Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202027Tuesday

ഒക്ടോബർ രണ്ടാം വാരഫലവുമായി നിങ്ങളുടെ ഈ ആഴ്ചയിൽ ജയശ്രീ

ഒക്ടോബർ രണ്ടാം വാരഫലവുമായി നിങ്ങളുടെ ഈ ആഴ്ചയിൽ ജയശ്രീ

ജയശ്രീ

എരീസ് (മാർച്ച് 21 - ഏപ്രിൽ 19) 

ഈ ആഴ്ച മുതൽ ബുധൻ വക്ര ഗതിയിൽ ഉള്ള തന്റെ നീക്കം തുടങ്ങുന്നതാണ്. ഈ നീക്ക0 നിങ്ങളുടെ സാമ്പത്തിക വിഷയങ്ങളെ നിശ്ചയമായും ബാധിക്കുന്നതാണ്. നവംബർ വരെ ബുധൻ ഈ നീക്കം തുടരുന്നതാണ്. അതിനാൽ ദീർഘ നാളേക്കുള്ള സാമ്പത്തിക പരാധീനതകൾ നിങ്ങളുടെ തേടി എത്തുന്നതാണ്. സാമ്പത്തിക ക്രയ വിക്രയങ്ങൾക്ക് ഈ അവസരം അത്ര യോജ്യമല്ല. അതിനാൽ കൊടുക്കൽ വാങ്ങലുകളിൽ ശ്രദ്ധ നൽകേണ്ടി വരുന്നതാണ്. ഈ ആഴ്ച ചന്ദ്രൻ തുലാം രാശിയിൽ എത്തുമ്പോൾ , ബിസിനസ് ബന്ധങ്ങൾ, ഔദ്യോഗിക ബന്ധങ്ങൾ എന്നിവയിൽ നിന്നുള്ള പുതിയ തുടക്കങ്ങൾ ഉണ്ടാകും. എങ്കിലും അവയുടെ ടേംസ് ആൻഡ് കണ്ടീഷൻസ്, ശ്രദ്ധിക്കേണ്ടി വരുന്നതാണ്. പുതിയ ബിസിനസ് എഗ്രിമെന്റുകൾ വരുമെങ്കിലും, അവയിൽ നിന്നുള്ള സങ്കീർണമായ അവസ്ഥകളും അടുത്ത കാലത് തന്നെ ഉണ്ടാകുന്നതാണ്.

ടോറസ് (ഏപ്രിൽ 20 - മെയ് 20)

ഈ ആഴ്ച മുതൽ ബുധൻ തന്റെ വക്ര ഗതിയിൽ ഉള്ള നീക്കം തുടങ്ങും. നവംബർ വരെ ഈ നീക്കം തുടരുകയും ചെയ്യും. അതിനാൽ ബന്ധങ്ങളിൽ നിന്നുള്ള പല തര0 വെല്ലുവിളികളും ഉണ്ടാകുന്നതാണ്. പുതിയ വ്യക്തി ബന്ധങ്ങൾ, ഔദ്യോഗിക ബന്ധങ്ങൾ എന്നിവയിൽ നിന്നുള്ള അവസരങ്ങൾ ഉണ്ടാകും എങ്കിലും, ബുധൻ വക്ര ഗതിയിൽ നീങ്ങുന്ന അവസരം പുതിയ തുടക്കങ്ങൾക്ക് അത്ര യോജിച്ചതല്ല. അതിനാൽ നവംബർ വരെ ഈ തീരുമാനങ്ങൾ നീട്ടിക്കൊണ്ടു പോയാൽ അത്രയും നല്ലതായിരിക്കും. നിങ്ങൾക്ക് പുതിയ ബന്ധങ്ങളിൽ ചേരണം എങ്കിൽ സ്വന്തം റിസ്‌കിൽ മാത്രം ചേരാവുന്നതാണ്. പഴയ സുഹൃത്തുക്കൾ, പങ്കാളികൾ എന്നിവരെ കാണാൻ ഉള്ള അവസരവും ഈ ആഴ്ച മുതൽ ഉണ്ടാകുന്നതാണ്. ഈ ആഴ്ച നിങ്ങളുടെ ജോലി സ്ഥലത്തെ ചന്ദ്രൻ സ്വാധീനിക്കുന്നതാണ്. പുതിയ ജോലികൾ, ജോലി സ്ഥലത്തു പുതിയ തുടക്കങ്ങൾ എന്നിവ പ്രതീക്ഷിക്കുക. അതോടൊപ്പം സഹ പ്രവർത്തകരുമായുള്ള തർക്കങ്ങളും ഉണ്ടാകുന്നതാണ്.

ജമിനി (മെയ് 21 - ജൂൺ 20)
ഈ ആഴ്ച മുതൽ ബുധൻ തന്റെ വക്ര ഗതിയിൽ ഉള്ള സഞ്ചാരം തുടങ്ങുന്നതാണ്. ഈ നീക്കം നവംബർ വരെ തുടരുകയും ചെയ്യും. അതിനാൽ നിങ്ങളുടെ ജോലി സ്ഥലത്തു പല വിധ തർക്കങ്ങൾ ഉണ്ടാകാൻ ഉള്ള ശക്തമായ സാധ്യതകൾ ഉണ്ടാകുന്നതാണ്. ആയതിനാൽ, ജോലി സ്ഥലത്തു സംയമനം പാലിക്കേണ്ടതാണ്. പല ജോലികളിലും തിരുത്തലുകളും ഉണ്ടാകും. നിങ്ങളുടെ ആശയങ്ങൾ സഹ പ്രവർത്തകർ അതെ പോലെ സ്വീകരിക്കണം എന്നില്ല . പുതിയ ജോലിക്കുള്ള ഓഫറുകൾ സ്വീകരിക്കാൻ ഈ അവസരം അത്ര യോജിച്ചതല്ല. അതിനാൽ നിങ്ങളുടെ ജോലിയിൽ റിസ്‌കുകൾ ഏറ്റെടുക്കരുത്. പുതിയ ജോലിയിൽ ചേരാൻ ആഗ്രഹിക്കിക്കുന്നവർ സ്വന്തം റിസ്‌കിൽ മാത്രം അങ്ങനെ ഉള്ള തീരുമാനങ്ങൾ ഏറ്റെടുക്കുക. ആരോഗ്യകാര്യത്തിലും ഈ ആഴ്ച കൂടുതൽ ശ്രദ്ധ വേണ്ടി വരുന്നതാണ്. ഈ ആഴ്ച ചന്ദ്രൻ നിങ്ങളുടെ ക്രിയേറ്റിവ് കഴിവുകളെ സ്വാധീനിക്കുന്നതാണ്. പുതിയ ക്രിയേറ്റിവ് ജോലികൾ, കുട്ടികളുടെ ഒപ്പം പ്രവർത്തിക്കാൻ ഉള്ള അവസരങ്ങൾ, എന്നിവ ഉണ്ടാകുന്നതാണ്. എന്നാൽ റിസ്‌കുകളിൽ നിന്നും മാറി നിൽക്കുക

കാൻസർ (ജൂൺ 21 - ജൂലൈ 22)
ഈ ആഴ്ച ബുധൻ തന്റെ വക്ര ഗതിയിൽ ഉള്ള നീക്കം തുടങ്ങുന്നതാണ്. ഈ നീക്കം നവംബർ വരെ തുടരുകയും ചെയ്യും, അതിനാൽ, നിങ്ങളുടെ ക്രിയേറ്റിവ് ജോലികളിൽ കൂടുതൽ ശ്രദ്ധ വേണ്ടി വരും. അവയിൽ നിന്നുള്ള തിരുത്തലുകൾ യഥേഷ്ടം ഉണ്ടാകുന്നതാണ്. . പുതുയ ക്രിയേറ്റിവ് ജോലികൾ ഏറ്റെടുക്കുമ്പോൾ കൂടുതൽ ശ്രദ്ധ ആവശ്യമായി വരുന്നതാണ്. കുട്ടികളുടെ കാര്യത്തിലും പല വിധ ആശങ്കകൾ ഉണ്ടാകും, അവരോടൊപ്പം കൂടുതൽ സമയം ചെലവഴിക്കേണ്ട അവസ്ഥ ഉണ്ടാകാം. ടീം ചർച്ചകൾ, കല ആസ്വാദനം എന്നിവയ്ക്കുള്ള അവസരവും പ്രതീക്ഷിക്കുക. ഇവയിൽ നിന്നുള്ള തർക്കങ്ങളും പ്രതീക്ഷയ്ക്കുക. നിങ്ങളുടെ കുടുംബം, വീട് എന്നിവയെ ചന്ദ്രൻ ഈ ആഴ്ച സ്വാധീനിക്കുന്നതാണ്. അതിനാൽ വീടിനെ കുറിച്ചുള്ള പുതിയ തീരുമാനങ്ങൾ ഉണ്ടാകും. അമാവാസ്യ ചന്ദ്രൻ പുതിയ തുടക്കങ്ങളെ സൂചിപ്പിക്കുന്നു. പല തരത്തിൽ ഉള്ള റിയൽ സ്റ്റേറ് ഡീലുകൾ, വീടിനെ കുറിച്ചുള്ള ചർച്ചകൾ എന്നിവ ഈ ആഴ്ച പ്രതീക്ഷിക്കുക. കുടുംബ യോഗങ്ങൾ, വീട്ടുകാരോടുള്ള സീരിയസ് ചർച്ചകൾ എന്നിവയും ഈ ആഴ്ച ഉണ്ടാകുന്നതാണ്.

ലിയോ (ജൂലായ് 23 - ഓഗസ്റ്റ് 22)
ബുധൻ ഈ ആഴ്ച മുതൽ നവംബർ വരെ വക്ര ഗതിയിൽ ഉള്ള നീക്കം തുടരുന്നതാണ്. ഈ നീക്കം നിങ്ങളുടെ കുടുംബ ജീവിതത്തിൽ ആണ് കൂടുതൽ നീക്കങ്ങൾ കൊണ്ട് വരുക. വീട്ടിനുള്ളിൽ പല തരത്തിൽ ഉള്ള മാറ്റങ്ങൾ ഉണ്ടാകുന്നതാണ്. റിയൽ എസ്റ്റേറ്റ് ഡീലുകൾ, വീട്ടിൽ നിന്നുള്ള യാത്രകൾ എന്നിവയും ഉണ്ടാകുന്നതാണ്. പക്ഷെ ഇവയിൽ നിന്നുള്ള പല തര0 വെല്ലുവിളികളും നിങ്ങൾക്ക് പ്രതീക്ഷിക്കാം. അതിനാൽ സ്വന്തം റിസ്‌കിൽ മാത്രം വീടിനെ കുറിച്ചുള്ള പുതിയ തീരുമാനങ്ങൾ ഏറ്റെടുക്കുക. കുടുംബത്തിനുള്ളിൽ പല തർക്കങ്ങളും ഉണ്ടാകുന്നതാണ്. മുതിർന്ന അംഗങ്ങളുടെ ആരോഗ്യത്തിൽ ഉള്ള ആശങ്കയും ഉണ്ടാകും. നിങ്ങളുടെ ആശയ വിനിമയം കൊണ്ടുള്ള ജോലികൾ, സഹോദരങ്ങൾ എന്നിവയെ ചന്ദ്രൻ ഈ സ്വാധീനിക്കുന്നതാണ്. അതിനാൽ സഹോദരങ്ങളുമായുള്ള ബന്ധം വളരെ അധികം സെന്‌സിറ്റിവ് ആയി മാറുന്നതാണ്. അവരുടെ ജീവിതത്തിൽ കൂടുതൽ നീക്കങ്ങൾ ഉണ്ടാകും. ആശയ വിനിമയങ്ങൾ കൊണ്ടുള്ള പുതിയ ജോലികളും ഉണ്ടാകുന്നതാണ്. നിരവധി ജോലികൾ ഒരേ സമയം ഏറ്റെടുക്കേണ്ടി വരും. പല വിധത്തിൽ ഉള്ള ആശയ വിനിമയങ്ങളും പ്രതീക്ഷിക്കുക.

വിർഗൊ ( ഓഗസ്റ്റ് 22 - സെപ്റ്റംബർ 22)
ആശയ വിനിമയങ്ങൾ ഭരിക്കുന്ന ബുധൻ ഈ ആഴ്ച മുതൽ വക്ര ഗതിയിൽ നീങ്ങുന്നതാണ്. ഈ നീക്കം നവംബർ വരെ തുടരുകയും ചെയ്യും. അതിനാൽ നിങ്ങളുടെ ആശയ വിനിമയങ്ങളുടെ മേൽ നല്ല ശ്രദ്ധ ആവശ്യമായി വരും. ഈ അവസരമാണ് സഹോദരങ്ങൾ, മറ്റു ബന്ധുക്കൾ എന്നിവരോടുള്ള തർക്കങ്ങൾ ഉണ്ടാകുക. ആശയ വിനിമയ ശേഷി കൊണ്ടുള്ള ജോലികളിൽ നിന്നുള്ള തര്ക്കവും പ്രതീക്ഷിക്കുക. പല തിരുത്തലുകളും ഈ ജോലിയിൽ ഉണ്ടാകുന്നതാണ്. സ്വന്തം ബിസിനസ് നടത്തുന്നവർക്കും ഈ ആഴ്ചയും വരുന്ന കുറെ ആഴ്ചകളും അത്ര ശുഭകരം ആയിരിക്കില്ല. യാത്രകളിലും ഇതേ തടസങ്ങൾ ഉണ്ടാകാൻ ഉള്ള നിരവധി സാധ്യതകൾ ആണ് ഉള്ളത്. നിങ്ങളുടെ ഇലക്ട്രോണിക് ഉപകരണങ്ങൾ, ഡേറ്റ എന്നിവയിലും തകരാറുകൾ ഈ അവസരം ഉണ്ടാകാം. സാമ്പത്തിക വിഷയങ്ങളെ ഈ ആഴ്ച ചന്ദ്രൻ ശ്കതമായി സ്വാധീനിക്കുന്നതാണ്. അതിനാൽ, പുതിയ സാമ്പത്തിക പദ്ധതികളെ കുറിച്ചുള്ള ആലോചന ഉണ്ടാകും. ജോലിയിൽ പുതിയ തുടക്കങ്ങൾ, പുതിയ സാമ്പത്തിക ക്രയ വിക്രയങ്ങൾ എന്നിവയും ഈ ആഴ്ച പ്രതീക്ഷിക്കുക.

ലിബ്ര (സെപ്റ്റംബർ 23 - ഒക്ടോബർ 22)
ബുധൻ നിങ്ങളുടെ സാമ്പത്തിക വിഷയങ്ങളെ ഈ ആഴ്ച മുതൽ വക്ര ഗതിയിൽ സ്വാധീനിക്കുന്നു. ഈ നീക്കം നവംബർ വരെ നീളുകയും ചെയ്യുന്നതിനാൽ സാമ്പത്തിക വിഷയങ്ങളെ ശ്രദ്ധയുടെ കൈകാര്യം ചെയ്യണം. സാമ്പത്തിക ക്രയ വിക്രയങ്ങൾ നടത്താൻ അത്ര യോജിച്ച ഇത് അത്ര നല്ല സമയം അല്ല. അതിനാൽ സങ്കീർണമായ സാമ്പത്തിക ക്രയ വിക്രയങ്ങളിൽ ശ്രദ്ധ ആവശ്യമാകും. ജോലിയിൽ പല തരത്തിൽ ഉള്ള തിരുത്തലുകളും ഉണ്ടാകുന്നതാണ്. ലോണുകൾ, മറ്റു സാമ്പത്തിക കാര്യങ്ങളിൽ നിന്നുള്ള നീക്കങ്ങളും പ്രതീക്ഷിക്കുക. ഈ ആഴ്ച ചന്ദ്രൻ നിങ്ങളുടെ വ്യക്തി ജീവിതത്തെ സ്വാധീനിക്കുന്നതാണ്. അതിനാൽ വ്യക്തി ജീവിതത്തിൽ പുതിയ തുടക്കങ്ങൾ ഉണ്ടാകുന്നതാണ്. പുതിയ ഡീലുകൾ, കോണ്ട്രാക്കറ്റുകൾ എന്നവയും ഉണ്ടാകുന്നതാണ്.

സ്‌കോർപിയോ (ഒക്ടോബർ 23 - നവംബർ 21)
ബുധൻ ഈ അആഴ്ച മുതൽ നവംബർ വരെ വക്ര ഗതിയിൽ സ്വാധീനിക്കുന്നതാണ്. അതിനാൽ നിങ്ങളുടെ വ്യക്തി ജീവിതം, ബന്ധങ്ങൾ എന്നിവയിൽ നിന്നുള്ള പല തരത്തിൽ ഉള്ള തിരുത്തലുകൾ ഉണ്ടാകുന്നതാണ്. പുതിയ തുടക്കങ്ങൾക്ക് ഈ സമയം അത്ര യോജ്യം അല്ല, അതിനാൽ, സ്വന്തം റിസ്‌കിൽ മാത്രം പുതിയ തീരുമാനങ്ങൾ ഏറ്റെടുക്കുക. അല്ലാത്ത പക്ഷം ഭാവിയിൽ പല വിധത്തിലുള്ള പ്രശ്‌നങ്ങൾ നേരിടേണ്ടി വരുന്നതാണ്. പഴയ സുഹൃത്തുക്കളെ കാണാൻ ഉള്ള അവസരം ഇപ്പോൾ ചെയ്തു കൊണ്ടിരിക്കുന്ന ജോലിയിൽ ഉള്ള തിരുത്തലുകൾ എന്നിവയും പ്രതീക്ഷിക്കുക. ചന്ദ്രൻ നിങ്ങളുടെ മാനസിക സമ്മർദ്ദങ്ങളെ ഈ ആഴ്ച എടുത്തു കാട്ടും, അതിനാൽ യാതൊരു വിധത്തിൽ ഉള്ള സങ്കീര്ണതകളിൽ ചെന്ന് ചേരാൻ പാടുള്ളതല്ല. ജോലിയെ കുറിച്ചുള്ള ആശങ്ക, ആരോഗ്യം, സാമ്പത്തിക വിഷയങ്ങൾ ഇവയെല്ലാം ഈ ആഴ്ച പ്രധാന വിഷയം ആകുന്നതാണ്. 

സാജിറ്റേറിയസ് (നവംബർ 22 - ഡിസംബർ 21)
ബുധൻ ഈ ആഴ്ച മുതൽ നിങ്ങളുടെ മാനസികമായ വെല്ലുവിളികളെ വക്ര ഗതിയിൽ സ്വാധീനിക്കുന്നതാണ്. ഈ നീക്കം ബുധൻ നവംബർ വരെ തുടരുകയും ചെയ്യും. അതിനാൽ നിങ്ങളുടെ ജീവിതത്തിന്മേൽ നല്ല ശ്രദ്ധ ഉണ്ടാകണം. സങ്കീർണമായ കാര്യങ്ങൾ, സാമ്പത്തിക നീക്കങ്ങൾ എന്നിവയിൽ നിന്ന് അകന്നു നിൽക്കേണ്ടതാണ്. ആരോഗ്യം മെച്ചപ്പെടുത്തേണ്ട സാഹചര്യങ്ങൾ ഉണ്ടാകുന്നതാണ്. ഈ ആഴ്ച നിങ്ങളുടെ ലോങ്ങ് ടേം ബന്ധങ്ങളെ ചന്ദ്രൻ സ്വാധീനിക്കുന്നതാണ്. ഈ അആഴ്ച മുതൽ പുതിയ തുടക്കങ്ങൾ ലോങ്ങ് ടേം ബന്ധങ്ങളിൽ നിന്ന് പ്രതീക്ഷിക്കുക. ദൂര ദേശത്തു നിന്നുള്ള ടീമുകളിൽ ജോലി ചെയ്യാൻ ഉള്ള അവസരം, ടെക്ക്‌നിക്കൽ രംഗത് നിന്നുള്ള ജോലികൾ, കുട്ടിക്കല്ക് ഒപ്പം പ്രവർത്തിക്കാൻ ഉള്ള അവസരങ്ങൾ എന്നിവയും പ്രതീക്ഷിക്കുക. പുതിയ കൂട്ടുകളും ഈ അവസരം ഉണ്ടാകാവുന്നതാണ്.

കാപ്രിക്കോൺ (ഡിസംബർ 22 - ജനുവരി 19)
ബുധൻ ഈ ആഴ്ച മുതൽ നിങ്ങളുടെ ലോങ്ങ് ടേം ബന്ധങ്ങളെ വിപരീത ഗതിയിൽ സ്വാധീനിക്കുന്നതാണ്. ഈ സ്വാധീനം നവംബർ വരെ തുടരുകയും ചെയ്യുന്നതാണ്. പഴയ സുഹൃത്തുക്കളെ കാണാൻ ഉള്ള അവസരം ഉണ്ടാകുന്നതാണ്. ചില കൂട്ടുകെട്ടുകൾ നിങ്ങളെ ഉപേക്ഷിച്ചു എന്നും വരാം. ദൂര ദേശത്തു നിന്നുള്ള ജോലികൾ, നിലവിൽ ഉള്ള ജോലിയിൽ തിരുത്തലുകൾ എന്നിവയും പ്രതീക്ഷിക്കുക. നിങ്ങളുടെ ജോലി, ഇമേജ് എന്നിവയെ ചന്ദ്രൻ ഈ ആഴ്ച സ്വാധീനിക്കുന്നതാണ്. പല തരത്തിൽ ഉള്ള ജോലികൾ, ഈ ആഴ്ച ഉണ്ടാകും. ജോലിയിൽ പുതിയ തുടക്കങ്ങളും പ്രതീക്ഷിക്കുക. എന്നിരുന്നാലും, പുതിയ ഓഫറുകൾ സ്വന്തം റിസ്‌കിൽ മാത്രം ഏറ്റെടുക്കുക.

അക്വേറിയസ് (ജനുവരി 20- ഫെബ്രുവരി 18)
ഈ ആഴ്ച മുതൽ ബുധൻ തന്റെ വക്ര ഗതിയിൽ ഉള്ള സഞ്ചാരം തുടങ്ങുന്നതാണ്. ഈ നീക്കം നവംബർ വരെ തുടരുകയും ചെയ്യും. അതിനാൽ നിങ്ങളുടെ ജോലിയിൽ കൂടുതൽ ശ്രദ്ധ ആവശ്യമാകും. പുതിയ ജോലി ഏറ്റെടുക്കാൻ അത്ര യോജിച്ച സമയം അല്ല. അതിനാൽ നിലവിൽ ഉള്ള ജോലി മെച്ചമായി ചെയ്യാൻ ശ്രമിക്കുക. ജോലി സ്ഥലത്തു പല വിധ തർക്കങ്ങളും ചർച്ചകളും ഉണ്ടാകുന്നതാണ്. ദൂര ദേശത്തു നിന്നുള്ള ജോലികളും ഈ ആഴ്ച പ്രതീക്ഷിക്കുക. ദൂര യാത്രക്ക് വേണ്ട തയ്യാറെടുപ്പുകൾ നടത്തുന്നതാണ്.എഴുത്തു , മീഡിയ എന്ന മേഖലയിൽ നിന്നുള്ള നിരവധി ജോലികളും ഈ ആഴ്ച ഉണ്ടാകും. ഉപരി പഠനത്തിനുള്ള അവസരം, ജോലി സംബന്ധമായ ട്രെയിനിങ്ങുകൾ എന്നിവയും പ്രതീക്ഷിക്കുക.

പയ്സീസ് (ഫെബ്രുവരി 19 - മാർച്ച് 20)
ബുധൻ ഈ ആഴ്ച മുതൽ തന്റെ വക്ര ഗതിയിൽ ഉള്ള നീക്കം തുടങ്ങുന്നതാണ്. ഈ നീക്കം നവംബർ വരെ തുടരുകയും ചെയ്യും . ദൂര യാത്രകൾക്ക് വേണ്ടി ഉള്ള പദ്ധതികൾ ഉണ്ടാകും എങ്കിലും അത് അത്ര എളുപ്പം ആയിരിക്കുകയില്ല. ദൂര ദേശത്തു നിന്നുള്ള ജോലികൾ , വിദേശത്തു നിന്നുള്ള ചർച്ചകൾ. ആത്മീയ വിഷയങ്ങളോടുള്ള താല്പര്യം എന്നിവയും ഉണ്ടാകുന്നതാണ്. ഉപരി പഠനം അല്പം തടസങ്ങളിലൂടെ നവംമ്പർ മാസ0 , വരെ കടന്നു പോകും.സാമ്പത്തിക വിഷയങ്ങളെ ഈ ആഴ്ച ചന്ദ്രൻ സ്വാധീനിക്കും. പുതിയ സാമ്പത്തിക ക്രയ വിക്രയം പ്രതീക്ഷിക്കുക. എന്നാലും ഈ ആഴ്ച സാമ്പത്തിക നീക്കങ്ങൾക്ക് അത്ര യോജിച്ചതല്ല, ലോണുകൾ, ട്ടക്ഷനുകൾ എന്നിവയിൽ നിന്നുള്ള തിരുത്തലുകളും പ്രതീക്ഷിക്കുക പുതുയ പങ്കാളിത്ത ബന്ധങ്ങളും ഈ ആഴ്ച ഉണ്ടാകുന്നതാണ്. പക്ഷെ അവയിൽ നിന്നെല്ലാം ഉള്ള വെല്ലു വിളികളും പ്രതീക്ഷിക്കുക.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP