പതിറ്റാണ്ടുകൾക്ക് അണയ്ക്കാനാകാഞ്ഞ പ്രണയം
1945 ഏപ്രിൽ ഇരുപത്തെട്ടാം തീയതി ഇറ്റലിയുടെ മുസ്സൊലീനി വെടിവച്ചു കൊല്ലപ്പെട്ടു. മുപ്പതാം തീയതി ജർമ്മനിയുടെ ഹിറ്റ്ലർ വെടിവച്ച് ആത്മഹത്യ ചെയ്തു. ഇരുവരുടേയും സഖ്യരാജ്യമായിരുന്ന ജപ്പാൻ തങ്ങൾ കീഴടങ്ങുന്നതായി ഓഗസ്റ്റ് പതിനഞ്ചിനു പ്രഖ്യാപിച്ചു. ആറു വർഷം കൊണ്ട് എട്ടു കോടിയോളം മരണത്തിനിട വരുത്തിയ രണ്ടാം ലോകമഹായുദ്ധം 1945 സെപ്റ്റംബർ രണ്ടിന് അവസാനിച്ചു. യുദ്ധം മൂലം ജർമ്മനിയിൽ മാത്രമായുണ്ടായ എഴുപത്തിനാലു ലക്ഷം മരണങ്ങളിൽ അമ്പത്തിമൂന്നു ലക്ഷം സൈനികരുടേതായിരുന്നു. അക്കൂട്ടത്തിൽ മരണപ്പെട്ട ഒരു സൈനികന്റെ മകളായിരുന്നു, റെസി.
രണ്ടാം ലോകമഹായുദ്ധത്തിലേർപ്പെട്ട മുന്നണികൾ പരസ്പരം ബോംബുവർഷം നടത്തിയപ്പോൾ, ജനവാസപ്രദേശങ്ങളിൽ ബോംബിടരുതെന്ന പൊതുതത്വം പലപ്പോഴും അവഗണിക്കപ്പെട്ടു. തത്ഫലമായി ജർമ്മനിയിൽ മാത്രം തകർന്നതു മുപ്പത്താറു ലക്ഷം വീടുകൾ. അക്കൂട്ടത്തിലൊന്ന് റെസിയുടേതായിരുന്നു. 1945ൽ രണ്ടാം ലോകമഹായുദ്ധമവസാനിക്കുമ്പോൾ വിധവയായ അമ്മയോടൊപ്പം റെസിയുടെ ജീവിതം അക്ഷരാർത്ഥത്തിൽ തെരുവിലായിരുന്നു. അന്നു റെസിക്കു വയസ്സു പതിനഞ്ചു മാത്രം.
രണ്ടാം ലോകമഹായുദ്ധം അവസാനിച്ചയുടൻ അമേരിക്ക, ബ്രിട്ടൻ, ഫ്രാൻസ്, സോവിയറ്റ് യൂണിയൻ എന്നീ സഖ്യരാജ്യങ്ങൾ ജർമ്മനിയെ വെട്ടിമുറിച്ചു സ്വന്തമാക്കി. എങ്കിലും, 1949ൽ അമേരിക്ക, ബ്രിട്ടൻ, ഫ്രാൻസ് എന്നിവയുടെ അധീനതയിലുണ്ടായിരുന്ന ഖണ്ഡങ്ങൾ പരസ്പരം ലയിച്ച് 'ഫെഡറൽ റിപ്പബ്ലിക്ക് ഓഫ് ജർമ്മനി' എന്നൊരു സ്വതന്ത്രരാഷ്ട്രമുണ്ടായി. അക്കൊല്ലം തന്നെ, സോവിയറ്റ് യൂണിയന്റെ അധികാരത്തിലുണ്ടായിരുന്ന ഖണ്ഡം 'ജർമ്മൻ ഡെമൊക്രാറ്റിക് റിപ്പബ്ലിക്ക്' ആയിത്തീർന്നു. ഫെഡറൽ റിപ്പബ്ലിക്കിലായിരുന്നു, റെസിയും അമ്മയും.
1951ൽ ജർമ്മനിയിലെ ഒരു രാസവസ്തുനിർമ്മാണശാലയിൽ സെക്രട്ടറിയായി ജോലി ചെയ്യുകയായിരുന്ന റെസി ആൽഫ്രെഡിനെ കണ്ടുമുട്ടി. അന്നു റെസിക്കു വയസ്സ് ഇരുപത്തൊന്ന്, ആൽഫ്രെഡിന് ഇരുപത്തിനാല്. ഒരു ദന്തഡോക്ടറായിരുന്നു, ആൽഫ്രെഡ്. അവർ പരസ്പരം ആകർഷിതരായി, പ്രണയത്തിലുമായി.
അക്കാലത്തു ജർമ്മനിയിലെ സ്ഥിതി പരിതാപകരമായിരുന്നു. വെള്ളവും വൈദ്യുതിയുമില്ലാത്തൊരു കുടിലിലായിരുന്നു, റെസിയുടേയും അമ്മയുടേയും വാസം. തുച്ഛശമ്പളം. ദന്തഡോക്ടറായിരുന്നിട്ടും ആൽഫ്രെഡിന്റെ സ്ഥിതിയും വ്യത്യസ്തമായിരുന്നില്ല. വിദ്യാഭ്യാസപരമായും സാമ്പത്തികമായും ഉയരണമെന്ന് ആൽഫ്രെഡ് ആശിച്ചിരുന്നു. ജർമ്മനിയിൽ അതിനുള്ള സാദ്ധ്യത തീരെക്കുറവായിരുന്നു. അവിടന്ന് അനേകം പേർ അമേരിക്കയിലേയ്ക്കു കുടിയേറ്റം നടത്തിക്കൊണ്ടിരുന്നു. അവരെപ്പോലെ തനിക്കും അമേരിക്കയിലെത്താനായാൽ സ്വപ്നങ്ങൾ പൂവണിയുമെന്ന് ആൽഫ്രെഡ് വിശ്വസിച്ചു. അമേരിക്കയിലെത്തി ഒരു ജോലി നേടിയ ഉടൻ റെസിയോടു വിവാഹാഭ്യർത്ഥന നടത്താമെന്ന് ആൽഫ്രെഡ് കരുതിയിരുന്നു.
1953ൽ ആൽഫ്രെഡ് ന്യൂയോർക്കിലേയ്ക്കുള്ള കപ്പലിൽക്കയറി. അമേരിക്കയിലെത്തിയെങ്കിലും, ആൽഫ്രെഡിനു ജോലിയൊന്നും ഉടനെ കിട്ടിയില്ല. ആൽഫ്രെഡിന്റെ അമേരിക്കൻ ജീവിതാരംഭം ദുരിതപൂർണമായിരുന്നു. ഉപജീവനമാർഗം പോലും തെളിയാഞ്ഞതുകൊണ്ട് റെസിയെ വിവാഹം കഴിച്ച് അമേരിക്കയിലേയ്ക്കു കൊണ്ടുവരാനുള്ള പദ്ധതി നീണ്ടുനീണ്ടുപോയി. ഒരേ ലക്ഷ്യത്തിലേയ്ക്കുള്ള മറ്റൊരു വഴിയെന്ന നിലയിൽ, അമേരിക്കയിലൊരു ജോലിക്കു ശ്രമിക്കാൻ ആൽഫ്രെഡ് റെസിയോട് അഭ്യർത്ഥിച്ചു. റെസിക്ക് അമേരിക്കയിൽ ജോലി ലഭിച്ചാൽ ജീവിതം സുഖകരമാകുമെന്ന് ആൽഫ്രെഡ് റെസിയെ ബോദ്ധ്യപ്പെടുത്തി.
അപ്പോളാണ് റെസിയെപ്പോലുള്ളവർക്ക് അമേരിക്കയിലൊരു ജോലി കിട്ടുക ദുഷ്കരമാണെന്നു മനസ്സിലായത്. നിരാശിതയാകാതെ റെസി തന്റെ ശ്രമം തുടർന്നു. അതിനിടയിൽ അമ്മ രോഗബാധിതയായി. റെസിയുടെ തുച്ഛശമ്പളം ചികിത്സയ്ക്കു തികയാതെയായി. അമ്മയ്ക്കു മരുന്നു വാങ്ങാനുള്ള പണം പോലുമില്ലാതിരിയ്ക്കെ, അമേരിക്കയ്ക്കുള്ള ടിക്കറ്റു വാങ്ങുന്ന കാര്യം ആലോചിക്കാൻ പോലും വയ്യാത്ത സ്ഥിതി.
റെസി ജർമ്മനിയിൽ കഷ്ടപ്പെടുമ്പോൾ ആൽഫ്രെഡ് അമേരിക്കയിൽ കഷ്ടപ്പെട്ടു. തങ്ങളുടെ ദുരിതങ്ങൾക്കിടയിലും ഇരുവരും ആവേശപൂർവം പ്രണയലേഖനങ്ങളെഴുതി. ആൽഫ്രെഡിന്റെ കത്തുകളിലായിരുന്നു, റെസി ആശ്വാസം കണ്ടെത്തിയിരുന്നത്; റെസിയുടെ കത്തുകളിൽ ആൽഫ്രെഡും.
കുറേ നാൾ കഴിഞ്ഞപ്പോൾ ആൽഫ്രെഡിനെപ്പറ്റിയുള്ള ഒരു കിംവദന്തി റെസിയുടെ കാതുകളിലെത്തി: ആൽഫ്രെഡ് അമേരിക്കയിലെ ഒരു വനിതയെ പ്രണയിക്കുന്നത്രേ! വാർത്ത കേട്ടു റെസി തളർന്നു പോയി. അതു വെറും കിംവദന്തിയായിരിക്കുമെന്ന് അവൾ വിശ്വസിച്ചു. എന്നാൽ, അതു ശരിയാണോയെന്ന് ആൽഫ്രെഡിനോട് എഴുതിച്ചോദിക്കാനുള്ള ധൈര്യം അവൾക്കുണ്ടായുമില്ല. എന്തിനിനി ജീവിക്കണം, എന്നു റെസി സ്വയം ചോദിച്ചു. പക്ഷേ, ഒരു കാര്യം അവളെ ഭൂമിയിൽപ്പിടിച്ചു നിർത്തി: അമ്മ. അവളുടെ വരുമാനമുണ്ടായിട്ടും, അമ്മയുടെ ചികിത്സ വേണ്ടുംവണ്ണം നടത്താനായിരുന്നില്ല. അങ്ങനെയിരിയ്ക്കെ, അവൾ മരിച്ചാൽ അമ്മ വഴിയാധാരമായതു തന്നെ. അമ്മയ്ക്കുവേണ്ടി അവൾ ജീവിതം തുടർന്നു.
അമേരിക്കയിൽ താമസമാക്കിയ, സമ്പന്നനായൊരു ജർമ്മൻ യുവാവായിരുന്നു ഗുന്തർ. ഒരൊഴിവുകാലം ചെലവഴിക്കാൻ വേണ്ടി ഗുന്തറൊരിക്കൽ ജർമ്മനിയിലേയ്ക്കു വന്നു. വീസ്ബാദൻ എന്ന സ്ഥലത്തു വച്ചു യാദൃച്ഛികമായി ഗുന്തറും റെസിയും കണ്ടുമുട്ടി. പ്രഥമദൃശ്യത്തിൽത്തന്നെ ഗുന്തർ അനുരാഗവിവശനായി. അമേരിക്കയിലുള്ള ആൽഫ്രെഡിനെ താൻ പ്രണയിക്കുന്നെന്നും, സാമ്പത്തികനില മെച്ചപ്പെട്ടുകഴിഞ്ഞയുടൻ തങ്ങളിരുവരും വിവാഹം കഴിക്കുമെന്നും റെസി ഗുന്തറിനോടു തുറന്നു പറഞ്ഞു. റെസി മറ്റൊരാളിനെ പ്രണയിക്കുന്നെന്നറിഞ്ഞിട്ടും, ഗുന്തർ അടുത്ത ദിവസം തന്നെ റെസിയോടു വിവാഹാഭ്യർത്ഥന നടത്തി.
റെസി ചിന്തിച്ചു. അമേരിക്കയിലേയ്ക്കു പോകാനും ആൽഫ്രെഡുമായി ഒരുമിക്കാനുമുള്ള ശ്രമങ്ങളിതുവരെ വിജയിച്ചിട്ടില്ല, അവയുടൻ വിജയിക്കുന്ന ലക്ഷണങ്ങളുമില്ല. തന്റെ തുച്ഛവരുമാനം മതിയാകാത്തതുമൂലം അമ്മയുടെ ചികിത്സ തൃപ്തികരമായ വിധത്തിൽ നടത്താനാവുന്നില്ല. അക്കാരണത്താൽ അമ്മയുടെ ആരോഗ്യനില ക്രമേണ ക്ഷയിച്ചുംകൊണ്ടിരിക്കുന്നു. ഇതു റെസിയെ അത്യധികം വേദനിപ്പിച്ചിരുന്നു. വിവാഹാഭ്യർത്ഥനയോടൊപ്പം ഗുന്തർ മുന്നോട്ടു വച്ച ഒരു വാഗ്ദാനം, റെസിയുടെ അമ്മയെ സ്വന്തം അമ്മയായി കണക്കാക്കി, അമേരിക്കയിൽ കൂടെത്താമസിപ്പിച്ചു പരിചരിച്ചോളാമെന്നായിരുന്നു.
അമ്മയുടെ ആയുസ്സു ദീർഘിപ്പിക്കാൻ മറ്റൊരു വഴിയും റെസിക്കു കാണാനായില്ല. റെസി ഗുന്തറിന്റെ വിവാഹാഭ്യർത്ഥന സ്വീകരിച്ചു.
ഇക്കാര്യം ആൽഫ്രെഡിനെ അറിയിക്കുന്ന കത്തെഴുതലായിരുന്നു, റെസിക്ക് ഏറ്റവും ദുഷ്കരമായിത്തോന്നിയത്. ആൽഫ്രെഡിനോടുള്ള പ്രണയത്തിന് യാതൊരു കുറവും സംഭവിക്കാതിരിയ്ക്കെ, മറ്റൊരാളെ വിവാഹം കഴിയ്ക്കേണ്ടി വരുന്നത് അസഹ്യമായിരുന്നു. എന്നാൽ, അമ്മയെ വേണ്ടുംവണ്ണം സംരക്ഷിക്കാനാകാതെ വരുന്നതു ചിന്തിക്കാൻ പോലുമാകാത്തതും.
രാഷ്ട്രത്തിന്റെ നിർദ്ദേശമനുസരിച്ച് അന്യരാജ്യങ്ങളിൽപ്പോയി യുദ്ധം ചെയ്യുന്ന അമേരിക്കൻ പട്ടാളക്കാർക്ക് അവരുടെ ഭാര്യമാരിൽ നിന്നോ കാമുകിമാരിൽ നിന്നോ കത്തുകൾ കിട്ടാറുണ്ട്. അവയിൽച്ചിലത്, 'ഞാനിവിടെ മറ്റൊരാളുമായി പ്രണയത്തിലായി' അല്ലെങ്കിൽ 'ഞാൻ മറ്റൊരാളെ വിവാഹം ചെയ്തു' എന്നറിയിക്കുന്നതാകാറുണ്ട്. ഇവ 'പ്രിയ ജോൺ' കത്തുകൾ എന്നാണ് അറിയപ്പെട്ടിരുന്നത്. ദുഃഖം കടിച്ചമർത്തിക്കൊണ്ടു റെസി ആൽഫ്രെഡിന് 'പ്രിയ ജോൺ' കത്തെഴുതി.
റെസിയുടെ കത്തു വായിച്ച് ആൽഫ്രെഡ് സ്തംഭിച്ചിരുന്നു പോയി. റെസിയെ ചുറ്റിപ്പറ്റി കെട്ടിപ്പൊക്കിയിരുന്ന മനക്കോട്ടകൾ ഒരു നിമിഷം കൊണ്ടു തകർന്നു. നിരാശയുടെ പടുകുഴിയിലേയ്ക്കു പതിച്ചെങ്കിലും, ആൽഫ്രെഡ് റെസിയെ കുറ്റപ്പെടുത്തിയില്ല. റെസി നേരിട്ടിരുന്ന പ്രതിസന്ധികളുടെ ആഴം ആൽഫ്രെഡ് മനസ്സിലാക്കി.
വിവാഹാനന്തരം ഗുന്തർ റെസിയേയും അമ്മയേയും കപ്പലിൽക്കയറ്റി അമേരിക്കയിലേയ്ക്കു കൊണ്ടു പോന്നു. പണ്ട് ആൽഫ്രെഡ് അമേരിക്കയിലേയ്ക്കു പോന്നതും അതേ കപ്പലിൽത്തന്നെയായിരുന്നു. അന്താരാഷ്ട്രതലത്തിൽ ഭക്ഷ്യപദാർത്ഥങ്ങൾ വില്പന നടത്തുന്നൊരു ദല്ലാളായി ഗുന്തർ ശോഭിച്ചു. ഗുന്തറിനോടൊപ്പമുള്ള റെസിയുടെ ജീവിതം സുഖസമൃദ്ധമായിരുന്നു. അവർക്കു രണ്ടു കുഞ്ഞുങ്ങളുണ്ടായി. ഗുന്തറിന് വ്യാപാരസംബന്ധമായി അന്യരാജ്യങ്ങളിൽ ഇടയ്ക്കിടെ സഞ്ചരിയ്ക്കേണ്ടി വന്നിരുന്നു. അപ്പോഴെല്ലാം ഗുന്തർ റെസിയേയും കുഞ്ഞുങ്ങളേയും കൂടെക്കൂട്ടുകയും ചെയ്തിരുന്നു.
റെസിയെ ചുറ്റിപ്പറ്റിയുള്ള മനോഹര സങ്കല്പങ്ങൾ തകർന്നപ്പോൾ ആൽഫ്രെഡ് പഠനത്തിൽ ശ്രദ്ധ കേന്ദ്രീകരിച്ചു. അധികം താമസിയാതെ ആൽഫ്രെഡൊരു ശാസ്ത്രഗവേഷകനും വിദഗ്ദ്ധോപദേശം നൽകുന്നയാളും പ്രൊഫസ്സറുമായിത്തീർന്നു. ആൽഫ്രെഡിന്റെ വളർച്ചയിൽ ഗണ്യമായ പങ്കുവഹിച്ച ഒരമേരിക്കക്കാരനു ജർമ്മനിയിൽ വച്ചു ജനിച്ച മകളായ ഇംഗിനെ ആൽഫ്രെഡ് പിൽക്കാലത്തു വിവാഹം കഴിച്ചു. അവർക്കു നാലു കുഞ്ഞുങ്ങളുമുണ്ടായി. ആൽഫ്രെഡിന്റേയും ദാമ്പത്യജീവിതം സുഖസമൃദ്ധമായിരുന്നു.
അറുപതു വർഷം കടന്നുപോയി. ഇക്കാലമത്രയും റെസിയും ആൽഫ്രെഡും അവരവരുടെ വ്യത്യസ്ത ദാമ്പത്യജീവിതങ്ങൾ പരിഭവമൊന്നും കൂടാതെ, വിശ്വസ്തതയോടെ നയിച്ചുകൊണ്ടിരുന്നു. ആൽഫ്രെഡും റെസിയും തമ്മിൽ കാണുകയോ അന്വേഷിക്കുക പോലുമോ ചെയ്തില്ല.
ഏതാനും വർഷം മുമ്പ് ഇംഗ് ഓൾറ്റ്ഷൈമേഴ്സ് രോഗം ബാധിച്ച് ആശുപത്രിയിലായി. ഇംഗിനെ പരിചരിച്ചുകൊണ്ട് ആൽഫ്രെഡ് കൂടെത്താമസിച്ചു.
ഗുന്തറിന് ഒന്നിലേറെത്തവണ ഹൃദയസ്തംഭനമുണ്ടായി. ഒന്നിലേറെത്തവണ വീണു പരിക്കേൽക്കുകയും ചെയ്തു. കിടക്കയിൽ നിന്നു പൊന്താനാകാത്തവിധം രോഗബാധിതനായി, ഗുന്തർ. സദാ പരിചരിച്ചുകൊണ്ട് റെസി ഗുന്തറിന്റെ കൂടെയുണ്ടായിരുന്നു.
ഗുന്തറിന്റെ അവസ്ഥ റെസിയെ വ്യാകുലയാക്കി. വ്യാകുലതകൾ പങ്കുവയ്ക്കാനും അല്പം ആശ്വാസത്തിനും വേണ്ടി അവൾ തന്റെ ബാല്യകാലസഖികളെ ഇന്റർനെറ്റിൽ തിരഞ്ഞു. ആരുടെ വിവരവും പൊന്തിവന്നില്ല.
ഒരു ദിവസം റെസി ആൽഫ്രെഡിന്റെ പേരുപയോഗിച്ചു ഗൂഗിൾ സെർച്ചു നടത്തി. നിമിഷങ്ങളേ വേണ്ടി വന്നുള്ളൂ, ആൽഫ്രെഡിന്റെ ചിത്രവും മേൽവിലാസവും ഫോൺ നമ്പറും മുന്നിലുയരാൻ!
വിവാഹത്തിനു മുമ്പു തന്റെ കാമുകനായിരുന്ന ആൽഫ്രെഡിന്റെ വിവരങ്ങൾ ഗൂഗിൾ സെർച്ചിൽ കിട്ടിയ കാര്യം റെസി ഗുന്തറിനെ അറിയിച്ചു. ആൽഫ്രെഡുമായി ബന്ധപ്പെടാനുള്ള അനുമതി നൽകാൻ ഗുന്തറിന് യാതൊരു വൈമനസ്യവുമുണ്ടായില്ല.
വിറയ്ക്കുന്ന കരങ്ങളോടെ, തുടിക്കുന്ന ഹൃദയത്തോടെ റെസി ആൽഫ്രെഡിന്റെ നമ്പറിലേയ്ക്കൊരു സന്ദേശമയച്ചു: 'റെസിയെ ഓർമ്മയുണ്ടോ?'
ഉടൻ വന്നു, ആൽഫ്രെഡിന്റെ മറുപടി: 'റെസിയെ ജീവനുള്ള കാലം മറക്കുകയില്ല!' തൊട്ടുപുറകെ ആൽഫ്രെഡിന്റെ കോളും വന്നു.
പരസ്പരം ഓർമ്മിക്കുന്നെന്നറിഞ്ഞ് ഇരുവരും ഗദ്ഗദകണ്ഠരായി. അല്പസമയത്തേയ്ക്ക് ഇരുവർക്കും സംസാരിക്കാനായില്ല.
തുടർന്നവർ ഫോണിലൂടെ ഇടയ്ക്കിടെ ബന്ധപ്പെട്ടു. വിവരങ്ങൾ കൈമാറി. ഇരുവരുടേയും മനസ്സിൽ ഒരു കാലത്തുണ്ടായിരുന്ന പ്രണയാഗ്നി അണഞ്ഞിട്ടില്ലെന്ന് അവർ തിരിച്ചറിഞ്ഞു.
ഓൾറ്റ്ഷൈമേഴ്സ് രോഗബാധിതയായിരുന്ന ഇംഗിന് അധികക്കാലം ജീവിതം തുടരാനൊത്തില്ല. രോഗം മൂർച്ഛിച്ച് ഇംഗ് ചരമമടഞ്ഞു. പല തവണ ഹൃദയസ്തംഭനത്തെ നേരിട്ടു കഴിഞ്ഞിരുന്ന ഗുന്തറിന് മറ്റൊരു ഹൃദയസ്തംഭനത്തെ അതിജീവിക്കാനായില്ല; ഗുന്തറും ഇഹലോകവാസം വെടിഞ്ഞു. റെസി സന്തോഷത്തോടെ തുടർന്നും ജീവിക്കണമെന്നാഗ്രഹിച്ചിരുന്ന ഗുന്തർ തന്റെ മരണശേഷം ആൽഫ്രെഡുമായി ബന്ധപ്പെടാനുള്ള അനുവാദം റെസിക്കു നൽകിയിരുന്നു.
അല്പകാലം കഴിഞ്ഞപ്പോൾ ആൽഫ്രെഡും റെസിയും തങ്ങളുടെ പ്രണയത്തെപ്പറ്റി അവരവരുടെ കുഞ്ഞുങ്ങളെ (കുഞ്ഞുങ്ങളെല്ലാം മുതിർന്നു കഴിഞ്ഞിരുന്നു, അവർക്കവരുടേതായ കുടുംബങ്ങളുമുണ്ടായിക്കഴിഞ്ഞിരുന്നു) അറിയിച്ചു; തങ്ങളൊരുമിച്ചു ജീവിക്കാനാഗ്രഹിക്കുന്ന കാര്യവും വെളിപ്പെടുത്തി.
കേട്ടയുടൻ കുഞ്ഞുങ്ങൾ നീരസം പ്രകടിപ്പിച്ചെങ്കിലും, അധികം കഴിയും മുമ്പ് ഇരുവരുടേയും ദീർഘകാലപ്രണയകഥ കുഞ്ഞുങ്ങളേയും അനുകൂലികളും അനുഭാവികളുമാക്കി.
ഇക്കഴിഞ്ഞ മാർച്ചിൽ പള്ളിയിൽ വച്ചു നടന്ന ചടങ്ങിൽ, ബന്ധുക്കളുടേയും സുഹൃത്തുക്കളുടേയും സാന്നിദ്ധ്യത്തിൽ, വൈദികൻ ഇരുവരേയും പരസ്പരപ്രതിജ്ഞാബദ്ധരാക്കി.
അങ്ങനെ, 1951ൽ തുടങ്ങിയ പ്രണയം അറുപത്തഞ്ചു വർഷത്തിനു ശേഷം സഫലമായി. റെസിയുടെ വയസ്സ് 86, ആൽഫ്രെഡിന്റേത് 89.
വാർദ്ധക്യത്തിൽ കാലൂന്നിക്കഴിഞ്ഞിരിക്കുന്നതുകൊണ്ട് സുബോധത്തോടെയുള്ള ജീവിതം അധികക്കാലമുണ്ടാവില്ലെന്ന് ഇരുവർക്കുമറിയാം. അതുകൊണ്ടവർ പ്രണയിച്ചു ജീവിക്കുന്നു. ഈ ജീവിതത്തിൽ പരസ്പരം കണ്ടു മതിവരികയില്ലെന്നു ബോദ്ധ്യമുള്ളതുകൊണ്ട് അവർ സദാ കണ്ണിൽ കണ്ണും നട്ടു കഴിയുന്നു. ഇടയ്ക്കിടെ ആനന്ദാതിരേകത്താൽ അവർ തമ്മിൽത്തമ്മിൽ ചോദിക്കുന്നു, 'ഇതു യാഥാർത്ഥ്യം തന്നെയോ, അതോ സ്വപ്നമോ!'
അറുപത്തിമൂന്നു വർഷത്തോളം അവരുടെയുള്ളിൽ ചാരം മൂടിക്കിടന്ന പ്രണയക്കനലുകൾ ഇനിയുള്ള കാലം ആളിക്കത്തട്ടെ.
- TODAY
- LAST WEEK
- LAST MONTH
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- അസാധ്യം ഈ ആടുജീവിതം! ആദ്യപകുതി കഴിയുമ്പോഴേക്കും പ്രേക്ഷകരുടെ തൊണ്ട വരളും; നജീബിന്റെ അനുഭവങ്ങൾ ചുട്ടുപൊള്ളിക്കുന്നു; ബ്ലെസിയുടെ ചലച്ചിത്ര തപസ്സ് പാഴായിട്ടില്ല; എല്ലും തോലുമായുള്ള മേക്കോവറിൽ ഞെട്ടിച്ച് പൃഥിരാജ്; ഇതാ, മലയാളത്തിൽ നിന്ന് ഒരു ഇന്റർനാഷണൽ സിനിമ
- കോൺഗ്രസിൽ ചേക്കേറിയ നേതാവിന് ഒരുകാരണവശാലും സീറ്റ് കിട്ടരുത്; ലാലുവിനെ നേരിട്ട കണ്ട് ബെഗുസരായി സീറ്റ് സ്വന്തമാക്കി സിപിഐ; ജെഎൻയുവിലെ മുൻ തീപ്പൊരി നേതാവിന് ജന്മനാട്ടിൽ സീറ്റില്ല; ബിഹാറിൽ മഹാസഖ്യത്തിൽ തർക്കം; കനയ്യകുമാറിന് സിപിഐ കൊടുത്തത് എട്ടിന്റെ പണി
- ഏഷ്യയിലെ ഏറ്റവും സമ്പന്നയായ വനിത കോൺഗ്രസ് വിട്ടു; 25 ബില്യൻ ഡോളർ ആസ്തിയുള്ള സാവിത്രി ജിൻഡാൽ പാർട്ടി വിട്ടത് മകൻ നവീൻ ജിൻഡാൽ എംപിക്ക് പിന്നാലെ; മണിക്കൂറുകൾക്കുള്ളിൽ തന്നെ സ്ഥാനാർത്ഥിയാക്കി ബിജെപി; ഹരിയാനയിലും കോൺഗ്രസിന് നടുവൊടിയുമ്പോൾ
- 22 ലക്ഷം രൂപ തട്ടിയെടുത്തെന്ന് കേസ്; മോൻസൺ മാവുങ്കലിന്റെ മുൻ മാനേജർ അറസ്റ്റിൽ; പുരാവസ്തു നൽകാമെന്ന് വാഗ്ദാനം ചെയ്ത് പലരിൽ നിന്നും പണം തട്ടിയതായി പൊലീസ്; നിധി കുര്യൻ സോഷ്യൽ മീഡിയ ഇൻഫ്ളുവൻസറും, യാത്രികയും; ശ്രദ്ധ നേടിയത് ഒറ്റയ്ക്ക് കാറിൽ ഇന്ത്യ മുഴുവൻ യാത്ര ചെയ്ത്
- സ്വർണ്ണ കടത്തിൽ ഇഡി എത്തിയത് ശിവശങ്കറിനെ പൊക്കാൻ സെക്രട്ടറിയേറ്റിലെ ഓഫീസിൽ; മാസപ്പടിയിൽ കേന്ദ്ര ഏജൻസി ലക്ഷ്യമിടുന്നത് മുഖ്യമന്ത്രിയുടെ മകളെ; ഈ സാഹചര്യം കേരളത്തിൽ ഒരു മുഖ്യമന്ത്രിയും അഭിമുഖീകരിച്ചിട്ടില്ല; സിപിഎം പലവിധ ആലോചനകളിൽ
- സഞ്ജു നിരാശപ്പെടുത്തിയെങ്കിലും പരാഗിന്റെ തകർപ്പൻ പ്രകടനത്തിൽ ആരാധകരെ ത്രസിപ്പിച്ച് രാജസ്ഥാൻ; ഡൽഹിക്കെതിരെ 12 റൺസ് വിജയം; സഞ്ജുവിന്റെ ടീമിന് തുടർച്ചയായ രണ്ടാം ജയവും പന്തിന്റെ ടീമിന് രണ്ടാം തോൽവിയും
- 'മറ്റു രാജ്യങ്ങളുടെ ആഭ്യന്തര വിഷയങ്ങളിൽ ഇടപെടുന്നത് അംഗീകരിക്കാനാവില്ല; ഇന്ത്യയിലെ നിയമ നടപടി നിരീക്ഷിക്കുന്നത് സ്വതന്ത്ര ജുഡീഷ്യറി'; കെജ്രിവാളിന്റെ അറസ്റ്റിലെ യു എസ് പ്രസ്താവനയിൽ നയതന്ത്ര പ്രതിനിധിയെ വിളിച്ചുവരുത്തി മറുപടി നൽകി വിദേശകാര്യ മന്ത്രാലയം
- അബ്ദുൾ നാസർ മഅദനിയുടെ നില അതീവ ഗുരുതരം.; വെന്റിലേറ്ററിലേക്ക് മാറ്റി; ഡയാലിസിസ് തുടരുന്നു; കൊച്ചിയിൽ ഒരു മാസമായി ആശുപത്രിയിൽ കഴിയുന്നത് കരൾ രോഗ ചികിത്സയ്ക്കായി
- എം.വി ഗോവിന്ദന് എതിരായ വ്യാജ പ്രചാരണം; സി പി എം ഡി ജി പിക്കും മുഖ്യതെരഞ്ഞെടുപ്പ് ഓഫീസർക്കും പരാതി നൽകി
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
- പെരുന്നാളിന് നാട്ടിലെത്തുന്ന പ്രവാസികൾക്ക് സന്തോഷ വാർത്ത; മസ്കറ്റിൽനിന്നുള്ള വിമാന നിരക്ക് കുത്തനെ കുറച്ച് കമ്പനികൾ
- ഇന്നലെ ഉച്ചയ്ക്കും പുഞ്ചിരി തൂകിയ മുഖവുമായി ജീവനക്കാർക്കിടയിലൂടെ നടന്നു പോയ ഡോക്ടർ; എംബിബിഎസും എംഡിയും പഠിച്ചത് എൻട്രൻസിൽ ഉന്നത റാങ്കു നേടി തിരുവനന്തപുരത്ത്; വെള്ളനാട്ടെ അച്ഛനേയും അമ്മയേയും ആശ്വസിപ്പിക്കാൻ കഴിയാതെ അടുപ്പക്കാർ; രോഗികളോട് കരുണകാട്ടിയ ഡോ അഭിരാമിക്ക് സംഭവിച്ചത് എന്ത്?
- സ്വർണ്ണ കടത്തിൽ ഇഡി എത്തിയത് ശിവശങ്കറിനെ പൊക്കാൻ സെക്രട്ടറിയേറ്റിലെ ഓഫീസിൽ; മാസപ്പടിയിൽ കേന്ദ്ര ഏജൻസി ലക്ഷ്യമിടുന്നത് മുഖ്യമന്ത്രിയുടെ മകളെ; ഈ സാഹചര്യം കേരളത്തിൽ ഒരു മുഖ്യമന്ത്രിയും അഭിമുഖീകരിച്ചിട്ടില്ല; സിപിഎം പലവിധ ആലോചനകളിൽ
- ഹമാസ് ബന്ദിയാക്കി തടവിൽ പാർപ്പിക്കുന്നതിനിടെ നടത്തിയ ക്രൂരമായ ലൈംഗികാക്രമണങ്ങൾ വിവരിച്ച് 40 കാരിയായ ഇസ്രയേൽ യുവതി; മുഹമ്മദ് എന്ന ഹമാസ് ഗാർഡ് തോക്ക് ചൂണ്ടി നടത്തിയ ഞെട്ടിക്കുന്ന ആക്രമണം വിവരിച്ച് യുവതി
- പിണറായി സർക്കാരിന്റെ വീഴ്ചകൾ ലോക്സഭാ തിരഞ്ഞെടുപ്പ് ഫലത്തെ ബാധിക്കുമെന്ന് ഭൂരിപക്ഷം പേരും; കേരളത്തിൽ ബിജെപി രണ്ടക്കം കടക്കുമെന്ന പ്രധാനമന്ത്രിയുടെ അവകാശവാദം തെറ്റ്; ഏഷ്യാനെറ്റ് ന്യൂസ് 'മൂഡ് ഓഫ് ദി നാഷൻ' അഭിപ്രായ സർവേ ഫലം
- ''മഹാരാജാസ് ഗ്രൗണ്ടിൽനിന്ന് സെക്സ് വർക്കേഴ്സിനെ കിട്ടിയാൽ ഹോസ്റ്റലിൽ എത്തിച്ച് ചോദ്യം ചെയ്യലാണ്; പുലരും വരെ ഓടിച്ചിട്ട് ഇടിയാണ്; നിലവിളി കേട്ട് രാത്രി മുഴുവൻ ഇരുന്ന് കരഞ്ഞിട്ടുണ്ട്''; എസ് എഫ് ഐയുടെ ക്രൂരമായ സദാചാര സംരക്ഷണം വെളിപ്പെടുത്തി സംവിധായകൻ പ്രതാപ് ജോസഫ്
- 26ാം വയസ്സിൽ സൂപ്പർസ്റ്റാറായ മോഹൻലാൽ; 21-ാം വയസ്സിൽ ഹിറ്റുണ്ടാക്കിയ കുഞ്ചാക്കോ ബോബൻ; 24-ാം വയസ്സിൽ സ്റ്റേറ്റ് അവാർഡ് വാങ്ങിയ പൃഥിരാജ്; ഈ നിരയിലേക്ക് 23-ാം വയസ്സിൽ 100 കോടി ക്ലബിലെത്തിയ സിനിമയുടെ നായകനും; നസ്ലൻ എന്ന ന്യൂജെൻ സൂപ്പർസ്റ്റാറിന്റെ ജീവിത കഥ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- വാതിലടച്ച് എസ് എഫ് ഐയുടെ വനിതാ പ്രസിഡന്റിനെ ആട്ടിയിറക്കിയ അമ്മ! ഒരക്ഷരം പോലും മിണ്ടാത്ത പ്രതിഷേധം; എല്ലാം എണ്ണി എണ്ണി പറഞ്ഞുള്ള അച്ഛന്റെ ചോദ്യങ്ങൾക്ക് മുന്നിൽ പതറിയ കുട്ടി സഖാക്കൾ; അനുശ്രീയ്ക്ക് നേരിടേണ്ടി വന്നത് കടുത്ത പ്രതിഷേധം; ഇനി എസ് എഫ് ഐ നേതാക്കൾ സിദ്ധാർത്ഥിന്റെ വീട്ടിൽ പോകില്ല
- നഗ്നപൂജയും പീഡനക്കേസും ജയിൽ ശിക്ഷയും വിവാദത്തിലാക്കിയ കട്ടപ്പനക്കാരൻ; പത്താംക്ലാസ് പഠന ശേഷം വീടു വിട്ടിറങ്ങി അലഞ്ഞു തിരിഞ്ഞ് സന്യാസിയായി; സ്വയം പ്രഖ്യാപിത ആൾദൈവത്തെ തകർത്തത് ശിഷ്യകളുടെ പരാതി; വിവാദ നായകൻ സന്തോഷ് മാധവൻ അന്തരിച്ചു
- ഹോസ്റ്റലിലെ 130 വിദ്യാർത്ഥികളുടെ മുന്നിൽ നഗ്നനാക്കി നിർത്തി; രണ്ട് ബെൽറ്റുകൾ മുറിയുന്നതു വരെ ക്രൂരമായ മർദ്ദനം; ഇരുമ്പുകമ്പിയും വയറുകളും ഉപയോഗിച്ചും മർദ്ദനം; കൊടും ക്രൂരതയ്ക്ക് സാക്ഷിയാകേണ്ടി വന്നവരോട് പറഞ്ഞത് 'പുറത്തുപറഞ്ഞാൽ തല കാണില്ല' എന്ന്; സിദ്ധാർഥന്റേത് ആൾകൂട്ട വിചാരണ നടത്തിയുള്ള 'കൊലപാതകം'
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- 35 കോടിയോളം മുടക്കിയെടുത്ത ദിലീപ് ചിത്രം; ബാന്ദ്ര ഇറങ്ങിയ പാടേ നെഗറ്റീവ് റിവ്യു നൽകിയതോടെ ചിത്രം പരാജയപ്പെട്ടെന്ന് ആരോപണം; മോശം റിവ്യുവിന് അശ്വന്ത് കോക്കും ഉണ്ണി വ്ലോഗ്സും അടക്കം 7 വ്ലോഗർമാർക്കെതിരെ അന്വേഷണത്തിന് ഉത്തരവ്
- കുടിച്ചു കൂത്താടുന്നവനല്ല, സമ്പൂർണ്ണ മദ്യവിരോധിയും സസ്യഭുക്കും! ലോകത്തിലെ ആറാമത്തെ സമ്പന്നനിൽ നിന്ന് പാപ്പരിലേക്ക്; മുകേഷിന്റെ മകന്റെ വിവാഹത്തിനെത്തിയത് ലിനൻ ഷർട്ട് ധരിച്ച് സാധാരണക്കാരനെപ്പോലെ; ഇപ്പോഴും 5000 കോടിയുടെ ആസ്തി; അനിൽ അംബാനിയുടെ വിചിത്ര ജീവിതം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്