ്ങൾക്ക് വീട്ടിൽ അനുഭവപ്പെടാറുണ്ട്. ഇന്നും സുകുമാരൻ എന്ന വ്യക്തി എന്റെ ഒപ്പം ഇല്ലായെന്ന് എനിക്ക് തോന്നുന്നേയില്ല. അദ്ദേഹത്തിന്റെ സ്‌നേഹമാവാം കാരണം. ഇരുപതു വർഷക്കാലം ഒരു രാജകുമാരിയെപ്പോലെ എന്നെ കൊണ്ട് നടന്നു. എന്നെ സ്‌നേഹിക്കുന്ന രണ്ടു മക്കളെ തന്നു. സുകുമാരൻ മരിച്ചു എന്നല്ല ഏതോ ഒരു ഷൂട്ടിംഗിന് പോയ ഫീലാണ് ഞങ്ങൾക്കെല്ലാവർക്കും അത്ര സ്‌ട്രോംഗ് പ്രസൻസാണ് ഉള്ളത്. എന്ത് കാര്യം തുടങ്ങുമ്പോഴായാലും അച്ഛന്റെ അഭിപ്രായം എന്ന നിലയിൽ അച്ഛൻ ഇങ്ങനെ പറഞ്ഞേനെ എന്നു ഞാനോ പൃഥ്വിയോ ഇപ്പോഴും പറയും.

  • വിവാഹത്തിന് മുൻപ് പൃഥ്വിരാജിന്റെ പേരുമായി ഒത്തിരി ചേർത്ത് പറഞ്ഞിരുന്ന ഒരു പേരാണ് മീര ജാസ്മിന്റേത്. യഥാർത്ഥത്തിൽ അതിന്റെ പൊരുൾ എന്തായിരുന്നു?

ലോഹിതദാസിന്റെ ചക്രത്തിന്റെ സെറ്റിലാണ് ഞാൻ മീരയെ കാണുന്നത്. ഞാൻ കൂടുതലും പൃഥ്വി അഭിനയിക്കുന്ന ചിത്രങ്ങളുടെ സെറ്റിലാണ് പോകാറുള്ളത്. അങ്ങനെയാണ് മീരയെ കാണുന്നത്. കടുംബത്തിനെ ഓവറായി സ്‌നേഹിക്കുന്ന ഒരാളെന്ന നിലയിലാണ് ഞാൻ മീരയെ മനസ്സിലാക്കിയത്. അനിയത്തിമാരാകട്ടെ അമ്മയാകട്ടെ അവരെ കൂടി യാത്ര പോകുക, പർച്ചേസിങ് നടത്തുക അങ്ങനെയൊക്കെ സ്വന്തം കുടുംബത്തിന് വേണ്ടി ജീവിച്ച ഒരു പെണ്ണ് കൂടിയാണ് മീര. അത് കൊണ്ട് തന്നെ എനിക്കു വലിയ കാര്യമാണ് മീരയെ. പക്ഷെ മറ്റു തരത്തിൽ എന്തെങ്കിലും മീരയുമായി പൃഥ്വിക്കുണ്ടായിരുന്നതായി എനിക്കറിയില്ല. മക്കളോട് ഞാൻ ഒന്നേ പറഞ്ഞിട്ടുള്ളൂ. ചോയ്‌സ് ശ്രദ്ധിക്കുക പിന്നീട് എന്തെങ്കിലും ഒരു പ്രശ്‌നം ഉണ്ടായി കഴിഞ്ഞ് ആർക്കും പരിഹരിക്കാൻ കഴിയാതെ നിസ്സാഹായയായി അമ്മയെ നോക്കി നിൽക്കാൻ ഇടവരുത്തരുത്. അന്നേ ഞാനവരെ തിരുത്തിയാൽ മതിയായിരുന്നു എന്ന് തോന്നാനിടവരുത്തരുത്.

മീരയുമായുള്ള കാര്യങ്ങളെപ്പറ്റി പലരും എന്നോട് ചോദിച്ചിരുന്നതാണ്. പ്രണയത്തിന് ഞാൻ എതിരല്ല. അവരുടെ അച്ഛനും എനിക്കും പ്രണയിച്ചു കല്ല്യാണം കഴിക്കാമെങ്കിൽ പിന്നെ അവർക്കായി കൂടെ? പക്ഷെ പൃഥ്വി ഒരിക്കലും എന്നോട് മീരയെ പ്രേമിക്കുന്നുവെന്നോ കല്ല്യാണം കഴിക്കണമെന്നോ പറഞ്ഞിട്ടില്ല.

  • അവസാനമായി ചോദിക്കട്ടെ സ്‌പൈസ് ബോട്ടിന്റെ പ്രയാണം ഇനി എങ്ങോട്ടേക്കാണ്?

സ്‌പൈസ് ബോട്ടിന്റെ പ്രയാണം ഖത്തറിൽ. ഇനി യാത്ര എന്റെ മക്കൾ നോക്കട്ടെ. ഗൾഫ് രാജ്യങ്ങളിൽ എവിടെയെല്ലാം കൊണ്ട് പോകാൻ പറ്റുമോ അവിടേക്കെല്ലാം പോട്ടെ. ക്ലാസ്സി ആയിട്ടുള്ള നല്ല ഭക്ഷണം കിട്ടുന്ന ഒരിടം എന്ന് എല്ലാവരെക്കൊണ്ടും പറയിക്കണം അത്രയേ ഉള്ളൂ.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
ഭർത്താവറിയാതെ യുവതിയുമായി സൗഹൃദം സ്ഥാപിച്ച ശേഷം ഭീഷണിപ്പെടുത്തി പണം തട്ടി; ഒടുവിൽ കാർ വാങ്ങാനായി യുവാവ് ആവശ്യപ്പെട്ടത് പത്ത് ലക്ഷം രൂപ: കിടപ്പുമുറിയിലെ രഹസ്യ അറയിൽ സൂക്ഷിച്ചിരുന്ന സ്വർണം മോഷ്ടിക്കാൻ സൗകര്യം ചെയ്തുകൊടുത്ത് യുവതി: ഒടുവിൽ 25 പവൻ മോഷണം പോയ കേസിൽ യുവാവ് അറസ്റ്റിലായതോടെ പുറത്തായത് യുവതിയുടെ രഹസ്യ ബന്ധത്തിന്റെ കഥ
ഖൂർആന്റെ പേരു പറഞ്ഞ് മതവികാരം ഇളക്കി തട്ടിപ്പ് മറക്കാൻ ജലീൽ നടത്തിയ ശ്രമങ്ങൾ പൊളിഞ്ഞു; കോൺസുലേറ്റിലേക്ക് മതഗ്രന്ഥങ്ങൾ അയച്ചിട്ടില്ലെന്ന് വ്യക്തമാക്കി യുഎഇ; സി-ആപ്ടിൽ നിന്നും മലപ്പുറത്തേക്ക് കൊണ്ടു പോയത് ഖുർആൻ ആണെന്ന വാദം പൊളിഞ്ഞതോടെ 32 പാഴ്‌സലുകളിൽ എന്തെന്ന് തേടി എൻഐഎയും; മന്ത്രി ജലീലിന്റെ പുറത്തേക്കുള്ള വഴി കൂടുതൽ വേഗത്തിലാകും
ആദ്യ വിവാഹത്തിന് സ്വപ്‌ന അണിഞ്ഞത് 650 പവൻ; കല്യാണ ഫോട്ടോ ഉയർത്തി ജാമ്യത്തിന് അഭിഭാഷകൻ ശ്രമിച്ചപ്പോൾ എൻഐഎ ഉയർത്തിയത് മുഖ്യമന്ത്രിയെ ഞെട്ടിക്കുന്ന വാദങ്ങൾ; കേരളാ പൊലീസിലെ കടത്തിലെ ആസൂത്രകയ്ക്കുള്ള സ്വാധീനം വിശദീകരിച്ചത് ഇനി വരാനുള്ള രാഷ്ട്രീയ ഭൂകമ്പങ്ങളുടെ തുടക്കമെന്ന വിലയിരുത്തൽ സജീവം; സിആപ്റ്റിന് പിന്നാലെ പോകാൻ എൻഐഎയും; തിങ്കളാഴ്ചത്തെ എൻഐഎ കോടതി വിധി പിണറായിക്കും നിർണ്ണായകം
കേരളത്തിൽ ശക്തമായ മഴ തുടരുന്ന സാഹചര്യത്തിൽ വിവിധ ജില്ലകളിൽ അതീവ ജാഗ്രതാ നിർദ്ദേശം; കുമളിയിൽ മണ്ണിടിച്ചിൽ, കോട്ടയത്ത് ഉരുൾപൊട്ടലും മണ്ണിടിച്ചും; മണിമലയാർ നിറഞ്ഞൊഴുകുന്നതും അപകടത്തിലേക്ക്; ഇടുക്കി ഡാമിൽ ജലനിരപ്പ് ഉയരുന്നത് ആശങ്കയിലേക്ക്; മൂന്നാറിൽ ശക്തമായ മഴയിൽ മുതിരപ്പുഴയാറിൽ ജലനിരപ്പ് ഉയർന്നു; ഭൂതത്താൻകെട്ട് ഡാമിന്റെ എല്ലാ ഷട്ടറുകളും തുറന്നു; പെരിയാറിൽ ജലനിരപ്പ് ഉയർന്നു; ആലുവ മണപ്പുറത്ത് വെള്ളംകയറി; അടുത്ത മണിക്കൂറുകളിൽ അതിജാഗ്രത
ഇടുക്കി നല്ലതണ്ണിയിൽ വെള്ളച്ചാട്ടത്തിലേക്ക് കാറൊഴുകി പോയി കാണാതായ രണ്ടു പേരിൽ ഒരാളുടെ മൃതദേഹം കിട്ടി; മലയോര പ്രദേശങ്ങളിൽ എല്ലാം ഉരുൾപൊട്ടൽ; മൂഴിയാറും മണിയാറും അടക്കമുള്ള അണക്കെട്ടുകൾ തുറന്നതോടെ പമ്പ കരകവിഞ്ഞൊഴുകുന്നത് 2018ലെ വെള്ളപ്പൊക്കത്തിന് തുല്യമായി; ഇടുക്കിയിൽ ജലനിരപ്പുയരുമ്പോൾ പെരിയാറിന്റെ കരകളും പ്രളയ ഭീതിയിൽ; തെക്കു മുതൽ വടക്ക് വരെ തുള്ളിക്കൊരു കുടം പേമാരി; ഭീതിയുണർത്തി ബംഗാൾ ഉൾക്കടലിൽ രണ്ടാം ന്യൂനമർദവും എത്തുന്നു; കേരളം അതീവ ജാഗ്രതയിൽ
ട്രഷറി തട്ടിപ്പുവീരൻ മുങ്ങിയത് തമിഴ്‌നാട്ടിലെ തക്കലയിലേക്ക്; പ്രതിയെ സ്വന്തം വാഹനത്തിൽ അതിർത്തി കടത്തിക്കൊണ്ട് വന്നത് ശ്രീകണ്ഠൻ നായരുടെ 24 ന്യൂസ് ചാനലും; ലൈവ് ആക്കി അവതരിപ്പിക്കാൻ എത്തിച്ചത് തലസ്ഥാനത്തെ ബ്യൂറോ; നിരപരാധിയാണെന്നു ലോകത്തോട് വിളിച്ച് പറയാൻ പ്രതിയെ സഹായിച്ചു ചാനൽ; ബിജുലാൽ സഞ്ചരിച്ച വണ്ടിയിൽ ഒപ്പമുണ്ടായിരുന്ന മാധ്യമപ്രവർത്തകരെ ചോദ്യം ചെയ്യാൻ ക്രൈംബ്രാഞ്ച്; ട്രഷറി തട്ടിപ്പു കേസിലെ പ്രതിയെ അതിർത്തി കടത്തി ഒത്താശ ചെയ്ത 24 ന്യൂസ് ചാനൽ വെട്ടിൽ
മാലം സുരേഷ് കോടതിയിലെത്തും മുമ്പേ സ്ഥലത്തെത്തി പല ഇടങ്ങളിലായി അണിനിരന്ന് അനുചരന്മാർ; ചൂതാട്ടക്കേസിലെ പ്രതി എത്തുമെന്നറിഞ്ഞ് ചുറ്റുകൂടി മാധ്യമങ്ങളും; കേസ് കോടതി പരിഗണിക്കുന്നില്ലെന്ന് കള്ളംപറഞ്ഞ് പത്രക്കാരെ മടക്കിഅയച്ചു കൂറുപുലർത്തി അനുചര വൃന്ദം; കോടതിയിൽ നിന്നും ജാമ്യം നേടിയ മാലം സുരേഷ് പറഞ്ഞത് ചീട്ടുകളിയിൽ തനിക്ക് യാതൊരു ബന്ധവും ഇല്ലെന്ന്; കയ്യൂരി അപ്പച്ചനുമായുള്ള പ്രശ്നങ്ങളാണ് കേസിന് പിന്നിലെന്നും വെളിപ്പെടുത്തൽ; തെളിവുണ്ടെങ്കിൽ ശിക്ഷിക്കട്ടെ എന്ന് വെല്ലുവിളിച്ചും വിവാദ നായകൻ
എം ബി എസ് കിരീടാവകാശിയായി ചുമതലയേറ്റപ്പോൾ കാനഡയിൽ അഭയം തേടിയ രാജകുമാരനെ കൊല്ലാൻ അയച്ചത് 50 അംഗ ഗുണ്ടാ സംഘത്തെ; അതിർത്തിയിൽ പിടികൂടിയതിനാൽ ജീവൻ രക്ഷപ്പെട്ടെന്ന് സാദ് അൽ ജബാരി; രണ്ട് കുട്ടികളേയും തട്ടിയെടുത്ത് സമ്മർദ്ദം ചെലുത്തുന്നു; സൗദി കിരീടാവകാശിക്കെതിരെ നിയമപോരാട്ടവുമായി ബന്ധുവായ മുൻ രാജകുമാരൻ
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
ലോറി ഡ്രൈവർമാർക്ക് 'ചരക്കുകളെ' എത്തിച്ചു കൊടുക്കുന്ന ലോട്ടറി കച്ചവടം; പൂനയിൽ നിന്ന് ലോറി എടുക്കുമ്പോൾ ഷാഫി ഓർഡർ ചെയ്തത് പ്രായം കുറഞ്ഞ ഇരയെ; ലക്ഷ്യമിട്ട പെൺകുട്ടി കൈയിൽ നിന്നും വഴുതിയപ്പോൾ റൂമിലേക്ക് ഉന്തിതള്ളി വിട്ടത് വൃദ്ധയെ; കാമഭ്രാന്തനെ പ്രതിരോധിച്ചപ്പോൾ ബ്ലൈഡു കൊണ്ടും ക്രൂരത; കണ്ടു വന്ന മകന് ഹാലിളകിയപ്പോൾ ലോറി ഡ്രൈവർക്കും അമ്മയ്ക്കും കിട്ടിയത് പൊതിരെ തല്ല്; എല്ലാം അനുഭവിച്ചത് 75-കാരി; കോലഞ്ചേരിയിലെ പീഡനത്തിൽ നിറയുന്നത് ഓമനയുടെ വാണിഭ കച്ചവടം
ഉറക്കം വന്നപ്പോൾ പമ്പിന് സമീപം വണ്ടിയൊതുക്കി; മൂന്നരയോടെ വലിയ ശബ്ദം കേട്ട് ഞെട്ടിയുണർന്നപ്പോൾ കണ്ടത് സ്‌കോർപ്പിയോയിൽ ക്വട്ടേഷൻ സംഘം വന്നിറങ്ങുന്നത്; പിന്നാലെ നീല ഇന്നോവ എത്തി; കാറിന്റെ ഗ്ലാസ് അടിച്ചു തകർത്ത് ബാലുവിനെ അടിച്ചു കൊന്നു; മരണ മൊഴിയെന്ന് പറഞ്ഞ് കലാഭവൻ സോബി റിക്കോർഡ് ചെയ്ത വീഡിയോ പുറത്ത്; ബാലുവിനെ കൊന്നതാണ് കൊന്നതാണ് കൊന്നതാണ് എന്ന് വെളിപ്പെടുത്തൽ; ബാലഭാസ്‌കറിനെ പള്ളിപ്പുറത്ത് വകവരുത്തിയത് സ്വർണ്ണ കടത്ത് ഗ്യാങോ? സിബിഐയ്ക്ക് മുന്നിൽ ചോദ്യങ്ങൾ ഏറെ
ലക്ഷ്മിയെ തേടിയുള്ള അന്വേഷണം ചെന്നു നിൽക്കുന്നത് തിട്ടമംഗലത്തെ വീട്ടിൽ; ദുബായിൽ പോയെന്നും കൊച്ചിയിലുണ്ടെന്നും ബംഗളൂരുവിലേക്ക് താമസം മാറിയെന്നും പറയുന്നത് പച്ചക്കള്ളം; ഭർത്താവിന്റേയും മകളുടേയും വേർപാടിൽ വിവാദങ്ങൾ ചർച്ചയാകുമ്പോൾ ഒന്നും മിണ്ടാതെ മാറി നിൽക്കുന്ന ദൃക്സാക്ഷി; ബാലഭാസ്‌കറിനെ കൊന്നു തള്ളിയെന്ന് കലാഭവൻ സോബി വെളിപ്പെടുത്തിയിട്ടും മിണ്ടാട്ടമില്ല; നേരറിയാൻ സിബിഐ ആദ്യമെത്തുക ലക്ഷ്മിക്ക് അരികിൽ; വയലിനിസ്റ്റിന്റെ മരണത്തിൽ ഭാര്യ പറയുന്നത് അതിനിർണ്ണായകം
'എന്റെ വ്യക്തിപരമായ ജീവിതത്തിൽ നഴ്‌സുമാർ ചില പ്രശ്‌നമൊക്കെ ഉണ്ടാക്കിയിട്ടുണ്ട്..അവരെ ഉദ്ദേശിച്ച് പറഞ്ഞതാണ്; പറഞ്ഞപ്പോ..അങ്ങനെ ആയി പോയി; അതല്ലാതെ ലോകത്തുള്ള എല്ലാ നഴ്‌സുമാരെയും കുറിച്ചല്ല പറഞ്ഞത്..എനിക്ക് ഒരുപാട് വിഷമമുണ്ട്..നഴ്‌സുമാരുടെ ജോലിയുടെ മഹത്വം എന്തെന്ന് അറിയില്ലായിരുന്നു..മാപ്പ്': പൊട്ടിക്കരഞ്ഞുകൊണ്ട് ക്ഷമാപണവുമായി സോഷ്യൽ മീഡിയയിൽ നഴ്‌സുമാരെ അധിക്ഷേപിച്ച കണ്ണൻ.സി.അമേരിക്ക
നേഴ്സുമാർ ഡോക്ടരുടെ കുറിപ്പടി നോക്കി മരുന്ന് എടുത്ത് നൽകുന്ന ഹെൽപ്പർമാർ; അവർ ശാസ്ത്രത്തിന്റെ അങ്ങേയറ്റം വരെ പഠിച്ച തമ്പുരാട്ടിമാരോ തമ്പുരാന്മാരോ അല്ല; ലാബ് ടെക്നീഷ്യന്റെ വിചാരം ജനിതക ശാസ്ത്രജ്ഞന്മാരെന്നും; ചർദ്ദിൽ വാരുന്ന അറ്റൻഡർമാരുടെ ഭാവം ഐഎഎസുകാരെന്നും; പാവാട വിസ മോഹിച്ച് നേഴ്സുമാരെ കെട്ടുന്ന ഭർത്താക്കന്മാരും; ആരോഗ്യ പ്രവർത്തകരേയും കുടുംബത്തേയും അപമാനിച്ച് വീഡിയോ; നേഴ്‌സുമാരെ അപമാനിച്ച് ലൈവിട്ട യുവാവിനെതിരെ പരാതി പ്രവാഹവും പൊങ്കാലയും
'അവർ വെളുത്ത വേശ്യകളാണ്; വെളുത്ത പെൺകുട്ടികൾ ഒരു മുസ്ലിം പുരുഷനെ കണ്ണിൽ നോക്കിയാൽ അതിനർഥം ലൈംഗിക ബന്ധത്തിൽ ഏർപ്പെടാൻ ആവശ്യപ്പെടുന്നുവെന്നാണ്; ഇത് വംശീയമായും മതപരമായും വഷളാക്കിയ ബലാത്സംഗങ്ങൾ'; യുകെയിൽ അമുസ്ലിം യുവതികളെ ബലാത്സംഗം ചെയ്യാൻ പാക്കിസ്ഥാനികളുടെ ഗ്രൂമിങ് ഗ്യാങ്; 5 ലക്ഷം പെൺകുട്ടികൾ ഇരകളായി; ഞെട്ടിക്കുന്ന വെളിപ്പെടുത്തലുമായി യുവതി; യൂറോപ്പിൽ ചർച്ചയായ പുതിയ വിവാദം ഇങ്ങനെ
സംശയ നിഴലിലുള്ളത് കേരള അഡ്‌മിനീസ്‌ട്രെറ്റീവ് ട്രിബ്യുണൽ ചെയർമാനാക്കാൻ പിണറായി സർക്കാർ മുന്തിയ പരിഗണന കൊടുത്ത ജഡ്ജി; വ്യവസായ പ്രമുഖന്റെ ശുപാർശയിൽ നിയമന നടപടികൾ പുരോഗമിക്കുന്നതിനിടെ സ്വപ്‌നാ സുരേഷിന്റെ സ്വർണ്ണ കടത്തിൽ സംശയ നിഴലിൽ; നെടുമ്പാശേരിയിലെ 2000 കിലോയുടെ സ്വർണ്ണ കടത്ത് പരിഗണിക്കുന്നതിൽ നിന്ന് മറ്റൊരു ജഡ്ജിയുടെ പിന്മാറ്റത്തിന് കാരണവും പരിശോധനകളിൽ; 100 കോടി പിഴ വാങ്ങി 2000 കിലോ സ്വർണം വിട്ടതും സംശയകരം; എൻഐഎ കണ്ണ് എല്ലായിടത്തേക്കും
ജഡ്ജിയും നേതാവുമായി അടുത്ത ബന്ധം; ഖുറാൻ വാഹനമെത്തി സിആപ്റ്റിലും ബന്ധുവിന്റെ സാന്നിധ്യം; എൻഐഎ നിരീക്ഷണത്തിലൂള്ളത് സ്വപ്നയുടെ സഹോദരന്റെ വിവാഹത്തിൽ പങ്കെടുത്ത ഏക നേതാവ്; സർക്കാരിൽ ഉന്നത സ്വാധീനമുള്ള നേതാവിനെ ചോദ്യം ചെയ്യുന്നത് എല്ലാ തെളിവുകളും സൂക്ഷ്മമായി വിലയിരുത്തിയ ശേഷം മാത്രം; സ്വപ്‌നയുടെ മൊഴിയെ സാധൂകരിക്കുന്ന തെളിവുകൾ കിട്ടിയാൽ ഉടൻ നേതാവിന് നോട്ടീസ് നൽകും; സ്വർണ്ണ കടത്തിൽ വിഐപി മൂന്നാമാനിലേക്ക് അന്വേഷണം
മുന്നിൽ ചീറിപ്പാഞ്ഞത് പൃഥ്വിരാജിന്റെ ലംബോർഗിനി; തൊട്ടു പിന്നാലെ വിട്ടുകൊടുക്കാതെ അതിവേഗത്തിൽ ദുൽഖാർ സൽമാന്റെ പോർഷെ കാറും; കോട്ടയം - ഏറ്റുമാനൂർ - കൊച്ചി റൂട്ടിൽ മലയാളം താരങ്ങളുടെ മത്സരയോട്ടം; അമിതവേഗതയിലുള്ള ചീറിപ്പായൽ കണ്ട് അന്തംവിട്ട് ആരാധകർ; സോഷ്യൽ മീഡിയയിൽ വൈറലായെങ്കലും ട്രാഫിക് നിയമങ്ങൾ കാറ്റിൽപ്പറത്തിയ താരങ്ങളുടെ അമിത വേഗതക്കെതിരെ പൊലീസ് നടപടിയില്ലേ എന്ന ചോദ്യവും സജീവം
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
പ്ലസ് ടു കാലത്ത് അമേരിക്കയിൽ എത്തിയ നെവിൻ; കോട്ടയം രൂപതാ മാട്രിമോണി പരസ്യത്തിൽ വിവാഹം; സ്വഭാവ വൈകൃതമൊന്നും അറിയാതെ താലി കെട്ടിയതിന്റെ ദുരിതം മോനിപ്പിള്ളിക്കാരി അറിഞ്ഞത് യുഎസിലെത്തിയപ്പോൾ; രണ്ട് വയസ്സുള്ള കുട്ടി ബാലൻസ് തെറ്റി വീണാലും കിട്ടിയത് ക്രൂര മർദ്ദനം; ഭാര്യയെ തുരുതുരാ വെട്ടിയ ശേഷം കാറു കയറ്റി മരണം ഉറപ്പാക്കിയത് നിസാര കാരണങ്ങൾ കണ്ടെത്തി വഴക്കുണ്ടാക്കി രസിച്ച ഭർത്താവ്; ഫ്‌ളോറിഡയിൽ മെറിൻ ജോയിയെ കൊന്നത് സമാനതകളില്ലാത്ത ക്രൂര മനസ്സിന്റെ ഉടമ
'പിണറായിയുടെ നെറ്റിക്കു നേരെ അജിത് ഡോവൽ റിവോൾവർ ചൂണ്ടി; കുതറി ഓടാൻ ശ്രമിച്ച വിജയനെ ഡോവൽ കീഴടക്കിയത് സാഹസികമായി; മുട്ടുവിറച്ച് വിജയൻ മാപ്പു പറഞ്ഞു'; സ്വർണക്കടത്ത് കേസ് എൻഐഎ ഏറ്റെടുക്കുമ്പോൾ മുഖ്യമന്ത്രിയെ ഭയപ്പെടുത്തുന്നത് ഭൂതകാല അനുഭവമെന്ന് കോൺഗ്രസ് മുഖപത്രമായ വീക്ഷണം; സോഷ്യൽ മീഡിയയിൽ പൊരിഞ്ഞ കോൺഗ്രസ്- സിപിഎം പോര്; സ്വർണക്കടത്തിന്റെ വേരറുക്കാൻ ഇന്ത്യൻ ജെയിംസ് ബോണ്ടിന് ആവുമോ?
ആൾക്കൂട്ടത്തിൽ ഒരു അന്യമത സ്ത്രീയെ നോട്ടമിട്ടാൽ രണ്ടോമൂന്നോ പേർ വലയം ചെയ്യും; പതുക്കെ മറ്റുള്ളവരും ചേരുന്നതോടെ കെണിയൊരുങ്ങുകയായി; അകത്തെ വൃത്തത്തിനുള്ളിലുള്ള പുരുഷന്മാർ ആദ്യം ആക്രമിക്കും; മതിയായവർ പുറകോട്ടു മാറി അടുത്ത വലയത്തിലുള്ളവർക്ക് കൈമാറും; മർദ്ദിച്ചും വസ്ത്രങ്ങൾ ചീന്തിയെറിഞ്ഞും കൂട്ട ബലാത്സംഗം; മിക്കവാറും സംഭവങ്ങളും പട്ടാപ്പകൽ നഗരമധ്യത്തിൽ; തഹാറുഷ് ജമായ് എന്ന ഇസ്ലാമിന്റെ പേരിൽ നടന്നിരുന്ന കൂട്ട മാനഭംഗ വിനോദത്തിന്റ കഥ
2016 ജൂലൈ 30ന് താലി കെട്ട്; ജന്മദിനവും വിവാഹ വാർഷികവും ഒരു ദിവസമായതും യാദൃശ്ചികം; ഭർത്താവിന്റെ ക്രൂരതകൾ ഭയന്ന് താമ്പയിലേക്ക് മാറാൻ ഒരുങ്ങുമ്പോൾ പദ്ധതിയിട്ടത് കൂട്ടുകാർക്കൊപ്പം അടിപൊളി ജന്മദിനാഘോഷം; രണ്ട് വയസ്സുള്ള മകളെ അച്ഛനും അമ്മയക്കുമൊപ്പം നിർത്തി ഫ്‌ളോറിഡയിലേക്ക് വിമാനം കയറിയത് സ്വന്തം കാലിൽ നിൽക്കണമെന്ന ദൃഡനിശ്ചയത്തിൽ; രക്തത്തിൽ കുളിച്ച് വേദനകൊണ്ട് പുളയുമ്പോഴും മെറിൻ ജോയ് അലറിക്കരഞ്ഞത് എനിക്കൊരു കുഞ്ഞുണ്ടെന്ന് പറഞ്ഞ്; മരങ്ങാട്ടിലെ വീട്ടിൽ പൊട്ടിക്കരച്ചിൽ മാത്രം
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
പെറ്റമ്മയെ കാണാൻ 14 ദിവസത്തെ ക്വാറന്റൈൻ സ്വയം ഏറ്റെടുത്ത് അമ്മയുടെ പ്രസിഡന്റ്; ചെന്നൈയിൽ നിന്നും ഇന്നോവാ കാറിൽ കൊച്ചിയിലെത്തി നിരീക്ഷണകാലം ചിലവഴിക്കുന്നത് തന്റെ ഉടമസ്ഥതയിലുള്ള ട്രാവൻകൂർ കോർട്ട് ഹോട്ടലിൽ; രണ്ടാഴ്ചക്കുള്ളിൽ മലയാള സിനിമ വീണ്ടും ഉണർന്നെഴുന്നേൽക്കും; ദൃശ്യം രണ്ടാംഭാഗവും ഏഷ്യാനെറ്റ് ഓണം ഷോയും ലക്ഷ്യമിട്ട് മോഹൻലാൽ വീണ്ടും കൊച്ചിയിലെത്തി; സൂപ്പർ താരത്തിന്റെ ക്വാറന്റൈൻ വിവരം മറുനാടനോട് സ്ഥിരീകരിച്ച് ഇടവേള ബാബുവും
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി