ആകുലത ഉള്ളയാളെ അലിവോടെ കേൾക്കുക.. ആശ്വാസം നൽകുക; മറ്റ് സംവിധാനങ്ങളുമായി കണ്ണി ചേർക്കുക ഇതാണ് നമ്മൾ ചെയ്യേണ്ടത്; ആത്മഹത്യയുടെ കണക്ക് ദേശീയമായി ശേഖരിക്കുന്ന ജപ്പാൻ മാതൃക കേരളത്തിലും ശീലമാക്കാം; കണക്കുകൾ ശേഖരിച്ചു പദ്ധതികൾ ഉണ്ടാക്കിയപ്പോൾ ജപ്പാനിൽ ആത്മഹത്യാ നിരക്കും കുറഞ്ഞു; സർക്കാരും സമൂഹവും ഒരുമിച്ച് ശ്രമിച്ചാൽ ആത്മഹത്യാ നിരക്ക് കുറക്കാൻ സാധിക്കും: മുരളീ തുമ്മാരുകുടി എഴുതുന്നു
മുരളി തുമ്മാരുകുടി
ഓകിഗഹാര (Aokigahara) ഫോറസ്റ്റിനെക്കുറിച്ചു കേട്ടിട്ടുണ്ടോ? ജപ്പാനിലെ സജീവ അഗ്നിപർവതമായ മൗണ്ട് ഫ്യൂജിയുടെ വടക്കുപടിഞ്ഞാറുഭാഗത്തുള്ള ഒരു വനപ്രദേശമാണ് ഓകിഗഹാര (Aokigahara). 'The Sea of Trees' എന്നറിയപ്പെടുന്ന പേരുകേട്ട ഒരു ടൂറിസ്റ്റ് ഡെസ്റ്റിനേഷൻ കൂടിയാണിവിടം. എന്നാൽ ധാരാളമാളുകൾ ആത്മഹത്യ ചെയ്യാൻ തെരഞ്ഞെടുക്കുന്നതിനാലാണ് ഈ സ്ഥലം വാർത്തകളിൽ നിറഞ്ഞത്. അതോടെ ജപ്പാനിലെ 'സൂയിസൈഡ് ഫോറസ്റ്' എന്ന അപരനാമത്തിൽ അറിയപ്പെടാനും തുടങ്ങി. ഓരോ വർഷവും നൂറിലേറെപ്പേർ ഇവിടെ ആത്മഹത്യക്ക് ശ്രമിക്കുന്നു, അൻപതോളം പേർ മരിക്കുന്നു. 2019 ൽ ജപ്പാനിൽ 19959 പേരാണ് ആത്മഹത്യ ചെയ്തത് (ഒരുലക്ഷം ആളുകളിൽ പതിനഞ്ചു പേരോളം). ഇത് ലോക ശരാശരിയിലും അൻപത് ശതമാനത്തോളം കൂടുതലാണ്. ഉയർന്ന വിദ്യാഭ്യാസവും കെട്ടുറപ്പുള്ള കുടുംബബന്ധങ്ങളും നല്ല സാമ്പത്തിക ഭദ്രതയുമുള്ള ജപ്പാനിലെ ഉയർന്ന ആത്മഹത്യാനിരക്ക്, പലപ്പോഴും ലോകം ചർച്ചയാക്കിയിട്ടുണ്ട്.
സിനിമാതാരം സുശാന്ത് സിങ്ങിന്റെ ആത്മഹത്യയെ തുടർന്ന് ഏറെ ചർച്ചകൾ ആത്മഹത്യയെപ്പറ്റി കണ്ടു. ചിലപ്പോഴെങ്കിലും വ്യക്തിയുടെ അവകാശങ്ങളെയോ സ്വകാര്യതയെയോ മാനിക്കാതെ പോലും മരണങ്ങൾ ചർച്ചചെയ്യപ്പെട്ടു. ചിലർ കഷ്ടം പറഞ്ഞപ്പോൾ, സോഷ്യൽ മീഡിയ പോസ്റ്റുകളിലും സ്റ്റാറ്റസുകളിലും ശാസ്ത്രീയവും അശാസ്ത്രീയവുമായ ഉപദേശങ്ങളുടെ നീണ്ട നിര തന്നെ വന്നു. ഒരുപക്ഷെ, ആത്മഹത്യകളെക്കാൾ ചർച്ചചെയ്യപ്പെട്ടത് ആത്മഹത്യയിലേക്ക് നയിക്കുന്ന 'ഡിപ്രഷൻ' അഥവാ 'വിഷാദം' എന്ന അവസ്ഥയെക്കുറിച്ചാണ്. ആത്മഹത്യയ്ക്ക് കാരണം വിഷാദമാണെന്നും മനസിലുള്ളത് ആരോടെങ്കിലും തുറന്നു പറഞ്ഞാൽ തീരുന്ന പ്രശ്നമേ ആളുകൾക്കുള്ളൂ എന്ന തരത്തിലാണ് ചർച്ചകൾ പോയത്. ഇത്തരം സന്ദർഭങ്ങളിൽ വസ്തുതാപരമായി കാര്യങ്ങളെ വിലയിരുത്തുന്നത് നന്നായിരിക്കും.
വിഷാദരോഗം മാത്രമാണോ ആത്മഹത്യയിലേക്കു നയിക്കുന്നത്?
ഒരു വ്യക്തിക്ക് എന്തെങ്കിലും സങ്കടമോ വിഷമമോ ഉണ്ടെങ്കിൽ അയാൾക്ക് വിഷാദരോഗമാണോ?
വിഷാദരോഗിയായ ഒരു വ്യക്തിക്ക് തങ്ങളുടെ സുഹൃത്തുക്കളോടോ കുടുംബാംഗങ്ങളോടോ മനസ്സ് തുറന്നു സംസാരിച്ചാൽ രോഗമുക്തി സാധ്യമാണോ?
ഈ ചോദ്യങ്ങൾക്കെല്ലാം 'NO' എന്ന ഒരുത്തരമേയുള്ളു.
ആദ്യംതന്നെ ഏതൊരാൾക്കുമുണ്ടാകുന്ന 'വിഷാദാവസ്ഥ'കളെല്ലാം തന്നെ ക്ലിനിക്കൽ ഡിപ്രഷനല്ല എന്ന് തിരിച്ചറിയണം. ക്ലിനിക്കൽ ഡിപ്രഷൻ അഥവാ മേജർ ഡിപ്രസ്സിവ് ഡിസോർഡർ ഒരു mood disorder ആണ്. സീരിയസായ ഒരു മാനസിക പ്രശ്നമായതുകൊണ്ടുതന്നെ ഈ വിഷയത്തിൽ വിദഗ്ദ്ധരായിട്ടുള്ളവർ (ഒരു ക്ലിനിക്കൽ സൈക്കോളജിസ്റ്റോ സൈക്കിയാട്രിസ്റ്റോ) രോഗനിർണയം ചെയ്യേണ്ട ഒന്ന്. അങ്ങനെ ചെയ്യുന്നതിന് കൃത്യമായ മാനദണ്ഡങ്ങളുണ്ട്. ഇതിൽനിന്നു വ്യത്യസ്തമായി മറ്റുചില കാര്യങ്ങളും (ജീവിതത്തിലുണ്ടാകുന്ന മാറ്റങ്ങൾ) ഡിപ്രെഷനിലേക്ക് നയിക്കാം. ഇതിൽ ശ്രദ്ധിക്കേണ്ട ഒന്ന് പോസ്റ്റ്-പാർട്ടം ഡിപ്രഷനാണ്. ഗർഭത്തിന്റെ അവസാനകാലത്തും (Peripartum Period) പ്രസവശേഷവും സ്ത്രീകളിൽ ഡിപ്രഷൻ കണ്ടുവരാറുണ്ട്. പലപ്പോഴും കുട്ടികളുണ്ടായ ആദ്യ ആഴ്ചയിൽ കണ്ടുവരാറുള്ള മാനസിക വിഷമതകളുണ്ട് (baby blues). അതിൽനിന്നും തികച്ചും വ്യത്യസ്തമായ, തീവ്രതയുള്ള മേജർ ഡിപ്രഷനാണ് പോസ്റ്റ്-പാർട്ടം ഡിപ്രഷൻ. ചില പ്രത്യേക കാലാവസ്ഥയുള്ള ജിയോഗ്രഫിക് ഏരിയകളിൽ ജീവിക്കുന്നവർക്കുണ്ടാകാവുന്ന ഒന്നാണ് സീസണൽ അഫക്റ്റീവ് ഡിസോർഡർ (Seasonal affective disorder). സ്വാഭാവികമായ സൂര്യപ്രകാശം ദീർഘകാലം ലഭ്യമല്ലാതാകുന്പോഴാണ് ഈ അവസ്ഥ കണ്ടുവരാറുള്ളത്. മറ്റു സീരിയസായ മനസികരോഗങ്ങളുള്ളവരിലും ഡിപ്രഷൻ കാണാറുണ്ട്. മേല്പറഞ്ഞവയെല്ലാം തന്നെ ഒരു ക്ലിനിഷ്യന്റെ ശ്രദ്ധ ആവശ്യമുള്ള അവസ്ഥകളാണ്.
വാസ്തവത്തിൽ എന്താണ് ഒരു വ്യക്തിയെ ആത്മഹത്യയിലേക്ക് നയിക്കുന്നത്?
ആത്മഹത്യ ചെയ്യുന്നതിന് പല കാരണങ്ങളുണ്ട്. നാഷണൽ ക്രൈം റെക്കോർഡ്സ് ബ്യൂറോയുടെ (NCRB) കണക്കനുസരിച്ച് ഇന്ത്യയിൽ 2018 ൽ 134516 പേരാണ് ആത്മഹത്യ ചെയ്തത്. അതിന് സാന്പത്തിക പ്രശ്നങ്ങൾ, കുടുംബത്തിലെ പ്രശ്നങ്ങൾ, പരീക്ഷയിൽ തോറ്റത്, തൊഴിലില്ലായ്മ, ബലാത്സംഗം ചെയ്യപ്പെട്ടത് എന്നിങ്ങനെ അനവധി കാരണങ്ങളുണ്ട്. അതിൽ ഒരു വിഷയം മാത്രമാണ് രോഗങ്ങൾ. 23764 പേർ രോഗം മൂലമാണ് ആത്മഹത്യ ചെയ്തത്. ഇതിൽ തന്നെ മാനസിക രോഗം മൂലം ആത്മഹത്യ ചെയ്തവരുടെ എണ്ണം 10134 ആണ്. മൊത്തം ആത്മഹത്യയുടെ ഏഴു ശതമാനത്തോളം വരുമിത്.
മാനസിക രോഗങ്ങൾ തന്നെ പലതുണ്ട്. എല്ലാ മനോവിഷമങ്ങളും ഡിപ്രഷനല്ല. സ്കിസോഫ്രീനിയ, ബൈപോളാർ ഡിസോർഡർ, തുടങ്ങി ഗൗരവമേറിയ മാനസിക രോഗങ്ങളുള്ളവർ ആത്മഹത്യാപ്രവണത പ്രകടിപ്പിക്കാറുണ്ട്. ഇങ്ങനെയുള്ള രോഗികളിൽ, അവർക്കുണ്ടാകുന്ന ഹാലൂസിനേഷനുകൾ - പലപ്പോഴും ആത്മഹത്യചെയ്യാനുള്ള നിർദ്ദേശം ആരോ തരുന്നതായി (inner-voices) തോന്നാം. അത് സ്വയം ഇല്ലാതാക്കാനുള്ള (self-destruction) കാരണമാകാം. അപ്പോൾ മനസികരോഗങ്ങൾ ആത്മഹത്യക്ക് കാരണമാകാറുണ്ടെങ്കിലും സോഷ്യൽമീഡിയ ഹൈപ്പ് കണ്ട് എല്ലാ ആത്മഹത്യകളെയും മനസികരോഗങ്ങൾ മൂലമുണ്ടാകുന്നതെന്നു തെറ്റിദ്ധരിക്കരുത്. ആത്മഹത്യക്ക് കാരണമായ എല്ലാ മാനസിക രോഗങ്ങളും വിഷാദവുമല്ല.
ഇനി ബാക്കിയുള്ള ചോദ്യം വിഷാദം അടുത്തുള്ളവരോട് സംസാരിക്കുന്നതിലൂടെ പരിഹരിക്കാൻ സാധിക്കുമോ എന്നതാണ്. മിക്കവാറും ആളുകൾ വിഷാദത്തെ കാണുന്നത് തീരെ നിസാരവൽക്കരിച്ചാണ്. ജീവിതത്തിൽ ഉണ്ടാകുന്ന ഏതെങ്കിലും പ്രശ്നങ്ങൾ ആളുകളെ വിഷാദത്തിലേക്ക് തള്ളി വിടുന്നുണ്ടാകാം.
ഈ പ്രശ്നങ്ങൾ മറ്റുള്ളവരുടെ കണ്ണിൽ ആത്മഹത്യ ചെയ്യേണ്ടത്ര വലിയ കാര്യമാണെന്ന് തോന്നുകയും ഇല്ല. വിഷാദമുണ്ടെങ്കിലും ഇല്ലെങ്കിലും നമുക്കെല്ലാവർക്കും നമ്മുടെ പ്രശ്നങ്ങൾ വലുതും മറ്റുള്ളവരുടെ പ്രശ്നങ്ങൾ നിസ്സാരവുമാണ്. ഏതെങ്കിലും പ്രശ്നവുമായി നമ്മുടെ അടുത്തേക്ക് വരുന്നവരെ നമ്മുടെയോ നമുക്ക് ചുറ്റുമുള്ളവരുടെയോ അതിനേക്കാൾ വലിയ വിഷമങ്ങൾ പറഞ്ഞാണ് നമ്മൾ ആശ്വസിപ്പിക്കാൻ ശ്രമിക്കുക. വിരൽ മുറിഞ്ഞ് നമ്മുടെ അടുത്തെത്തുന്നവരോട് അപകടത്തിൽ കൈ അറ്റുപോയവരുടെ കഥപറയുന്നത് പോലെയുള്ള തന്ത്രം. എന്നാൽ ഇതുകൊണ്ട് ഒരു കാര്യവുമില്ല. ഒരു വ്യക്തി അവരുടെ പ്രശ്നങ്ങളെ കാണുന്നത് അവരുടേത് മാത്രമായ വൈകാരിക പശ്ചാത്തലങ്ങളിലൂടെ, ജീവിത വീക്ഷണങ്ങളുടെ, കുടുംബ പശ്ചാത്തലത്തിന്റെ, പ്രയോഗിക സൗകര്യങ്ങളുടെ കാഴ്ചപ്പാടിലൂടെയാണ്. ഒരു പ്രശ്നം എത്ര വലുതാണ്, ചെറുതാണ് എന്നത് അവരുടെ വീക്ഷണകോണിൽ കൂടി ചിന്തിച്ചാലേ മനസ്സിലാകൂ. ഒരേ കാര്യത്തെ രണ്ടുപേർ നോക്കുന്പോൾ കാണുന്ന കാഴ്ച ഒന്നല്ല.
ചില സാഹചര്യങ്ങളിൽ ഈ ഒരാളുടെ മാനസിക നില ഒരു പ്രിസം പോലെ പ്രവർത്തിച്ച് കാര്യങ്ങളെ വളരെ വ്യത്യസ്തമായി തോന്നിക്കുന്നു. ഇത് തിരിച്ചറിയാൻ ഒരു മാനസികരോഗ വിദഗ്ധന് മാത്രമാണ് കഴിയുന്നത്. അതുകൊണ്ടു തന്നെ നിങ്ങളുടെ അടുത്തുള്ള ഒരാൾക്ക് മാനസികമായ ബുദ്ധിമുട്ട് ഉണ്ടെന്ന് തോന്നിയാൽ തീർച്ചയായും അവരോട് പ്രൊഫഷണൽ സഹായം തേടാൻ പറയണം. വിഷാദത്തെ എങ്ങനെയാണ് കൈകാര്യം ചെയ്യേണ്ടത് എന്നതിന് ഇപ്പോൾ ശാസ്ത്രത്തിന് അനവധി മാർഗ്ഗരേഖകളുണ്ട്. അവ ഉപയോഗിച്ചാൽ തീർച്ചയായും ആളുകൾക്ക് ഗുണമുണ്ടാകും. കേരളത്തിലെ സാമൂഹിക സാഹചര്യത്തിൽ ഇതത്ര എളുപ്പമുള്ള കാര്യമല്ല എങ്കിൽ കൂടി നമ്മൾ കൂടുതൽ പുരോഗമന ചിന്താഗതിയുള്ള, ശാസ്ത്രബോധമുള്ള ഒരു സമൂഹമായി മാറണമെങ്കിൽ വിഷാദം ഉൾപ്പടെയുള്ള മാനസികാരോഗ്യ വിഷയങ്ങളിലുള്ള നമ്മുടെ ചിന്താഗതികൾ മാറണം. വിഷമമോ വിഷാദമോ ഉള്ള ആളുകളെല്ലാം സുഹൃത്തുക്കളോട് സംസാരിച്ചാൽ തീരുന്നത്ര നിസ്സാരമല്ല കാര്യങ്ങൾ. ഫേസ്ബുക്ക് അക്കൗണ്ട് ഉള്ളവരെല്ലാം മനഃശാസ്ത്ര കൗൺസലർമാർ ആകുന്ന കാലം മാറണം.
ഇതിന്റെ അർത്ഥം നിങ്ങളുടെ സുഹൃത്തുക്കൾക്ക് ഒരു മാനസിക വിഷമമോ, വിഷാദമോ ഉണ്ടെങ്കിൽ നിങ്ങൾ അത് ശ്രദ്ധിക്കരുത്, അവരോട് സംസാരിക്കാൻ ശ്രമിക്കരുത് എന്നല്ല. ചില അവസരങ്ങളിൽ ആത്മഹത്യ ചെയ്യുന്ന വ്യക്തികൾ, അതിനുമുൻപ് അടുപ്പമുള്ളവരോട് തങ്ങളുടെ പ്രശ്നങ്ങളെക്കുറിച്ച് സംസാരിക്കുകയോ സൂചനകൾ കൊടുക്കുകയോ ചെയ്യുന്നതായി കാണാറുണ്ട്. ഇത്തരത്തിൽ നിങ്ങളുടെ സുഹൃത്തുക്കളോ ബന്ധുക്കളോ, മാനസിക സമ്മർദ്ദമുണ്ടാക്കുന്ന സാഹചര്യങ്ങളിലൂടെ കടന്നുപോകുമ്പോൾ തീർച്ചയായും നിങ്ങൾ മുൻകൈ എടുത്ത് അവരോട് കാര്യങ്ങൾ സംസാരിക്കാം, അല്ലെങ്കിൽ അവർ പറയുന്നതോ പറയാൻ ശ്രമിക്കുന്നതോ ശ്രദ്ധിക്കാം. ആകുലത ഉള്ളയാളെ അലിവോടെ കേൾക്കുക.. ആശ്വാസം നൽകുക. മറ്റ് സംവിധാനങ്ങളുമായി കണ്ണി ചേർക്കുക ഇതാണ് നമ്മൾ ചെയ്യേണ്ടത്. (thank you Drcjjohn Chennakkattu for useful comments) നമുക്ക് ജപ്പാനിലേക്ക് തിരിച്ചു വരാം.
1978 മുതലാണ് ജപ്പാനിൽ ആത്മഹത്യകളുടെ കണക്ക് ദേശീയമായി ശേഖരിച്ചു തുടങ്ങിയത്. ഓരോ വർഷവും ഇത് കൂടി വന്നു. 2013 ൽ ഇത് 34427 ആയി. അവിടുത്തെ സർക്കാർ ഇതൊരു വലിയ വിഷയമായി ഏറ്റെടുത്ത് ആത്മഹത്യകളുടെ എണ്ണവും നിരക്കും കുറക്കാൻ പദ്ധതികളുണ്ടാക്കി. 2009 മുതൽ ഓരോ വർഷവും ആത്മഹത്യകളുടെ എണ്ണം കുറഞ്ഞു വരുന്നു. ഇപ്പോൾ ഒരുലക്ഷത്തിന് പതിനഞ്ച് എന്ന നിരക്കിലെത്തി. ഇനിയത് 2026 ആകുന്പോഴേക്കും ഒരു ലക്ഷത്തിന് പതിമൂന്നിലേക്ക് എത്തിക്കുക എന്നതാണ് അവരുടെ ലക്ഷ്യം.
കേരളത്തിൽ 2018 ൽ 8237 പേർ ആത്മഹത്യ ചെയ്തു. ഒരു ലക്ഷത്തിന് 24 പേർ എന്ന കണക്കിൽ. ഇത് ലോക ശരാശരിക്കും (10.5/100,000) ദേശീയ ശരാശരിക്കും (10.2/100,000) ഇരട്ടിയിലധികമാണ്. കേരളത്തിൽ റോഡപടകത്തിൽ മരിക്കുന്നവരെക്കാളും ഇരട്ടിയാണ് ആത്മഹത്യയിൽ മരിക്കുന്നത്. ഒരു കോടി ജനസംഖ്യയിൽ കൂടുതലുള്ള ഇന്ത്യൻ സംസ്ഥാനങ്ങളെ വെച്ച് നോക്കുന്പോൾ കേരളത്തിനു മുന്നിൽ ഛത്തീസ്ഗഡ് മാത്രമേ ഉള്ളൂ. ഇതിന്റെ കാരണങ്ങൾ ഏതൊക്കെ തന്നെ ആയാലും സർക്കാരും സമൂഹവും ഒരുമിച്ച് ശ്രമിച്ചാൽ ആത്മഹത്യാ നിരക്ക് കുറക്കാൻ സാധിക്കുമെന്ന് തന്നെയാണ് ജപ്പാനിലെ കണക്കുകൾ സൂചിപ്പിക്കുന്നത്. പക്ഷെ , 'വിഷാദം' = 'ആത്മഹത്യ' എന്നോ, 'വിഷമങ്ങൾ തുറന്നു പറയുന്നു' = 'ആത്മഹത്യ ഒഴിവാകുന്നു' എന്നോ ഉള്ള ലളിതമായ സമവാക്യങ്ങളിൽ നിന്നും നാം മുന്നേറേണ്ടിയിരിക്കുന്നു.
Stories you may Like
- മുരളീ തുമ്മാരുകുടി മുൻകൂട്ടി കണ്ടത് താനൂരിൽ സംഭവിക്കുമ്പോൾ
- പൊന്നാനിയിലെ ലൈസൻസില്ലാത്ത യാർഡിൽ മീൻപിടിത്ത ബോട്ട് രൂപ മാറ്റം നടത്തി
- മുരളി തുമ്മാരുകുടിയുടെ പരാതി, കെഎസ്ഇബി സ്ഥാപിച്ച സ്റ്റേ വയർ നീക്കി
- സെക്രട്ടറിയേറ്റിൽ തീപിടുത്തം ഉണ്ടാകുന്നതും മുരളി തുമ്മാരുകുടി പ്രവചിച്ചിരുന്നോ
- മുരളി തുമ്മാരുകുടി ചർച്ചയാക്കിയത് എംജി യൂണിവേഴ്സിറ്റിയിലെ ട്രാൻസ്ക്രിപ്റ്റ് ദുരന്തകഥ
- TODAY
- LAST WEEK
- LAST MONTH
- 'പക്ഷെ' കൾക്ക് ഇനി സ്ഥാനമില്ല; ജൂലായിൽ അനധികൃത അഭയാർത്ഥികളുമായുള്ള വിമാനം ബ്രിട്ടനിൽ നിന്നും റുവാണ്ടയിലേക്ക് പറന്നിരിക്കും; പാർലമെന്റിൽ റുവാണ്ട ബിൽ നിയമമാക്കി വീണ്ടും കരുത്ത് തെളിയിച്ച് ഇന്ത്യൻ വംശജനായ പ്രധാനമന്ത്രി ഋഷി സുനക്
- ബ്രിട്ടന്റെ ജയിലുകളിലെ പകുതിയിലേറെ വനിത ഗാർഡുമാരും ജയിൽ പുള്ളികളുമായി അവിഹിത ബന്ധം പുലർത്തുന്നവർ; പുരുഷ തടവുകാരായി ലൈംഗിക ബന്ധം പുലത്തിയതിന്റെ പേരിൽ കഴിഞ്ഞ വർഷം മാത്രം പുറത്താക്കിയത് 18 വനിതാ ജീവനക്കാരെ
- ഡ്രസ്സിങ് റൂമിലേക്ക് കാമറ തിരിച്ചു; ഐപിഎൽ കാമറാമാന് നേരെ വെള്ളക്കുപ്പി എറിയാനോങ്ങി ധോണി; കലിപ്പിന് കാരണം അന്വേഷിച്ച് ആരാധകർ
- ന്യൂനപക്ഷങ്ങൾക്കെതിരേ വസ്തുതാവിരുദ്ധമായി പറയുന്നതെല്ലാം അപ്പാടെ വിശ്വസിച്ച് മതേതരത്വത്തെ തല്ലിക്കൊല്ലുന്ന ആൾക്കൂട്ടമല്ല ഇന്ത്യയിലെ ഭൂരിപക്ഷം; മോദി മുസ്ലിംകൾക്കെതിരെ നടത്തിയത് നിന്ദാപരമായ പ്രസംഗം; പ്രധാനമന്ത്രിയുടെ വിദ്വേഷ പ്രസംഗത്തിനെതിരെ ദീപിക മുഖപ്രസംഗം; ബിജെപിയുടെ വോട്ടു മോഹത്തിന് തിരിച്ചടിയോ ?
- ഹോളിവുഡ് പ്രൊഡക്ഷന്റെ ഓഡിഷനിൽ പങ്കെടുത്ത് ഫഹദ് ഫാസിൽ; അവർ എനിക്ക് അഭിനയിക്കാൻ ഒരു സീൻ തന്നു; ആ സീനിനു മുൻപോ അതിനു ശേഷമോ എന്താണെന്ന് അറിയില്ലെന്ന് ഫഹദ്
- ചൊവ്വാഴ്ചയും കമ്മിഷണർ ഓഫീസിലെത്തി; ഉച്ചക്കു മുൻപായി ഓഫീസിലെത്തുകയും ഓൺലൈൻ മീറ്റിങ്ങിൽ പങ്കെടുക്കുകയും ചെയ്തു; ചില ഫയലുകൾ തീർപ്പാക്കിയശേഷം മടങ്ങി; പൂരപ്രേമികൾ നിരാശർ തന്നെ; തൃശൂരിലെ കമ്മീഷണർ അങ്കിത് അശോക് തന്നെ; മാറ്റുമെന്നത് പ്രഖ്യാപനം മാത്രമാകുമ്പോൾ
- വർഷത്തിൽ 12 ദിവസം മദ്യവിൽപ്പന ഇല്ലാതാകുന്നത് ടൂറിസത്തെ ബാധിക്കുമെന്ന് വിലയിരുത്തൽ; എല്ലാമാസവും ഒന്നിനുള്ള ഡ്രൈ ഡേ പിൻവലിച്ചേക്കും; ബാർ മുതലാളിമാർക്ക് കോളടിക്കും വിധം ബിവറേജസ് ഔട്ട് ലെറ്റുകളും ലേലം ചെയ്യും; കാരുണ്യക്കാർക്ക് കഷ്ടകാലം വന്നേക്കും; വരുമാന ചർച്ചകൾ ഇങ്ങനെ
- വീട്ടിൽ ആശാരിപ്പണിക്ക് എത്തി യുവതിയുടെ നമ്പർ കൈക്കലാക്കി; സൗഹൃദം സ്ഥാപിച്ച് പണം തട്ടിയ ശേഷം വീഡിയോ കോളിലൂടെ യുവതിയുടെ സ്വകാര്യ ദൃശ്യങ്ങൾ പകർത്തി: പണം തിരികെ ചോദിച്ചതോടെ അശ്ലീല വീഡിയോ പ്രചരിപ്പിച്ച പ്രതി അറസ്റ്റിൽ
- ജയലിനുള്ളിൽ കിടക്കുമ്പോഴും നിസാം കള്ളപ്പണ ഇടപാട് നടത്തിയോ? ബിനാമി ഇടപാടുണ്ടെന്ന ബിസിനസ്സ് പങ്കാളിയുടെ പരാതിയിൽ പുഴക്കരയിലെ വീടുകളിൽ ആദായ നികുതി റെയ്ഡ്; നിർണ്ണായക വിവരങ്ങൾ കിട്ടിയെന്നും സൂചന; ചന്ദ്രബോസ് വധക്കേസ് പ്രതിക്കെതിരെ ഇഡി അന്വേഷണത്തിനും സാധ്യത
- മലയാള സിനിമയിൽ വീണ്ടും താരമംഗല്യം! നടൻ ദീപക് പറമ്പോലും നടി അപർണ ദാസും വിവാഹിതരായി; താലികെട്ട് ഗുരുവായൂർ ക്ഷേത്രനടയിൽ; ചടങ്ങിൽ പങ്കെടുത്ത് അടുത്ത സുഹൃത്തുക്കൾ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്