Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ചരിത്ര നേട്ടത്തിൽ ഗോകുലം കേരള എഫ്.സി; എ.എഫ്.സി വനിതാ ക്ലബ്ബ് ചാമ്പ്യൻഷിപ്പിൽ ഇന്ത്യയെ പ്രതിനിധീകരിക്കും; ഒരു ഇന്ത്യൻ ക്ലബ്ബ് പുരുഷ വനിതാ വിഭാഗങ്ങളിൽ എ.എഫ്.സി യോഗ്യത നേടുന്നത് ആദ്യമായി

ചരിത്ര നേട്ടത്തിൽ ഗോകുലം കേരള എഫ്.സി; എ.എഫ്.സി വനിതാ ക്ലബ്ബ് ചാമ്പ്യൻഷിപ്പിൽ ഇന്ത്യയെ പ്രതിനിധീകരിക്കും; ഒരു ഇന്ത്യൻ ക്ലബ്ബ് പുരുഷ വനിതാ വിഭാഗങ്ങളിൽ എ.എഫ്.സി യോഗ്യത നേടുന്നത് ആദ്യമായി

സ്പോർട്സ് ഡെസ്ക്

ന്യൂഡൽഹി: ഗോകുലം കേരള എഫ്.സി ചരിത്ര നേട്ടത്തിൽ. എ.എഫ്.സി വനിതാ ക്ലബ്ബ് ഫുട്ബോൾ ചാമ്പ്യൻഷിപ്പിൽ ഗോകുലം എഫ്.സി ഇന്ത്യയെ പ്രതിനിധീകരിക്കും. ഇതാദ്യമായാണ് ഒരു ഇന്ത്യൻ ക്ലബ്ബ് പുരുഷ വിഭാഗത്തിലും വനിതാ വിഭാഗത്തിലും എ.എഫ്.സി യോഗ്യത നേടുന്നത്.

ഇന്ത്യൻ വുമൺസ് ലീഗിൽ കിരീടം നേടിയതിന്റെ കരുത്തിലാണ് ഇന്ത്യയെ പ്രതിനിധീകരിച്ച് ഗോകുലത്തിന്റെ പെൺപട എ.എഫ്.സി ചാമ്പ്യൻഷിപ്പിന് ഇറങ്ങുക. ഏഷ്യയിലെ മികച്ച ടീമുകളെല്ലാം ഏറ്റുമുട്ടുന്ന ഏഷ്യൻ ഫുട്ബോൾ കോൺഫെഡറേഷൻ ചാമ്പ്യൻഷിപ്പ് ഒക്ടോബറിലായിരിക്കും നടക്കുക.

ഐ.ലീഗ് കിരീടം നേടിയ ഗോകുലത്തിന്റെ പുരുഷ ടീം നേരത്തേതന്നെ എ.എഫ്.സി ചാമ്പ്യൻഷിപ്പിന് യോഗ്യത നേടിയിരുന്നു.

വനിതാ ടീം ചാമ്പ്യൻഷിപ്പിന് യോഗ്യതനേടിയതിൽ അഭിമാനമുണ്ടെന്നും വനിതാ ഫുട്ബോൾ ടീമിൽ കൂടുതൽ മാറ്റങ്ങൾ കൊണ്ടുവരാൻ ശ്രമിക്കുമെന്നും ഗോകുലം കേരള എഫ്.സി ചെയർമാൻ ഗോകുലം ഗോപാലൻ പ്രതികരിച്ചു. വനിതാ ടീം എ.എഫ്.സി കിരീടമുയർത്തുമെന്നും അത് പുരുഷ ടീമിന് പ്രചോദനമേകുമെന്നും അദ്ദേഹം കൂട്ടിച്ചേർത്തു

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP