Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Feb / 202424Saturday

മിക്‌സി പൊട്ടിത്തെറിച്ചുണ്ടായ മുറിവുകൾ ഉണങ്ങിത്തുടങ്ങി; പ്രാർത്ഥിച്ച എല്ലാവർക്കും നന്ദി, സ്‌നേഹം: അഭിരാമി സുരേഷ്

മിക്‌സി പൊട്ടിത്തെറിച്ചുണ്ടായ മുറിവുകൾ ഉണങ്ങിത്തുടങ്ങി; പ്രാർത്ഥിച്ച എല്ലാവർക്കും നന്ദി, സ്‌നേഹം: അഭിരാമി സുരേഷ്

മറുനാടൻ ഡെസ്‌ക്‌

കൊച്ചി: മിക്‌സി പൊട്ടിത്തെറിച്ച് പരുക്കേറ്റ് വിശ്രമത്തിലായിരുന്നു ഗായിക അഭിരാമി സുരേഷ്. തനിക്ക് പരിക്കേറ്റ വിവരവും അവർ സൈബറിടത്തിൽ പങ്കുവെച്ചിരുന്നു. ഇപ്പോൾ തന്റെ പരിക്കിന്റെ അപ്‌ഡേറ്റുകലുമായി അഭിരാമി വീണ്ടും രംഗത്തുവന്നു. മുറിവുകൾ ഏറെക്കുറെ ഭേദമായെന്നും വളരെ കുറച്ച് മരുന്നുകൾ മാത്രം കഴിച്ചാൽ മതിയെന്നും ഇപ്പോൾ വലിയ ആശ്വാസം തോന്നുന്നുവെന്നും ഗായിക വെളിപ്പെടുത്തി.

നിരവധി പേരാണ് ഫോൺ കോളിലൂടെയൂം മെസേജുകളിലൂടെയും തന്റെ സുഖവിവരം തിരക്കിയതെന്നും പ്രതീക്ഷിക്കാത്തവർ പോലും വിളിച്ചു സംസാരിച്ചെന്നും അഭിരാമി പറഞ്ഞു. തന്നെ സ്‌നേഹിക്കുന്നവരുടെ പ്രാർത്ഥനയും പിന്തുണയുമാണ് പരുക്കിൽ നിന്നും അതിവേഗം മുക്തി നേടാൻ സഹായിച്ചതെന്നും എല്ലാവരോടും നന്ദിയും സ്‌നേഹവും അറിയിക്കുകയാണെന്നും അഭിരാമി സമൂഹമാധ്യമങ്ങളിൽ പങ്കുവച്ച വിഡിയോയിൽ പറഞ്ഞു. സ്‌നേഹിതർക്കു വേണ്ടി ഗാനവും ആലപിച്ച ശേഷമാണ് അഭിരാമി വിഡിയോ അവസാനിപ്പിച്ചത്.

നവംബർ അവസാന വാരമാണ് പാചകത്തിനിടെ അഭിരാമി സുരേഷിന് പരുക്കേറ്റത്. അടുക്കളയിൽ ഇഷ്ടപ്പെട്ട വിഭവം പാചകം ചെയ്യുന്നതിനിടെ മിക്‌സി പൊട്ടിത്തെറിച്ച് അതിന്റെ ബ്ലേഡ് കൈയിൽ തട്ടി പരുക്കേൽക്കുകയായിരുന്നു. വലത് കയ്യിലെ 5 വിരലുകളിലും മുറിവേറ്റു. കയ്യിൽ ചെറിയ രീതിയിൽ പൊള്ളലും ഏറ്റിരുന്നു. ഏതാനും ദിവസങ്ങൾ നീണ്ട വിശ്രമത്തിനൊടുവിൽ അഭിരാമി വീണ്ടും വിഡിയോകളുമായി സമൂഹമാധ്യമങ്ങളിൽ സജീവമായിരുന്നു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP