Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ബ്രിട്ടനിലെ ഏറ്റവും കൂടുതൽ സ്ത്രീകൾ ലൈംഗികബന്ധത്തിന് ആഗ്രഹിക്കുന്നത് ഋഷി സുനാകുമായി; ഒരു സ്ത്രീക്കും മൈക്കൽ ഗോവിനെ കണ്ടുകൂടാ; സെക്സിയസ്റ്റ് വനിത എം പി ആയി ലിസ നന്ദിയേയും; പുരുഷന്മാർക്ക് കണ്ടുകൂടാത്തവളായി തെരേസ മേയും; ബ്രിട്ടനിലെ ഏറ്റവും സെക്സിയായ പുരുഷ എം പിയും വനിതാ എം പിയും ഇന്ത്യൻ വംശജർ

ബ്രിട്ടനിലെ ഏറ്റവും കൂടുതൽ സ്ത്രീകൾ ലൈംഗികബന്ധത്തിന് ആഗ്രഹിക്കുന്നത് ഋഷി സുനാകുമായി; ഒരു സ്ത്രീക്കും മൈക്കൽ ഗോവിനെ കണ്ടുകൂടാ; സെക്സിയസ്റ്റ് വനിത എം പി ആയി ലിസ നന്ദിയേയും; പുരുഷന്മാർക്ക് കണ്ടുകൂടാത്തവളായി തെരേസ മേയും; ബ്രിട്ടനിലെ ഏറ്റവും സെക്സിയായ പുരുഷ എം പിയും വനിതാ എം പിയും ഇന്ത്യൻ വംശജർ

മറുനാടൻ മലയാളി ബ്യൂറോ

രാഷ്ട്രീയക്കാരിലെ ആകർഷക മുഖങ്ങൾ കണ്ടെത്താൻ ഒരു വോട്ടെടുപ്പ്. ബ്രിട്ടനിലായിരുന്നു ഏറ്റവും സെക്സിയായ പുരുഷ എം പിയേയും വനിതാ എം പിയേയും കണ്ടെത്താനായി വോട്ടിങ് നടന്നത്. 26 ശതമാനം സ്ത്രീകളുടെ വോട്ടോടെ ബ്രിട്ടനിലെ ഏറ്റവും സെക്സി എം പി ആയി തെരഞ്ഞെടുക്കപ്പെട്ടത് ഇന്ത്യൻ വംശജനായ ഋഷി സുനാകിനേയാണ്. ഏറ്റവും രസമരമായ കാര്യം എറ്റവും സെക്സിയായ വനിതാ എം പിയായി തെരഞ്ഞെടുക്കപ്പെട്ടത് അർദ്ധ ഇന്ത്യാക്കാരിയായ ലിസ നന്ദിയേയാണ് എന്നതാണ്.

21 ശതമാനം വോട്ടുമായി ലേബർ പാർട്ടി നേതാവായ സർ കീർ സ്റ്റാർമർ ഋഷിയുടെ തൊട്ടുപുറകേയെത്തി. ലേബർ പാർട്ടിയിലെ ലിസ നന്ദി 24 ശതമാനം വോട്ടോടെ ഏറ്റവും സെക്സിയായ വനിത എം പി ആയപ്പോൾ, ലേബർ പാർട്ടിയിലെ തന്നെ ഡോ. റോസേന അല്ലിൻ-ഖാൻ 20% പുരുഷന്മാരുടെ വോട്ടുനേടി രണ്ടാം സ്ഥാനത്തെത്തി. തീരെ ആകർഷണീയരല്ലെന്ന് ജനങ്ങൾ തീരുമാനിച്ച രണ്ട് എം പി മാരും കൺസർവേറ്റീവ് പാർട്ടി അംഗങ്ങളാണ്. ഏറ്റവും ബോറൻ പുരുഷ എം പിയായി ജനങ്ങൾ വിലയിരുത്തിയത് മൈക്കൽ ഗോവിനേയാണെങ്കിൽ, ഒട്ടും സെക്സിയല്ലാത്ത സ്ത്രീ എം പി മുൻ പ്രധാനമന്ത്രി കൂടിയായ തെരേസ മേ ആണ്.

കഴിഞ്ഞവർഷം, കിടപ്പറ പങ്കാളിയാകാൻ ഏറ്റവും മികച്ചതെന്ന് ഏറ്റവുമധികം സ്ത്രീകൾ വിലയിരുത്തിയ ബോറിസ് ജോൺസൺ പക്ഷെ ഈ വർഷം ഒരുപാട് താഴേയ്ക്ക് പോയി. ഹോം സെക്രട്ടറി പ്രീതി പട്ടേലും ഒട്ടും സെക്സിയല്ലാത്ത വനിത എം പി മാരുടെ കൂട്ടത്തിൽ പെടുന്നു. ഇല്ലിസിറ്റ് എൻകൗണ്ടേഴ്സ് എന്ന ഒരു അഡൾട്ട് വെബ്സൈറ്റാണ് ഈ വോട്ടെടുപ്പ് നടത്തിയത്. അവരുടെ സ്ഥിരം സന്ദർശകരായ ഏകദേശം രണ്ടായിരത്തോളം പേരാണ് ഈ വോട്ടെടുപ്പിൽ പങ്കെടുത്തത്.

ആത്മവിശ്വാസവും, ഉറച്ച തീരുമാനങ്ങൾ എടുക്കാനുള്ള കഴിവും ഋഷിക്ക് ആരാധകരെ ഏറെ നേടിക്കൊടുത്തപ്പോൾ, സെക്സ് അപ്പീൽ ഏറെയുണ്ടെന്നുള്ളതും ഋഷിയെ സഹായിച്ചു എന്നാണ് വെബ്സൈറ്റിന്റെ വക്താവ് ജെസ്സിക ലിയോണി പറഞ്ഞത്. വനിതാ വിഭാഗത്തിൽ ഒന്നാമതെത്തിയ ലിസ നന്ദി, ഇന്ത്യൻ വംശജനും ബ്രിട്ടനിലെ അറിയപ്പെടുന്ന കമ്മ്യുണിസ്റ്റ് നേതാവുമായ ദീപക് നന്ദിയുടെ മകളാണ്. തൊട്ടടുത്ത വീട്ടിലെ കുട്ടി എന്ന നിലയിലുള്ള മുഖഭാവവും, സംഭാഷണ ശൈലിയും മറ്റുമാണ് അവരെ ജയിക്കാൻ സഹായിച്ചതെന്നും ജസ്സിക്ക പറഞ്ഞു.

നിരവധി വിവാദങ്ങൾ ഉയർത്തിയ കൺസർവേറ്റീവ് എം പി മൈക്കൽ ഗോവാണ് ഒട്ടും സെക്സിയല്ലാത്ത പുരുഷ എം പി. തീരെ ആകർഷണീയമല്ലാത്ത ശരീരവും സംസാരവുമെല്ലാം ഇദ്ദേഹത്തിന് വിനയായി എന്നാണ് ജെസ്സിക്ക പറയുന്നത്. സ്ത്രീകളുടെ വിഭാഗത്തിൽ പുരുഷന്മാർ ഒന്നടങ്കം മുൻ പ്രധാനമന്ത്രി തെരേസ മേയേ തള്ളിക്കളയുകയായിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP