1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Aug / 2020
09
Sunday

പ്രാണസഞ്ചാരങ്ങൾ

August 06, 2016 | 04:22 PM IST | Permalink



പ്രാണസഞ്ചാരങ്ങൾ

ഷാജി ജേക്കബ്

'No grave can hold my body down,
I'will crawl home to her'.... എന്ന ആൻഡ്രൂ ഹോസിയറു(Andrew Hozier Byne)ടെ വിഖ്യാതഗാനത്തെ രണ്ടു സ്ത്രീകളുടെ കാമനാലോകങ്ങളിലേക്കു വിവർത്തനം ചെയ്‌തെഴുതിയ, തീപോലെ പൊള്ളിക്കുന്ന ഒരു മലയാളനോവലാണ് 'ആസിഡ്'. സംഗീതാ ശ്രീനിവാസന്റെ മൂന്നാമത്തെ കൃതി. മാധവിക്കുട്ടിയുടെ ഭാവപാരമ്പര്യവും സാറാജോസഫിന്റെ ജൈവപാരമ്പര്യവും സ്വന്തമായിക്കിട്ടിയ അസാധാരണമായ ഒരു സാഹിതീയ പ്രതിഭയ്ക്കുടമയാണ് സംഗീത എന്നു തെളിയിക്കുന്ന രചന. സ്വന്തം ജീവിതം മയക്കുമരുന്നിനും പെൺപ്രണയത്തിനും അടിമപ്പെടുത്തിയ ഒരു സ്ത്രീയുടെ അതിവിഭ്രമലോകങ്ങളിൽനിന്നു കണ്ടെടുക്കുന്ന അസാമാന്യമായ ചോദനകളുടെയും വേദനകളുടെയും ഭാവലോകമാണ് ആസിഡിന്റേത്. 'I donot do drugs, I am drugs'എന്ന ആമുഖവാക്യത്തിൽ സംഭൃതമാണ് ആസിഡിന്റെ ജൈവരസതന്ത്രം. 'ചന്ദനമരങ്ങൾ'ക്കും 'ആളോഹരി ആനന്ദ'ത്തിനും ശേഷം മലയാളത്തിൽ സ്വവർഗരതിയെ രാഷ്ട്രീയവൽക്കരിക്കുന്ന ഏറ്റവും മികച്ച രചന. സ്ത്രീയുടെ ജീവിതാസക്തികളെ ശരീരത്തിന്റെയും ആത്മാവിന്റെയും ഇരട്ടലോകങ്ങളിൽ പ്രതിഷ്ഠിക്കുന്ന ആനന്ദലഹരി.

കമലയും ഷാലിയും. കമലയ്ക്ക് രണ്ടാൺമക്കൾ. ഇരട്ടകളായ കൗമാരക്കാർ. ആദിയും ശിവയും. ശിവ ഒരപകടത്തിൽപെട്ട് ശരീരം തളർന്ന് വീൽചെയറിലും കിടക്കയിലുമായി കഴിയുന്നു. ഭർത്താവും ബാല്യകാല സുഹൃത്തുമായ മാധവനുമായി തെറ്റിപ്പിരിഞ്ഞ് കമല മക്കൾക്കൊപ്പം ബാംഗ്ലൂരിലെ ഇന്ദിരാനഗറിൽ താമസിക്കുകയാണ്. മാധവൻ കുൽജിത് കൗർ എന്ന രണ്ടാം ഭാര്യയ്‌ക്കൊപ്പം ബാംഗ്ലൂരിൽതന്നെയുണ്ട്.

സാത്താന്റെ സന്തതിയായി പിഴച്ചുപെറ്റ് അനാഥയായി വളർന്ന ഷാലിയെ, മിസോറാമിലെത്തിയ ആൻഡ്രൂസും ശോശമമ്മയും എടുത്തുവളർത്തി. യൗവനത്തിൽ അവൾ നാടും വീടും വിട്ടു. ഒരു യാത്രയിൽ കണ്ടുമുട്ടിയ കമലയും ഷാലിയും ഉറ്റ സുഹൃത്തുക്കളും പിന്നെ പ്രണയികളുമായി. ഷാലി കമലയുടെ വീട്ടിൽ താമസം തുടങ്ങി. ഇരുവരും മയക്കുമരുന്നിനടിമകളായിരുന്നു. എങ്കിലും ഷാലി അതിൽനിന്നു കരകയറി. കമലയ്ക്ക് അതിനുകഴിഞ്ഞില്ല. മുൻപുതന്നെ ദുരന്തമയവും പ്രശ്‌നഭരിതവുമായിരുന്ന തന്റെ ജീവിതം കമല കൂടുതൽ സംഘർഷാത്മകമാക്കിത്തുടങ്ങി. ഷാലി അവളെ രക്ഷിക്കാനും ശിക്ഷിക്കാനുമാകാതെ കുഴഞ്ഞു. ആദിക്കും ശിവയ്ക്കും ഷാലിയോട് എല്ലാത്തരം ഇഷ്ടങ്ങളും തോന്നി. അവൾ ഇടയ്ക്ക് കമലയുമായി പിണങ്ങും. പിന്നെയും ഇണങ്ങും. ആസിഡിനടിപ്പെടുംതോറും കമല കൂടുതൽ കൂടുതൽ ഉൾവലിഞ്ഞുതുടങ്ങി. വിഷാദരോഗം അവളെ ഉലച്ചു.

നാട്ടിൽ ഒറ്റയ്ക്കു കഴിഞ്ഞിരുന്ന അമ്മ മരിച്ചതോടെ തറവാട് വിറ്റ് എറണാകുളത്ത് ഫ്‌ളാറ്റ് വാങ്ങി ബാംഗ്ലൂരിൽനിന്നു പോകണം എന്ന കമലയുടെ ആഗ്രഹം വീണ്ടും സജീവമായി. എല്ലാം വാരിപ്പെറുക്കി തറവാട്ടിലെത്തിയ കമലയും മക്കളും ഷാലിയും അവിടെ തടവറയിലെന്നപോലെ വലഞ്ഞു. ഭ്രാന്തിനും പ്രജ്ഞക്കുമിടയിൽ കമല തന്റെ ലോകവും വീടും നരകമാക്കി. മക്കൾ നാടും വീടും വെറുത്തു. ഷാലി അവരെ വിട്ടു പോയി. ആദി ബാംഗ്ലൂർക്കും പിന്നെ പോണ്ടിച്ചേരിക്കും പോയി സ്വന്തം വഴി കണ്ടെത്താൻ ശ്രമിച്ചു. ഒന്നും വേണ്ടാത്ത കമലയും ഒന്നിനുമാകാത്ത ഷാലിയും തറവാട്ടിൽ ജീവച്ഛവങ്ങളെപ്പോലെ നരകിച്ചു. ഒടുവിൽ ശിവയുടെ കണ്ണീരും അമ്മയുടെ ദൈന്യവും കണ്ട് ആദി തിരിച്ചെത്തി. അതിരുവിട്ട മയക്കുമരുന്നുപയോഗം അപ്പോഴേക്കും കമലയെ മരണത്തിന്റെ വക്കിലെത്തിച്ചിരുന്നു. ഇരുവശത്തും മക്കളെ കിടത്തി കമല മരിക്കുന്ന രാത്രിയിൽ നോവൽ അവസാനിക്കുന്നു.

നിരവധി കഥാപാത്രങ്ങൾ പിന്നെയുമുണ്ട് ഈ നോവലിൽ. ഷാലിയുടെ പെറ്റമ്മയും പിതാവും; കമലയുടെ അമ്മയും അമ്മാവനും; ജോലിക്കാരി ജാനുവും അച്ഛനും; ആദിയുടെ കളിക്കൂട്ടുകാരി റിയ; അവൻ ബാംഗ്ലൂരിൽ കണ്ടുമുട്ടി കൂട്ടുകൂടുന്ന ശക്തിയും അമ്മ വിനീതയും; നാടകക്കളരിയിലെ 'മോളിയറും' കൂട്ടരും..... ഒട്ടേറെ മനുഷ്യരും അവരുടെ ഒറ്റയ്ക്കും തെറ്റയ്ക്കുമുള്ള ജീവിതങ്ങളും.

സ്‌നേഹത്തിന്റെയും സ്‌നേഹരാഹിത്യത്തിന്റെയും കഥയാണ്, സംഗ്രഹിച്ചുപറഞ്ഞാൽ ആസിഡ്. പണ്ട്, കേസരി ചങ്ങമ്പുഴയെക്കുറിച്ചു പറഞ്ഞതുപോലെ, 'തങ്ങൾ ജീവിക്കാനാഗ്രഹിക്കുന്ന ജീവിതം അനുവദിച്ചുനൽകാത്ത സമൂഹത്തോട് വ്യക്തികൾക്കുണ്ടാകുന്ന അകല' ത്തിന്റെ കഥ. മയക്കുമരുന്നിനും മദ്യത്തിനും മറ്റു ലഹരികൾക്കുമടിപ്പെട്ട് ബോധത്തിനും അബോധത്തിനുമിടയിൽ തങ്ങളുടെ അസ്തിത്വത്തെത്തന്നെ ബലികൊടുക്കുന്നവരുടെ ലോകം. സ്‌നേഹത്തിനുവേണ്ടി ഏതറ്റംവരെയും പോകാൻ തയ്യാറാകുന്നവർ. സ്‌നേഹം നിഷേധിക്കപ്പെടുമ്പോൾ എന്തുതന്നെയും ചെയ്യാൻ മടിക്കാത്തവർ. ആത്മഹത്യക്കും ഭ്രാന്തിനുമിടയിലെ നൂൽപ്പാലത്തിൽ, വാൾമുനയിലെന്നപോലെ സഞ്ചരിക്കുന്നവർ. മനുഷ്യജീവിതത്തിലെ, വിശേഷിച്ചും സ്ത്രീജീവിതത്തിലെ ഏറ്റവും ഉന്മത്തമായ ചില സന്ദർഭങ്ങളിൽനിന്ന് ആസിഡ് കണ്ടെത്തുന്ന ഉത്തരങ്ങൾ മലയാളഭാവനയിൽ മുന്മാതൃകകളില്ലാത്തവിധം കൂസലറ്റവയാണ്. മാധവിക്കുട്ടിയിൽ മാത്രം നാം വായിച്ചറിഞ്ഞിട്ടുള്ള, ഹൃദയത്തിൽ മുള്ളുതറയ്ക്കുംപോലെ ഉള്ളുലയ്ക്കുന്ന സ്ത്രീ അനുഭവങ്ങളുടെ ഒന്നാന്തരം പിന്തുടർച്ചകൾ ആസിഡിലുണ്ട്. 'ആളോഹരി ആനന്ദ'ത്തിൽ സാറാജോസഫ് അവതരിപ്പിച്ച സ്ത്രീ-സ്ത്രീപ്രണയത്തിന്റെ ഒരേസമയംതന്നെ കാതരവും ധീരവുമായ സാക്ഷാത്കാരത്തിന്റെ മറ്റൊരു സ്ഥല, കാല രൂപാന്തരവുമാകുന്നു, ആസിഡ്. സ്‌നേഹത്തിന്റെയും സ്വാതന്ത്ര്യത്തിന്റെയും ധൈഷണികകാവ്യം. ശരീരം കൊണ്ടും ആത്മാവുകൊണ്ടും പരസ്പരം പ്രണയിക്കുന്ന മനുഷ്യർക്ക് പ്രായവും വർഗവും വർണവും മാത്രമല്ല, ലിംഗവും പ്രതിബന്ധമല്ല എന്നു തെളിയിക്കുന്ന, മലയാളത്തിലെഴുതപ്പെട്ട ഏറ്റവും മൗലികകമായ സ്ത്രീപക്ഷ നോവലുകളിലൊന്ന്.

സ്‌നേഹം സ്വാർഥമല്ല, സ്വാതന്ത്ര്യമാണ് എന്ന അതീവ ഹൃദ്യമായ ഒരു കല്പന ആസിഡിലുണ്ട്. ഷാലി വിചാരിക്കുന്നു: 'യഥാർത്ഥ സ്‌നേഹം നമുക്കൊരാളോടുണ്ടെങ്കിൽ നമ്മളയാളെ സ്വതന്ത്രനാക്കും. അയാൾ തിരിച്ചുവരുന്നുണ്ടെങ്കിൽ അയാൾ നമുക്കുള്ളതാണ്. തിരിച്ചുവരുന്നില്ലെങ്കിൽ എവിടെയെങ്കിലും പോയി സമാധാനത്തോടെ ജീവിക്കട്ടെ എന്നു കരുതണം. തിരിച്ചുചെന്ന് താൻ കമലയുടേതാണെന്ന് പ്രഖ്യാപിക്കുവാൻ ഷാലി നൂറുതവണ ആഗ്രഹിച്ചു. ചെയ്തുപോയത് തെറ്റാണെങ്കിൽ ആ തെറ്റ് ഏറ്റുപറയുന്നതിന് അവൾ തയ്യാറാണ്. കമലയെപ്പിരിഞ്ഞ്, മക്കളെപ്പിരിഞ്ഞ് ഇരിക്കുക വയ്യ. സ്‌നേഹത്തിന്റേത് ഒരു നിമിഷമാണെങ്കിൽ ആ ഒരു നിമിഷമാണ് ഈ ഭൂമിയിലേക്ക് ഏറ്റവും വലുത്'.

'നിരന്തരമായ അസ്വസ്ഥതകൾ തന്നുകൊണ്ടിരിക്കുന്ന പ്രണയം പ്രണയവും ദാമ്പത്യം ദാമ്പത്യവുമല്ല'എന്ന് മാധവൻ മാത്രമല്ല മറ്റുപലരും തിരിച്ചറിയുന്നതും സമാനമായ ഒരവസ്ഥയിലാണ്.
അതികാല്പനികമായ ഒരാഖ്യാനത്തിലൂടെ കമലയുടെയെന്നല്ല, പൊതുവിൽ മനുഷ്യരുടെതന്നെ ജീവിതാസക്തികളെയും ആനന്ദദാഹങ്ങളെയും അവയുടെ വിപര്യയങ്ങളെയും സംഗ്രഹിക്കുന്നുണ്ട്, സംഗീത.

'പുറത്തുനിന്നും നോക്കിയാൽ ശാന്തമായിരുന്നു അവരുടെ വീട്. പഴയ വലിയ വീട്. പുറകുവശത്തുനിന്നും വീടിനെ വളയുന്ന മരങ്ങൾ. കരിയിലകൾ വീണുകിടക്കുന്ന വിശാലമായ മുറ്റം. വെട്ടുകൽ നടപ്പാത. അതിൽ ഒന്നോ രണ്ടോ കല്ലുകൾ മാത്രം സ്ഥാനം തെറ്റി ഇളകിക്കിടക്കുന്നു. ശാന്തതയുള്ളിടത്താണ് പ്രാവുകൾ കൂടുകൂട്ടാറ്. നൂറുകണക്കിനു പ്രാവുകളാണ് കമലയുടെ വീടിന്റെ മുകൾത്തട്ടിൽ താമസിക്കുന്നത്. കമലയും മക്കളും വന്നതിനുശേഷം പ്രാവുകളുടെ കുറുകലുകളിൽ സങ്കടമുണ്ട്. അടക്കിപ്പിടിച്ച ഒരു വിഷാദത്തൂവൽ ഓരോ ചിറകടിയിലും താഴേക്കു പൊഴിഞ്ഞു. എന്നിട്ടും അവ വീടൊഴിഞ്ഞു പോകാൻ കൂട്ടാക്കിയില്ല. താഴെ വിഷാദം തീണ്ടിയ മനുഷ്യർ ഉറങ്ങുന്നു, ശ്വസിക്കുന്നു, പതിഞ്ഞ സ്വരത്തിൽ സംസാരിക്കുന്നു. അവർ നമ്മുടെ അതിഥികളാണ്. ഓരോ പ്രാവുകളും പരസ്പരം പറഞ്ഞു.

തറവാടിന്റെ മേൽക്കൂരയിൽനിന്നും പക്ഷിക്കണ്ണുകളിലൂടെ നോക്കിയാൽ ഒരു മുന്നൂറടി താഴ്ചയിൽ മണ്ണിൽ തലയോട്ടികൾ ചിരിച്ചുമറഞ്ഞ് കഥ പറയുന്നുണ്ട്. പാതയോരങ്ങളും ഭൂതകാലങ്ങളും അവയ്ക്ക് വിഷയമല്ല. തീയിലെരിയുന്നത് നെയ്യും വിറകും ചാണകവരളിയും ഞാനുമാണ്. തടിയൻ ശരീരങ്ങൾക്ക് കത്തിത്തീരാനെളുപ്പമാണ്. നെയ്യിനോട് നെയ്യുരുകി അതാളിക്കത്തും.

'എവിടെപ്പോയി നിന്റെ അഹന്ത?' ഒന്ന് മറ്റൊന്നിനോടു ചോദിച്ചു.

'ദാ, തീവിഴുങ്ങിപ്പോകുന്നു.' മറ്റൊന്ന് ഒന്നിനോട് മറുപടി പറഞ്ഞു. ആശയും നിരാശയും നിലയ്ക്കുന്നിടത്ത് വായുവും നിലയ്ക്കുന്നു. പിന്നെയും അവശേഷിച്ച ഒരു പൊട്ട് നിരാശയിലായിരിക്കാം ഒരു നുറുക്ക് ആശയിലായിരിക്കാം. ഭൂമിയിലെ ഓരോ മനുഷ്യനും പറഞ്ഞുകൊണ്ടിരുന്നത്. ശ്വാസംമുട്ടാണ്. വയ്യ.'

തുടക്കം തൊട്ട് ഒടുക്കംവരെയും ആസിഡ് അവതരിപ്പിക്കുന്നത് മനുഷ്യാസ്തിത്വങ്ങളെ തീവിഴുങ്ങിത്തീർക്കുന്ന ഇത്തരം നിയതിവാക്യങ്ങളാണ്. ജീവിതമേ നീയെന്ത്? എന്ന് സ്വയവും പരസ്പരവും ചോദിച്ചുകൊണ്ടേയിരിക്കുന്ന മനുഷ്യർ. ആ ചോദ്യത്തിനുത്തരം കിട്ടാതെതന്നെ മരിച്ചുപോകുന്നവർ. അസാധാരണമായ ജീവിതബദ്ധതയോടെയും അനുപമമായ ചടുലതയോടെയും സംഗീത ആവിഷ്‌ക്കരിക്കുന്നത് സ്ത്രീ, പുരുഷ കാമനകളുടെ കത്തുന്ന വ്യഥകളെക്കുറിച്ചുള്ള കാവ്യാത്മകമായ ഒരു ഭാവലോകമാണ്.

കൊടുങ്കാറ്റടിക്കുന്ന കുടുംബങ്ങൾക്കുമേൽ പൊള്ളിത്തിളച്ചുവീഴുന്ന മയക്കുമരുന്നിന്റെയും രതിയുടെയും പകയുടെയും ചതിയുടെയും വിഷാദത്തിന്റെയും ആത്മനിന്ദയുടെയും ശമിക്കാത്ത കാമത്തിന്റെയും ലാവത്തുള്ളികളാണ് 'ആസിഡി'ന്റെ ആന്തരപ്രവാഹമായി മാറുന്നത്. 'ലെസ്‌ബിയൻ പ്രണയത്തിന്റെ അമ്ലലഹരി'യെന്ന പുറംചട്ടവാചകം പ്രസാധകന്റെ വിപണിക്കാഴ്ച നിയന്ത്രിക്കുന്ന അശ്ലീലം കലർന്ന ഒളിഞ്ഞുനോട്ടരതിക്കപ്പുറമൊന്നും വെളിവാക്കുന്നില്ല എന്നതാണ് വാസ്തുത. കാരണം ഈ നോവൽ പ്രാഥമികമായും ലെസ്‌ബിയനിസത്തെക്കുറിച്ചല്ല. ജീവിതത്തിന്റെ പലതരം ലഹരികളിൽ ഒന്നുമാത്രമാണ് ഇവിടെ രണ്ടു സ്ത്രീകൾ കണ്ടെത്തുന്ന പരസ്പരമുള്ള ആത്മസമർപ്പണത്തിന്റെയും ഉടലറിവിന്റെയും തന്മാത്രകൾ. ബാംഗ്ലൂർ പോലൊരു നഗരത്തിൽ ജീവിക്കുന്ന ഒരു മധ്യവർഗസ്ത്രീയുടെ പലവഴികളിൽ പിരിഞ്ഞുപായുന്ന ജീവിതാസക്തികളുടെ വേദപുസ്തകമാണ് ആസിഡ്. പാപത്തിന്റെ ശമ്പളം മരണമാണെന്ന പഴയ തത്വം ഊട്ടിയുറപ്പിക്കുംവിധം തന്റെ കാമനാവേഗങ്ങൾ കമലയെ കുരുതികൊടുക്കുകയും ചെയ്യുന്നു.

നമ്മുടെ കാലത്തിന്റെ മുഴുവൻ പലായനയുക്തികളും സമൃദ്ധമായനുഗ്രഹിച്ച ജീവിതമാകുന്നു, കമലയുടേത്. ഒരുപക്ഷേ ഈ നോവലിലെ ഏറ്റവും ലാവണ്യാത്മകവും സ്‌ത്രൈണവുമായ ആഖ്യാനസന്ദർഭങ്ങൾ മിക്കതും കമലയുടെ വിഭ്രാമകചേതനയുടെ ആവിഷ്‌ക്കാരങ്ങളാണ്. വെളിപാടുപുസ്തകത്തിലേതുപോലെ വന്യമായ കല്പനകളും രൂപകങ്ങളും നിറഞ്ഞ, കിനാവുകളുടെ മാന്ത്രികയാഥാർഥ്യങ്ങൾ കൊണ്ടു നിറഞ്ഞവ. ക്ലോദ് മോനെയുടെ ചിത്രകംബളങ്ങൾ പോലുള്ള കാല്പനിക യാഥാർഥ്യങ്ങളും എഡ്വേർഡ് മങ്കിന്റെ എക്സ്‌പ്രഷനിസ്റ്റ് ക്ലാസിക്കുകൾപോലെ ഭീതിദമായ ഭാവനകളും.

ഷാലി കമലയുടെ കാമനകളെ പൂരിപ്പിക്കുക മാത്രമേ ചെയ്യുന്നുള്ളു. എവിടെ നിന്നോ വന്ന് എവിടേക്കോ പോകുന്ന വഴിയാത്രക്കാരി മാത്രമാണവൾ. പിതൃ, ഭ്രാതൃപീഡനങ്ങളുടെ കാരമുള്ളുതറഞ്ഞ ബാല്യം ഷാലിയെ ഒരിടത്തും ഉറച്ചുനിൽക്കാനാവാതെ പലായനം ചെയ്യിച്ചുകൊണ്ടേയിരുന്നു. അമ്മയെത്തേടി കമലയെപ്പോലെ ഒരുവേള വീട്ടിലേക്കു പിന്മടങ്ങുന്നുണ്ട് ഷാലിയും.

ശിവയുടെ തളർന്ന ശരീരവും തളരാത്ത കാമനകളും തമ്മിലുള്ള സംഘർഷമാണ് ഈ നോവലിലെ ഏറ്റവും തീക്ഷ്ണമായ പ്രാണസങ്കടങ്ങളിലൊന്ന്. റിയയെയും ഷാലിയെയും അവൻ പ്രണയിച്ചു. സ്വപ്നസ്ഖലനങ്ങളിലവസാനിച്ചു, ആ പ്രണയരതികൾ. മോഹത്തിനും ഭംഗത്തിനുമിടയിൽ ഊയലാടുന്ന ശിവയുടെ അനുഭൂതികളാവിഷ്‌ക്കരിക്കുന്ന ഈ ഭാഗം നോക്കൂ: 'ഈ വീടിന്റെ ചുമരുകളാണ് തന്റെ ആദ്യ ചുംബനത്തിന് സാക്ഷിയായത്. പ്രണയത്തിന്റെ വാനില മണമുള്ള ചുംബനം. എപ്പോഴും ഇളകിക്കൊണ്ടിരിക്കുന്ന പെൺകുട്ടി. സിൻഡ്രല്ലയുടെ വിഖ്യാതമായ മണിയൊച്ച കേട്ടിട്ടെന്നപോലെയാണ് അവൾ ഞെട്ടിത്തിരിഞ്ഞ് ക്ലോക്കിലേക്ക് നോക്കിയത്.

'എനിക്ക് പോണം'

ജോയ്സ്റ്റിക് കിടക്കയിലേക്കെറിഞ്ഞ് അവളെഴുന്നേറ്റ് പുറത്തേക്കോടി. ഒരു റൗണ്ട് ഗെയിം മുഴുവനായിരുന്നില്ല. ശിവയുടെ മുഖം മങ്ങി.

'ആദീ, ആ ജോയ്സ്റ്റിക് നീയെടുക്ക്. ലെറ്റ് അസ് ഫിനിഷ് ദിസ്'

'നീ ഗെയിം പോസ് ചെയ്യ്. ഞാനിപ്പോ വരാം.'

ആദി എഴുന്നേറ്റ് അവളുടെ പിന്നാലേ ചെന്നു. സ്വീകരണമുറിയിലെ കാർപ്പെറ്റിൽ അവളുടെ കാലുടക്കി. കണ്ണാടിച്ചെരിപ്പ് തെറിച്ചു പോയി. അവൾ താഴെ വീണു. പിടിച്ചെഴുന്നേൽപ്പിക്കുമ്പോൾ ആദിയുടെ ശ്വാസം അവളുടെ മുഖത്തുതട്ടി. ചുംബനങ്ങൾ മനുഷ്യനെ സ്വപ്നങ്ങളായി മാറ്റിയെഴുതുന്നു. പ്രണയം അവരുടെ ചുണ്ടുകളെ വിറപ്പിച്ചു. മാമ്പഴച്ചാറുപോലൊരുമ്മ.... അടുത്ത സെക്കന്റിൽ സ്വപ്നമുണർന്ന് അവൾ പുറത്തേക്കു പാഞ്ഞു.


ഇരുട്ടിൽ ലാങ്കി ലാങ്കിപ്പൂക്കളുടെ മണം പരന്നു. വലിയ കറുത്ത ചിലന്തികളെപ്പോലെ ലാങ്കി ലാങ്കിപ്പൂക്കൾ മരച്ചില്ലകളിൽ തൂങ്ങിക്കിടന്നു. പുറത്ത് ജനാലച്ചില്ലിൽ ഒരു പല്ലി അള്ളിപ്പിടിച്ചിരുന്നിരുന്നു. അതിന്റെ വിളറിവെളുത്ത വയറും കുഞ്ഞു കൈകാലുകളും നോക്കി ശിവയുടെ വീൽച്ചെയറിൽ ആദി കൂനിപ്പിടിച്ചിരുന്നു. അള്ളിപ്പിടിച്ചിരിക്കുന്നത് ഒരു ഭ്രൂണമാണെന്ന് അവനു തോന്നി. കുഞ്ഞു കൈകൾ ശ്രമപ്പെട്ട് ചലിപ്പിച്ചുകൊണ്ട് അത് മുകളിലേക്കിഴയാൻ തുടങ്ങി. ആദിയുടെ കൺമുന്നിൽ വച്ചുതന്നെ ചില്ലിന്മേലുള്ള പിടിത്തം വിട്ട് അത് താഴേക്കുവീണു. ആദി കണ്ണുകളടച്ചു.

അമ്മമ്മ മരിക്കാൻ കിടന്നിരുന്ന മുറിയാണ് കൺമുന്നിൽ. അവിടെ ഓരോ മുറികളിലും ഇരുട്ടാണ്. തീപ്പെട്ടിക്കൂടുകൾപോലുള്ള കുടുസ്സറകൾ. സ്വന്തം ശ്വാസത്തിനു കീഴിൽ സ്വയം ഞരങ്ങിപ്പോകുന്ന അവസ്ഥ. അതുപോലൊരു സ്ഥലത്ത് ശിവ എന്തുചെയ്യും? ശിവയുടെ ഇലക്‌ട്രോണിക് ഗാഡ്ജറ്റ്‌സെല്ലാം എങ്ങനെ, എവിടെ, ഏതുമുറിയിൽ സജ്ജീകരിക്കും?

മുറിവേറ്റ പാമ്പിനെപ്പോലൊരു ലിംഗം ഉയരാൻ ശ്രമിക്കയും കുഴഞ്ഞു വീഴുകയും ചെയ്തു. വിശപ്പ് ശിവയെ തലകീഴ്മറിച്ചു. പാതിതളർന്ന ശരീരവും അനുസരണയില്ലാത്ത ചെറുപ്പവും സ്വപ്നങ്ങളിൽ അവനെ നിരാലംബനാക്കി. വെളുത്ത കുന്നുകളും കറുത്ത അഗ്രങ്ങളും! കാലുകൾ തളർച്ച മറന്ന് കുതിച്ചു. വിരിപ്പുകൾ ചുളിഞ്ഞു. പുലർച്ചെ ഊതനിറമുള്ള വിരിപ്പിൽ ഒട്ടിപ്പിടിച്ചുപോയ നിറമില്ലാത്ത പാടുകൾ ആദിയാണ് അവനുണരും മുമ്പേ ബാത്‌റൂമിൽ കൊണ്ടുപോയി കഴുകിക്കളഞ്ഞത്.'.

സ്ഥലകാലങ്ങൾ കുഴഞ്ഞുമറിയുന്ന കൗതുകകരമായ ഒരു ആഖ്യാനകല 'ആസിഡി'നുണ്ട്. സിനിമാറ്റിക് സീനുകൾപോലെ, ഭൂത, വർത്തമാനങ്ങൾക്കിടയിൽ കമലയുടെയും ഷാലിയുടെയും ആദിയുടെയും ശിവയുടെയും മോഹമുദ്ഗരമായ ജീവിതം തിണർത്തുനിൽക്കുന്നു. രേഖീകൃതമോ ചാക്രികമോ അല്ല നോവലിന്റെ കഥനകല. മൂന്നിലൊന്നു ഭാഗത്ത് നോവൽ കമലയുടെയും ഷാലിയുടെയും ഉഭയജീവിതവും കമലയുടെ ഭ്രമാത്മകമനോസഞ്ചാരങ്ങളുംവിട്ട് ആദിയുടെ സ്വത്വാനേഷണത്തിലേക്കു വഴിമാറുന്നു. സംഘർഷങ്ങൾ കൊണ്ടുമാത്രം സ്ഥാനപ്പെടുന്ന മാധവൻ-കമല, ഷാലി-കമല, ശിവ-കമല ബന്ധങ്ങൾക്കിടയിൽ ആദിയുടെ അസ്തിത്വവും ഷാലിയുടേതിനു സമാനമായ ഒരു ആത്മാന്വേഷണമായി മാറുന്നു. അവന്റെ നാടകക്കളരിക്കാഴ്ചകൾ ഷാലിയുടെ സംഗീതാനുഭവങ്ങൾപോലെ ഈ നോവലിൽ അതിമൗലികമായ ഒരു ഭാവനാഭൂപടത്തിനു രൂപം കൊടുക്കുകയും ചെയ്യുന്നു. ശരീരവും ആത്മാവും പങ്കിട്ടെടുക്കുന്ന രതിയും ലഹരിയുമാണ് ഷാലിക്കു സംഗീതവും ആദിക്കു നാടകവും. ക്ലോദ് മോനെയും (ചിത്രകല) ഹോസിയറും ബീറ്റിൽസും (സംഗീതം) മുതൽ വീണാപാണിചൗള (നാടകം) വരെയുള്ളവർ സൃഷ്ടിച്ച നാനാതരം കലാമണ്ഡലങ്ങളെ പാഠാന്തരരൂപകങ്ങളായി ഉൾക്കൊണ്ടുകൊണ്ടാണ് സംഗീത ഷാലിയുടെയും ആദിയുടെയും ജീവിതം സർഗാത്മകമായി പുനഃസൃഷ്ടിക്കുന്നത്. മയക്കുമരുന്നിന്റെ ലഹരിയും ലൈംഗികതയുടെആനന്ദവും പ്രണയത്തിന്റെ തീവ്രതയും മരണത്തിന്റെ രതിയുമെല്ലാം, അവ മാത്രമായല്ല നിലനിൽക്കുന്നത്; ആധുനികമായ ഒരു ജീവിതത്തിന്റെ ഊടുംപാവുമായാണ്.

ലെസ്‌ബിയൻ ആകാതെതന്നെ കമലയ്‌ക്കൊപ്പം അവളോടു പ്രണയാതുരയായി ജീവിക്കാൻ ഷാലിക്കു കഴിയുന്നു എന്നിടത്ത് നോവൽ വെറുമൊരു സ്വവർഗരതികാവ്യമെന്ന തലം വിട്ടുമാറുന്നു. ഷാലിയോടു തോന്നുന്ന ഗൂഢകാമനകളിൽ ശിവയ്ക്കു സംഭവിക്കുന്ന വയോധികിക്ഷയങ്ങൾ, അഗമ്യഗമനങ്ങളിലേക്കുപോലും വഴിതുറക്കുന്ന സഹശയനത്തിന്റെ രാസത്വരകങ്ങൾ, ജീവിതത്തിനും മരണത്തിനുമിടയിൽ ആസക്തികളുടെ നൂൽപ്പാലം കടക്കുന്നതിന്റെ തീരാസംഘർഷങ്ങൾ....സന്നിഹിതവും അസന്നിഹിതവുമായ വൈകാരികാവസ്ഥകൾ ഈ നോവലിൽ സൃഷ്ടിക്കുന്ന ജീവിതമാനങ്ങൾ അങ്ങേയറ്റം നാടകീയമാണ്. കമലയുടെയും ശിവയുടെയും യാത്രകൾക്കൊപ്പംതന്നെ പ്രസക്തമാകുന്നു, ഷാലിയുടെയും ആദിയുടെയും മാധവന്റെപോലും സംഘയാത്രകളും. സ്‌നേഹിച്ചും ഇണചേർന്നും വെറുത്തും പൊറുത്തും ഒന്നിച്ചും വിട്ടകന്നും മറന്നും അകന്നും പോകുന്ന പ്രാണസഞ്ചാരങ്ങളുടെ അസാധാരണമായ നോവൽരൂപമാകുന്നു, ആസിഡ്. സമകാല മലയാളഭാവനയുടെ സ്‌ത്രൈണരാഷ്ട്രീയത്തിൽ രക്തരേഖപോലെ നീട്ടിവരച്ച വിരലടയാളങ്ങളിലൊന്ന്.

നോവലിൽ നിന്ന്

'കമല നുള്ളിപ്പെറുക്കിയിരുന്നതല്ലാതെ ഒന്നും കഴിച്ചില്ല. കുട്ടികൾ കഴിക്കുന്നത് അവൾ സംതൃപ്തിയോടെ നോക്കിയിരുന്നു.

അവൾ ഊണു കഴിക്കുന്ന നേരത്ത് ജാനു കമലയുടെ മുറി വൃത്തിയാക്കാനായി കയറിച്ചെന്നു. കമലയുടെ കിടക്കവിരികളിൽ മൂത്രത്തിന്റെ നനവു കണ്ട് അവൾ വ്യസനിച്ചു. അവൾ മുറിയടിച്ചുവാരി വൃത്തിയാക്കി പുതിയ വിരികൾ വിരിച്ചു. ഷാലി വച്ചിട്ടുപോയ ബ്ലാക്‌ഡോഗിന്റെ കുപ്പിയിലെ മണിപ്ലാന്റ് വാടിക്കരിഞ്ഞ് ജനൽപ്പടിയിൽ ഇരുന്നിരുന്നു. അവൾ അതിലെ ഉണങ്ങിപ്പോയ ചെടിയെടുത്ത് ജനാലക്കതകിലൂടെ പുറത്തേക്കെറിഞ്ഞു. ബ്ലാക്‌ഡോഗിന്റെ കുപ്പിയിലെ വെള്ളത്തിന് പഴകിക്കെട്ടിയ ഛർദ്ദിലിന്റെ മണമായിരുന്നു. കമലയുടെ മുറി അതീവം മനോഹരമാക്കിയതിനുശേഷം അവളവിടെ ഒ രു ചന്ദനത്തിരി കത്തിച്ചു വച്ചു. മുറി സുഗന്ധത്താൽ നിറഞ്ഞു. കുപ്പിയിലെ വെള്ളം പുറത്ത് പണിക്കാർക്കുള്ള കക്കൂസിൽ ഒഴിച്ചുകളഞ്ഞ് കുപ്പി വൃത്തിയാക്കിക്കഴുകി അടുക്കളയിലെ വരാന്തയിൽ കൊണ്ടുവന്നുവച്ചു. കമലയും മക്കളും ഭക്ഷണം കഴിച്ചുകഴിഞ്ഞെഴുന്നേറ്റപ്പോൾ ജാനു അവൾക്കും അച്ഛനുമുള്ള ഭക്ഷണവുമെടുത്ത് അടുക്കള വരാന്തയിൽ ചെന്നിരുന്നു.കൈ കഴുകിയതിനുശേഷം ആദി കമലയെ താങ്ങിപ്പിടിച്ച് മുറിയിൽ കൊണ്ടുവന്നു കിടത്തി. മുറിയിലെ പ്രകാശത്തിലും കിടക്ക വിരികളുടെ പുതുമയിലും കമലയ്ക്ക് സന്തോഷിക്കണമെന്നുണ്ടായിരുന്നു.

'അവനേം കൊണ്ടുവരൂ''....

ആദി ശിവയെ കൊണ്ടുവന്നു.

മക്കളോട് രണ്ടുപേരോടും തനിക്കരിലിരിക്കാൻ കമല ആവശ്യപ്പെട്ടു. ആദി ശിവയെ കട്ടിലിൽ കയറ്റിയിരുത്തി. അവൻ കട്ടിലിൽ ഒതുങ്ങി നീങ്ങിക്കിടന്നു. അവൻ കിടക്കുന്നതു കണ്ടപ്പോൾ കമലയും അവനോടു ചേർന്നുകിടന്നു. അവൾ അവന്റെ മുടിയിഴകളിലൂടെ വിരലോടിച്ചു. മൂന്നു പേർക്കു കിടക്കാനുള്ളത്ര വലിപ്പം ആ കട്ടിനില്ലായിരുന്നെങ്കിലും കമലയൊന്നു നോക്കിയമാത്രയിൽ ആദിയും അവളെ കെട്ടിപ്പിടിച്ച് അവളോടു ചേർന്നുകിടന്നു. പണ്ടും ഇങ്ങനെയുണ്ടായിട്ടുണ്ട്. ഇതേ തറവാട്ടിൽ. അന്നിവിടെ രാമച്ചത്തിന്റെ കർട്ടനുകൾ ഉണ്ടായിരുന്നു. ആ കർട്ടനുകളെവിടെ? ആദി അത്ഭുതപ്പെട്ടു. അമ്മമ്മ ആ കർട്ടനുകൾ നനച്ചിടുമായിരുന്നു. കമല അടക്കിപ്പിടിച്ചാണ് മക്കളെ കിടത്തിയിരുന്നത്. ശിവയ്ക്ക് കളിക്കാൻ പോകാതെ ശ്വാസം മുട്ടുമായിരുന്നു. രാമച്ചകർട്ടനുകളിൽ നിന്നുമുള്ള തണുത്ത കാറ്റ് ഇടയ്‌ക്കൊക്കെ വന്ന് മുഖത്ത് തട്ടുമ്പോഴുള്ള സുഖം. ആ സുഗന്ധത്തിനും തണുപ്പിനുംവേണ്ടി അമ്മയുടെ ചൂടുംപറ്റി ആദി കിടന്നുകൊടുക്കുമായിരുന്നു.

അമ്മ തണുത്തുതുടങ്ങിയത് മക്കളുറങ്ങിയിട്ടും കുറെ കഴിഞ്ഞിട്ടാണ്. ഉറക്കത്തിലും അവരുടെ ഇളം ശരീരത്തിലെ ചൂട് അമ്മയെ തണുപ്പിക്കാൻ വിടാതെ മുറുകെപ്പിടിക്കുന്നുണ്ടായിരുന്നു. '

ആസിഡ്
സംഗീത ശ്രീനിവാസൻ
ഡി.സി.ബുക്‌സ്
2016, വില: 250 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

Loading...
Loading...
TODAYLAST WEEKLAST MONTH
പഞ്ചമി ദിനമായ ഇന്നും ഷഷ്ഠി ദിനങ്ങളായ ഒൻപതിനും പത്തിനും സപ്തമി ദിനമായ 11നും വളരെ കുറച്ചു വെള്ളം മാത്രമേ കടൽ എടുക്കൂ; തുടർന്നുള്ള 3 ദിവസങ്ങളും അപകടകരം; അഷ്ടമി, നവമി, ദശമി ദിനങ്ങളിൽ കടൽ തീരെ വെള്ളം എടുക്കില്ല; ഏകാദശി ദിനത്തിലേ വെള്ളം കടലിലേക്കിറങ്ങൂ! ഈ ദിവസങ്ങളിൽ ന്യൂനമർദ്ദം വന്നാൽ കേരളത്തെ കടലെടുക്കും; പഴമകളിൽ വിശ്വസിക്കുന്നവരും ചൂണ്ടിക്കാട്ടുന്നത് മഹാപ്രളയത്തിന്റെ സാധ്യതകൾ; പേമാരിയിലെ 'പഞ്ചമി' വിശ്വാസം ചർച്ചയാകുമ്പോൾ
കൺസൾട്ടൻസി ഇല്ലാതെ പിണറായി സർക്കാരിന് എന്താഘോഷം? ലൈഫ് മിഷൻ പദ്ധതിയിൽ സ്വപ്‌ന സുരേഷ് ഒരു കോടി കമ്മീഷൻ അടിച്ചുമാറ്റി എന്ന രഹസ്യം പരസ്യമായതിന് പിന്നാലെ മറ്റൊരു രഹസ്യവും പുറത്ത്; ലൈഫ് മിഷന് വേണ്ടി പരസ്യം നൽകാനും കൺസൾട്ടൻസി; ബി വേൾഡ് കോർപ്പറേറ്റ് സൊല്യൂഷൻസിന് മാസം കൺസൾട്ടൻസി ഫീസായി ലക്ഷങ്ങൾ; പരസ്യം ചെയ്യാൻ പിആർഡി ഉണ്ടെങ്കിലും ഗമ പോരെന്ന് ഉദ്യോഗസ്ഥർ; പരസ്യം മാധ്യമങ്ങൾക്ക് വച്ച് നീട്ടുമ്പോൾ കമ്പനിക്ക് കമ്മീഷനും
കരിപ്പൂർ അപകടത്തിന് കാരണം വലിയ വിമാനങ്ങൾക്ക് പറന്നിറങ്ങാനുള്ള നിരോധനം നീക്കിയതോ? കഴിഞ്ഞവർഷം ജൂലൈയിൽ നിരോധനം നീക്കിയ കേന്ദ്ര വ്യോമയാനമന്ത്രി ഹർദീപ്‌സിങ് പുരിക്കെതിരെ വിമർശനവുമായി പ്രതിപക്ഷം; കനത്ത മഴയുള്ളപ്പോൾ മോശം റൺവേ ലൈറ്റിംഗും, ഗ്രൗണ്ട് അറസ്റ്ററും ഇല്ലാത്ത കരിപ്പൂരിൽ ലാൻഡിങ് പാടില്ലെന്ന മുന്നയിപ്പുകൾ അവഗണിച്ചെന്ന് ശശി തരൂർ; അപകടത്തിൽ പെട്ട ബോയിങ്-737-800 വലിയ വിമാനങ്ങളുടെ വിഭാഗത്തിൽ പെടുന്നതല്ലെന്ന് ഹർദീപ്‌സിങ് പുരി
തൃശൂരിൽ നിന്ന് തലസ്ഥാനത്തേക്ക് ഓട്ടോ സവാരി വിളിച്ചത് അമ്മ മരിച്ചു എന്ന് കള്ളം പറഞ്ഞ്; വാടക നൽകാതെ മുങ്ങിയ വിരുതനെ കസ്റ്റഡിയിൽ എടുത്ത് ചോദ്യം ചെയ്തപ്പോൾ ഒരു നടന്റെ മരണാനന്തര ചടങ്ങിൽ പോകാൻ ബസ് കയറാൻ നിന്നപ്പോഴാണ് ഓട്ടോക്കാരൻ നിർബന്ധിച്ച് കയറ്റിയതെന്നും മൊഴി; മറുനാടനിൽ വാർത്ത വന്നതോടെ പൊലീസ് ഗ്രില്ലിങ്ങിൽ മരിയാപുരത്തെ വില്ലൻ അറസ്റ്റിൽ; പ്രതി നിശാന്ത് റിമാൻഡിൽ
അഞ്ച് വർഷം കാത്തിരുന്നു കിട്ടിയ കൺമണിയെ നാട്ടിലേക്ക് യാത്രയാക്കിയത് പൊന്നുമ്മ നൽകി; ഭാര്യയും മകളും സുരക്ഷിതരായി വീട്ടിലെത്തി എന്ന ഫോൺ കോളിനായി കാത്തിരുന്ന മുർത്താസയെ തേടി എത്തിയത് മകളുടെ മരണ വാർത്തയും; ഒന്നും അറിയാതെ ഉമ്മ സുമയ്യ ആശുപത്രിയിൽ: എയർപോർട്ടിൽ വെച്ച് അവസാനമായി പകർത്തിയ മകളുടെ ഫോട്ടോ കെട്ടിപ്പിടിച്ച് കരഞ്ഞ് മുർത്താസ നാട്ടിലേക്ക്
രണ്ട് ബോയിങ്ങ് വിമാനങ്ങൾ എയർപോർട്ടിൽ കൂട്ടിയിടിച്ചപ്പോൾ മരിച്ചത് 583പേർ; ടെനെർഫെ ദുരന്തത്തിന് ഇടയാക്കിയത് പൈലറ്റിന്റെ അക്ഷമ; ആകാശത്തു വെച്ച് വിമാനങ്ങൾ കൂട്ടിയടിച്ചുണ്ടായ ചാർഖി ദാധ്രി ദുരന്തത്തിൽ മരിച്ചത് 349പേർ; കാരണങ്ങളിലൊന്ന് ക്യാപ്റ്റനും റേഡിയോ ഓപ്പറേറ്റർക്കും ഇംഗ്ലീഷ് അറിയാഞ്ഞത്; മീറ്ററും നോട്ടിക്കൽ മൈലും തമ്മിലുള്ള കൺഫൂഷനും പ്രശ്നമാകുന്നു; മംഗലാപുരത്ത് പൈലറ്റ് ഉറങ്ങിപ്പോയതും പ്രശ്നമായി; ചെറിയ പിഴവുകൾക്ക് വലിയ വിലകൊടുക്കേണ്ട വിമാന ദുരന്തങ്ങളുടെ കഥ
ശ്രീകണ്ഠൻ നായരുടെ വിദേശയാത്രകൾക്ക് ഹൈക്കോടതിയുടെ വിലക്ക്; വ്യാജ വാർത്താ കേസിൽ അറസ്റ്റ് ചെയ്താൽ 50,000 രൂപ ബോണ്ടിൽ വിട്ടയയ്ക്കണം; ഇനി വ്യാജ വാർത്തകൾ സംപ്രക്ഷേണം ചെയ്താൽ ജാമ്യം റദ്ദാക്കും; മറ്റുള്ളവർക്ക് വഴികാട്ടേണ്ട ശ്രീകണ്ഠൻ നായർ കേട്ടുകേൾവി വാർത്തയാക്കരുതെന്ന് ഓർമ്മിപ്പിച്ച് 24 ചാനൽ മേധാവിക്ക് ജാമ്യം അനുവദിച്ച് ഹൈക്കോടതി; ശ്രീകണ്ഠൻ നായർ ഷോയിലെ കോവിഡിനെ കുറിച്ചുള്ള വ്യാജ വാർത്തയിലെ വിധിയിൽ നിറയുന്നത് വിമർശനങ്ങൾ മാത്രം
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
ലോറി ഡ്രൈവർമാർക്ക് 'ചരക്കുകളെ' എത്തിച്ചു കൊടുക്കുന്ന ലോട്ടറി കച്ചവടം; പൂനയിൽ നിന്ന് ലോറി എടുക്കുമ്പോൾ ഷാഫി ഓർഡർ ചെയ്തത് പ്രായം കുറഞ്ഞ ഇരയെ; ലക്ഷ്യമിട്ട പെൺകുട്ടി കൈയിൽ നിന്നും വഴുതിയപ്പോൾ റൂമിലേക്ക് ഉന്തിതള്ളി വിട്ടത് വൃദ്ധയെ; കാമഭ്രാന്തനെ പ്രതിരോധിച്ചപ്പോൾ ബ്ലൈഡു കൊണ്ടും ക്രൂരത; കണ്ടു വന്ന മകന് ഹാലിളകിയപ്പോൾ ലോറി ഡ്രൈവർക്കും അമ്മയ്ക്കും കിട്ടിയത് പൊതിരെ തല്ല്; എല്ലാം അനുഭവിച്ചത് 75-കാരി; കോലഞ്ചേരിയിലെ പീഡനത്തിൽ നിറയുന്നത് ഓമനയുടെ വാണിഭ കച്ചവടം
സ്വയം മരണത്തിലേക്ക് പറന്നിറങ്ങിയപ്പോഴും മനസ്സാന്നിധ്യത്തോടെ കൂടെയുള്ളവരുടെ ജീവനുകൾ കാത്ത ക്യാപ്റ്റന് സല്യൂട്ട്! ഗിയർ ബോക്‌സിലെ തകരാർ തിരിച്ചറിഞ്ഞതോടെ ആകാശത്ത് വട്ടമിട്ട് പറന്ന് ഇന്ധനം പരമാവധി ഒഴിവാക്കി; സാങ്കേതിക തകരാർ തിരിച്ചറിഞ്ഞ് നിലത്തിറക്കൽ; മഴയിൽ തെന്നിമാറിയപ്പോഴും പറന്നുയരാത്തത് ജനവാസ കേന്ദ്രം മുന്നിലെന്ന യാഥാർത്ഥ്യം തിരിച്ചറിഞ്ഞ്; കരിപ്പൂരിൽ വൻ ദുരന്തം ഒഴിവാക്കിയത് യുദ്ധവിമാനങ്ങളെ അടക്കം നിയന്ത്രിച്ച ക്യാപ്ടൻ ഡിവി സാഥെ; വലിയ ദുരന്തം ഒഴിവാക്കിയത് ഈ മനക്കരുത്ത്
രാഷ്ട്രീയമില്ല, കുട്ടികളുടെ പരിപാടിയാണ് എന്നുപറഞ്ഞാണ് എന്നെ ക്ഷണിച്ചത്; കോൺഗ്രസിലെ ഒരു നേതാവിന് മാത്രമാണ് എതിർപ്പുണ്ടായിരുന്നത്; രാഹുൽ ഗാന്ധിയെ എതിർക്കുന്ന ആളെ വേണ്ടെന്നത് ആ നേതാവിന്റെ നിർബന്ധബുദ്ധിയായിരുന്നു; ചെന്നിത്തല എന്നോട് സംഭവത്തിൽ ഖേദം പ്രകടിപ്പിച്ചു; ചെന്നിത്തലയെ സംഘിയാക്കിയ നാട്ടിൽ എന്നെ സംഘിയാക്കുന്നതിൽ അത്ഭുതമില്ല; വിവാദത്തിൽ മറുനാടനോട് പ്രതികരിച്ച് ശ്രീജിത്ത് പണിക്കർ
സംശയ നിഴലിലുള്ളത് കേരള അഡ്‌മിനീസ്‌ട്രെറ്റീവ് ട്രിബ്യുണൽ ചെയർമാനാക്കാൻ പിണറായി സർക്കാർ മുന്തിയ പരിഗണന കൊടുത്ത ജഡ്ജി; വ്യവസായ പ്രമുഖന്റെ ശുപാർശയിൽ നിയമന നടപടികൾ പുരോഗമിക്കുന്നതിനിടെ സ്വപ്‌നാ സുരേഷിന്റെ സ്വർണ്ണ കടത്തിൽ സംശയ നിഴലിൽ; നെടുമ്പാശേരിയിലെ 2000 കിലോയുടെ സ്വർണ്ണ കടത്ത് പരിഗണിക്കുന്നതിൽ നിന്ന് മറ്റൊരു ജഡ്ജിയുടെ പിന്മാറ്റത്തിന് കാരണവും പരിശോധനകളിൽ; 100 കോടി പിഴ വാങ്ങി 2000 കിലോ സ്വർണം വിട്ടതും സംശയകരം; എൻഐഎ കണ്ണ് എല്ലായിടത്തേക്കും
ജഡ്ജിയും നേതാവുമായി അടുത്ത ബന്ധം; ഖുറാൻ വാഹനമെത്തി സിആപ്റ്റിലും ബന്ധുവിന്റെ സാന്നിധ്യം; എൻഐഎ നിരീക്ഷണത്തിലൂള്ളത് സ്വപ്നയുടെ സഹോദരന്റെ വിവാഹത്തിൽ പങ്കെടുത്ത ഏക നേതാവ്; സർക്കാരിൽ ഉന്നത സ്വാധീനമുള്ള നേതാവിനെ ചോദ്യം ചെയ്യുന്നത് എല്ലാ തെളിവുകളും സൂക്ഷ്മമായി വിലയിരുത്തിയ ശേഷം മാത്രം; സ്വപ്‌നയുടെ മൊഴിയെ സാധൂകരിക്കുന്ന തെളിവുകൾ കിട്ടിയാൽ ഉടൻ നേതാവിന് നോട്ടീസ് നൽകും; സ്വർണ്ണ കടത്തിൽ വിഐപി മൂന്നാമാനിലേക്ക് അന്വേഷണം
മദ്യത്തിന് അടിമയായതിനൊപ്പം ലൈംഗിക വൈകൃതവും; പ്രകൃതിവിരുദ്ധ ലൈംഗിക ബന്ധത്തിനടക്കം നിർബന്ധിക്കുക പതിവ്; എതിര് പറഞ്ഞാൽ ക്രൂരമർദ്ദനവും; പീഡനത്തിൽ സഹികെട്ട ഭാര്യ എൻജിനീയറായ ഭർത്താവിനെ ഒഴിവാക്കിയതുകൊലപ്പെടുത്തി; സ്വകാര്യഭാഗങ്ങളിൽ മർദ്ദിച്ചു; അദ്ധ്യാപികയായ ഭാര്യ അറസ്റ്റിലായത് യുവാവിന്റെ സ്വകാര്യഭാഗങ്ങളിൽ അടക്കം പരിക്കുകൾ കണ്ടതിനെ തുടർന്ന് നടത്തിയ അന്വേഷണത്തിൽ
ഏഷ്യാനെറ്റ് ന്യൂസിന്റെ 'പണി കിട്ടിയവർ' പരമ്പര ഏറ്റുതുടങ്ങി! സർക്കാർ വകുപ്പുകളിൽ പിൻവാതിൽ നിയമനങ്ങൾ കൊഴുക്കുമ്പോൾ പിഎസ്.സി റാങ്ക് ലിസ്റ്റുകാരുടെ രോഷം സിപിഎമ്മിനെ വിറപ്പിക്കുന്നു; സിപിഎം കേരളയുടെ ഒഫീഷ്യൽ യുട്യൂബ് പേജിൽ പിഎസ് സി നിയമന വിവാദം വിശദീകരിക്കാൻ എത്തിയ എം ബി രാജേഷിന് പൊങ്കാലയുമായി റാങ്ക് ഹോൾഡേഴ്‌സ്; ന്യായീകരണ വീഡിയോയിൽ ലൈക്കിനേക്കാൾ കൂടുതൽ ഡിസ് ലൈക്കുകൾ; പോരാളി ഷാജിമാർ പോലും പാർട്ടിക്കെതിരെ തിരിയുന്ന അപൂർവ്വ പ്രതിസന്ധി
മുന്നിൽ ചീറിപ്പാഞ്ഞത് പൃഥ്വിരാജിന്റെ ലംബോർഗിനി; തൊട്ടു പിന്നാലെ വിട്ടുകൊടുക്കാതെ അതിവേഗത്തിൽ ദുൽഖാർ സൽമാന്റെ പോർഷെ കാറും; കോട്ടയം - ഏറ്റുമാനൂർ - കൊച്ചി റൂട്ടിൽ മലയാളം താരങ്ങളുടെ മത്സരയോട്ടം; അമിതവേഗതയിലുള്ള ചീറിപ്പായൽ കണ്ട് അന്തംവിട്ട് ആരാധകർ; സോഷ്യൽ മീഡിയയിൽ വൈറലായെങ്കലും ട്രാഫിക് നിയമങ്ങൾ കാറ്റിൽപ്പറത്തിയ താരങ്ങളുടെ അമിത വേഗതക്കെതിരെ പൊലീസ് നടപടിയില്ലേ എന്ന ചോദ്യവും സജീവം
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
പ്ലസ് ടു കാലത്ത് അമേരിക്കയിൽ എത്തിയ നെവിൻ; കോട്ടയം രൂപതാ മാട്രിമോണി പരസ്യത്തിൽ വിവാഹം; സ്വഭാവ വൈകൃതമൊന്നും അറിയാതെ താലി കെട്ടിയതിന്റെ ദുരിതം മോനിപ്പിള്ളിക്കാരി അറിഞ്ഞത് യുഎസിലെത്തിയപ്പോൾ; രണ്ട് വയസ്സുള്ള കുട്ടി ബാലൻസ് തെറ്റി വീണാലും കിട്ടിയത് ക്രൂര മർദ്ദനം; ഭാര്യയെ തുരുതുരാ വെട്ടിയ ശേഷം കാറു കയറ്റി മരണം ഉറപ്പാക്കിയത് നിസാര കാരണങ്ങൾ കണ്ടെത്തി വഴക്കുണ്ടാക്കി രസിച്ച ഭർത്താവ്; ഫ്‌ളോറിഡയിൽ മെറിൻ ജോയിയെ കൊന്നത് സമാനതകളില്ലാത്ത ക്രൂര മനസ്സിന്റെ ഉടമ
'പിണറായിയുടെ നെറ്റിക്കു നേരെ അജിത് ഡോവൽ റിവോൾവർ ചൂണ്ടി; കുതറി ഓടാൻ ശ്രമിച്ച വിജയനെ ഡോവൽ കീഴടക്കിയത് സാഹസികമായി; മുട്ടുവിറച്ച് വിജയൻ മാപ്പു പറഞ്ഞു'; സ്വർണക്കടത്ത് കേസ് എൻഐഎ ഏറ്റെടുക്കുമ്പോൾ മുഖ്യമന്ത്രിയെ ഭയപ്പെടുത്തുന്നത് ഭൂതകാല അനുഭവമെന്ന് കോൺഗ്രസ് മുഖപത്രമായ വീക്ഷണം; സോഷ്യൽ മീഡിയയിൽ പൊരിഞ്ഞ കോൺഗ്രസ്- സിപിഎം പോര്; സ്വർണക്കടത്തിന്റെ വേരറുക്കാൻ ഇന്ത്യൻ ജെയിംസ് ബോണ്ടിന് ആവുമോ?
ആൾക്കൂട്ടത്തിൽ ഒരു അന്യമത സ്ത്രീയെ നോട്ടമിട്ടാൽ രണ്ടോമൂന്നോ പേർ വലയം ചെയ്യും; പതുക്കെ മറ്റുള്ളവരും ചേരുന്നതോടെ കെണിയൊരുങ്ങുകയായി; അകത്തെ വൃത്തത്തിനുള്ളിലുള്ള പുരുഷന്മാർ ആദ്യം ആക്രമിക്കും; മതിയായവർ പുറകോട്ടു മാറി അടുത്ത വലയത്തിലുള്ളവർക്ക് കൈമാറും; മർദ്ദിച്ചും വസ്ത്രങ്ങൾ ചീന്തിയെറിഞ്ഞും കൂട്ട ബലാത്സംഗം; മിക്കവാറും സംഭവങ്ങളും പട്ടാപ്പകൽ നഗരമധ്യത്തിൽ; തഹാറുഷ് ജമായ് എന്ന ഇസ്ലാമിന്റെ പേരിൽ നടന്നിരുന്ന കൂട്ട മാനഭംഗ വിനോദത്തിന്റ കഥ
2016 ജൂലൈ 30ന് താലി കെട്ട്; ജന്മദിനവും വിവാഹ വാർഷികവും ഒരു ദിവസമായതും യാദൃശ്ചികം; ഭർത്താവിന്റെ ക്രൂരതകൾ ഭയന്ന് താമ്പയിലേക്ക് മാറാൻ ഒരുങ്ങുമ്പോൾ പദ്ധതിയിട്ടത് കൂട്ടുകാർക്കൊപ്പം അടിപൊളി ജന്മദിനാഘോഷം; രണ്ട് വയസ്സുള്ള മകളെ അച്ഛനും അമ്മയക്കുമൊപ്പം നിർത്തി ഫ്‌ളോറിഡയിലേക്ക് വിമാനം കയറിയത് സ്വന്തം കാലിൽ നിൽക്കണമെന്ന ദൃഡനിശ്ചയത്തിൽ; രക്തത്തിൽ കുളിച്ച് വേദനകൊണ്ട് പുളയുമ്പോഴും മെറിൻ ജോയ് അലറിക്കരഞ്ഞത് എനിക്കൊരു കുഞ്ഞുണ്ടെന്ന് പറഞ്ഞ്; മരങ്ങാട്ടിലെ വീട്ടിൽ പൊട്ടിക്കരച്ചിൽ മാത്രം
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
പെറ്റമ്മയെ കാണാൻ 14 ദിവസത്തെ ക്വാറന്റൈൻ സ്വയം ഏറ്റെടുത്ത് അമ്മയുടെ പ്രസിഡന്റ്; ചെന്നൈയിൽ നിന്നും ഇന്നോവാ കാറിൽ കൊച്ചിയിലെത്തി നിരീക്ഷണകാലം ചിലവഴിക്കുന്നത് തന്റെ ഉടമസ്ഥതയിലുള്ള ട്രാവൻകൂർ കോർട്ട് ഹോട്ടലിൽ; രണ്ടാഴ്ചക്കുള്ളിൽ മലയാള സിനിമ വീണ്ടും ഉണർന്നെഴുന്നേൽക്കും; ദൃശ്യം രണ്ടാംഭാഗവും ഏഷ്യാനെറ്റ് ഓണം ഷോയും ലക്ഷ്യമിട്ട് മോഹൻലാൽ വീണ്ടും കൊച്ചിയിലെത്തി; സൂപ്പർ താരത്തിന്റെ ക്വാറന്റൈൻ വിവരം മറുനാടനോട് സ്ഥിരീകരിച്ച് ഇടവേള ബാബുവും
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി