Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202422Monday

വിവാഹ മോചനത്തിന് ശേഷമുള്ള ജീവിതം സുഖകരമായിരുന്നില്ല; നാഗചൈതന്യയുമായുള്ള വിവാഹ മോചനത്തിന് ശേഷമുള്ള നാളുകളെ കുറിച്ച് വെളിപ്പെടുത്തി സാമന്ത

വിവാഹ മോചനത്തിന് ശേഷമുള്ള ജീവിതം സുഖകരമായിരുന്നില്ല; നാഗചൈതന്യയുമായുള്ള വിവാഹ മോചനത്തിന് ശേഷമുള്ള നാളുകളെ കുറിച്ച് വെളിപ്പെടുത്തി സാമന്ത

മറുനാടൻ ഡെസ്‌ക്‌

ചെന്നൈ: 2021-ൽ ആണ് താരങ്ങളായ സാമന്തയും നാഗചൈതന്യയും വിവാഹമോചിതരായത്. സോഷ്യൽ മീഡിയ പേജിലൂടെയാണ് നാല് വർഷത്തെ ദാമ്പത്യ ജീവിതം അവസാനിപ്പിക്കുന്നതായി താരങ്ങൾ വെളിപ്പെടുത്തിയത്. ഇവരുടെ വേർപിരിയിൽ ആരാധകർക്കും ഞെട്ടലാണ് സമ്മാനിച്ചത്.

അതായിരുന്നു ഞങ്ങളുടെ ബന്ധത്തിന്റെ ശക്തിയും. അത് എപ്പോഴും നിലനിൽക്കുമെന്ന് ഞങ്ങൾ വിശ്വസിക്കുന്നു- എന്നായിരുന്നു ഇരുവരും സോഷ്യൽ മീഡിയയിൽ കുറിച്ചത്. വിവാഹമോചനം ഔദ്യോഗികമായി പ്രഖ്യാപിക്കുന്നതിന് മുമ്പ് തന്നെ തെലുങ്ക് മാധ്യമങ്ങൾ താരങ്ങളുടെ വിവാഹമോചനം സംബന്ധിച്ച വാർത്തകൾ നൽകിയിരുന്നു.എന്നാൽ അന്ന് സാമന്ത നിഷേധിക്കുകയായിരുന്നു.

ഇപ്പോഴിത നാഗ ചൈതന്യയുമായുള്ള വേർപിരിയലിന് ശേഷമുള്ള ജീവിതത്തെക്കുറിച്ച് വെളിപ്പെടുത്തുകയാണ് സമന്ത. ജീവിതം സുഖകരമായിരുന്നില്ലെന്നാണ് നടി പറയുന്നത്. വളരെ ബുദ്ധിമുട്ടുള്ള വർഷമായിരുന്നെന്നും എന്നാൽ ഇപ്പോൾ അവസ്ഥ മാറിയെന്നും താരം കൂട്ടിച്ചേർത്തു. പോഡ്കാസ്റ്റിലാണ് ഇക്കാര്യം വെളിപ്പെടുത്തിയത്. ആരോഗ്യപ്രശ്‌നത്തെക്കുറിച്ച് സംസാരിക്കവെയാണ് ഇക്കാര്യം വെളിപ്പെടുത്തിയത്.

'എനിക്ക് മയോസൈറ്റ്‌സുമായി ബന്ധപ്പെട്ടുള്ള ആരോഗ്യ പ്രശ്‌നം ഉണ്ടാകുന്നതിന് തൊട്ട് മുമ്പുള്ള വർഷം ഞാൻ പ്രത്യേകം ഓർക്കുന്നു. എന്നെ സംബന്ധിച്ച് വളരെ ബുദ്ധിമുട്ടുള്ള ഒരു വർഷമായിരുന്നു അത്. എന്റെ സുഹൃത്തും മനേജറുമായ ഹിമാങ്കിനൊപ്പം മുംബൈയിൽ നിന്ന് മടങ്ങിയെത്തിയ ദിവസം ഞാൻ ഇപ്പോഴും ഓർക്കുന്നു. അതൊരു ജൂൺ മാസം ആയിരുന്നു. എനിക്കൊരു സമാധാനം തോന്നിയിരുന്നു. കഴിഞ്ഞ കുറച്ചുകാലമായി ശാന്തതയോ സമാധാനമോ അനുഭവപ്പെട്ടിരുന്നില്ല. എന്നാൽ എനിക്ക് ഇപ്പോൾ ഉണർന്ന് പ്രവർത്തിക്കാനും ജോലിയിൽ ശ്രദ്ധ കേന്ദ്രീകരിക്കാനും കഴിയും. വളരെ മോശമായ അവസ്ഥയിൽ നിന്നാണ് ഞാൻ ഉണർന്നത്'- സാമന്ത പറഞ്ഞു.

മയോസൈറ്റ്‌സ് രോഗത്തെ തുടർന്ന് സിനിമയിൽ നിന്ന് സാമന്ത ഇടവേള എടുത്തിരുന്നു. വിജയ് ദേവരകൊണ്ടയ്ക്കൊപ്പം ഖുഷി എന്ന ചിത്രത്തിലാണ് നടി അവസാനമായി അഭിനയിച്ചത് . വരുൺ ധവാനൊപ്പമുള്ള 'സിറ്റാഡൽ: ഇന്ത്യ' ആണ് ഇനി പുറത്തിറങ്ങാനുള്ളത്. സസ്‌പെൻസ് ത്രില്ലറാണിത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP