Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202023Friday

നഗ്‌നരായി വിവാഹം ചെയ്യും; ദീപികയെപ്പോലെ മേനി നടിക്കാനില്ല; കല്യാണക്കത്തിനൊപ്പം കന്യകയാണെന്ന സർട്ടിഫിക്കറ്റും പങ്കുവെച്ച രാഖി സാവന്ത് വാർത്തയിൽ ഇടംപിടിക്കാൻ പുതിയ ഡയലോഗുമായി രംഗത്ത്

നഗ്‌നരായി വിവാഹം ചെയ്യും; ദീപികയെപ്പോലെ മേനി നടിക്കാനില്ല; കല്യാണക്കത്തിനൊപ്പം കന്യകയാണെന്ന സർട്ടിഫിക്കറ്റും പങ്കുവെച്ച രാഖി സാവന്ത് വാർത്തയിൽ ഇടംപിടിക്കാൻ പുതിയ ഡയലോഗുമായി രംഗത്ത്

മുംബൈ: 45ാം വയസിൽ താൻ കന്യകയാണെന്നും പറഞ്ഞ് രംഗത്തെത്തിയ ബോളിവുഡ് നായിക രാഖി സാവന്ത് വിവാഹിതയാകുകയാണ്. പതിവു പോലെ വാർത്തകളിൽ ഇടംപിക്കാൻ വേണ്ടതൊക്കെ ചെയ്യുന്നുണ്ട് രാഖി. കോമഡി വൾഗർ വിഡിയോകളിലൂടെ ഇന്റർനെറ്റ് സെൻസേഷനായി മാറിയ ദീപക് കലാൽ ആണ് രാഖിയുടെ കഴുത്തിൽ മിന്നു ചാർത്തുക. രണ്ട് പേരും വിവാദങ്ങളുണ്ടാക്കാൻ മിടുക്കന്മാരായതു കൊണ്ട് ഇവരുടെ വിവാഹം എങ്ങനെയാകുമെന്ന ആകാംക്ഷയും എല്ലാവർക്കുമുണ്ട്. വേണ്ടി വന്നാൽ നഗ്നരായി വിവാഹം ചെയ്യുമെന്നാണ് രാഖി പറയുന്നത്.

നേരത്തെ കല്യാണക്കത്തിനൊപ്പം കന്യകയാണെന്ന സർട്ടിഫിക്കറ്റും സമൂഹ മാധ്യമങ്ങളിൽ പങ്കുവച്ചാണ് രാഖിയും ദീപക്കും വിവാഹം വിവാദമാക്കി മാറ്റിയത്. വിവാഹത്തിന് മുൻപ് തങ്ങൾ ഇരുവരും ഡോക്ടറെ കണ്ടിരുന്നുവെന്നും തങ്ങൾ വിർജിൻ ആണെന്ന് ഡോക്ടർ അറിയിച്ചെന്നും പറഞ്ഞാണ് ദീപക് ഇവ പങ്കുവച്ചിരുന്നത്. ഇതോടെയാണ് വിവാഹ വാർത്ത തന്നെ മാധ്യമങ്ങളിൽ നിറഞ്ഞത്.

പ്രശസ്ത ഫാഷൻ ഡിസൈനർ മനീഷ് മൽഹോത്രയെ ബുദ്ധിമുട്ടിക്കാൻ തനിക്ക് താത്പര്യമില്ലെന്നും താനും ദീപക്കും നഗ്‌നരായി വിവാഹം കഴിക്കുമെന്നുമാണ് പ്രഖ്യാപനം. ഫാഷൻ ഡിസൈനർ സബ്യസാചി മുഖർജിയുടെ ഡിസൈനിൽ അതീവ സുന്ദരിയായി നിൽക്കുന്ന ദീപികയുടെയും രൺവീറിന്റെയും ചിത്രങ്ങൾ ഫോട്ടോഷോപ്പ് ആണെന്നും രാഖി സാവന്ത് ആരോപിക്കുന്നു.

പരമാവധി ചെലവുകൾ ചുരുക്കിയാകും തന്റെ വിവാഹമെന്നും രൺവീറിനെയും ദീപികയേയും പോലെ മേനി നടിക്കാൻ തന്നെ കിട്ടില്ലെന്നും രാഖി തുറന്നടിച്ചു. ഇതിനെല്ലാം പുറമേ ദീപകിന്റെ കാമുകിമാരെന്ന് അവകാശപ്പെടുന്ന ചിലരുടെ വിഡിയോകളും രാഖി പങ്കുവച്ചിട്ടുണ്ട്. തങ്ങളെ വിവാഹം കഴിക്കാമെന്ന് ദീപക് വാക്ക് തന്നിരുന്നുവെന്നും അത് മറന്നാണ് ഇപ്പോൾ രാഖിയെ വിവാഹം ചെയ്യാൻ പോകുന്നതെന്നും ഇവർ വിഡിയോയിൽ പറയുന്നു. കല്യാണം ഈ തവണ തമാശയല്ലെന്നും ഉറപ്പായും ദീപക്കിനെ കല്യാണം കഴിക്കുമെന്നും രാഖി പറയുന്നു.

ഗുസ്തിതാരത്തെ വെല്ലുവിളിച്ച് കഴിഞ്ഞ ദിവസം റിങ്ങിലെത്തിയ രാഖി ഇടിയേറ്റ് ആശുപത്രിയിലായിരുന്നു. തന്റെ പീഡന ആരോപണങ്ങൾക്ക് തിരിച്ചടിയായി തനുശ്രീ ദത്ത ഇറക്കിയതാണ് ഗുസ്തിക്കാരിയെന്ന് രാഖി സാവന്ത് ആരോപിച്ചിരുന്നു. തനുശ്രീ ദത്തയുടെ മീടൂ വെളിപ്പെടുത്തലിനെതിരെ സർവ്വരെയും ഞെട്ടിച്ചു നടത്തിയ പ്രസ്താവനകളുടെ പേരിലായിരുന്നു ഏറ്റവും ഒടുവിൽ രാഖി സാവന്ത് വാർത്തകളിൽ നിറഞ്ഞത്.

തനുശ്രീ ലെസ്‌ബിയനാണെന്നായിരുന്നു രാഖിയുടെ വാദം. തന്നെ പീഡിപ്പിച്ചിട്ടുണ്ടെന്നുവരെ രാഖി തുറന്നടിച്ചിരുന്നു. അവൾ ഉള്ളിൽ ആൺകുട്ടിയാണ്. തനുശ്രീ മുടിമുറിക്കുമ്പോൾ നിന്നോടുള്ള അമിത ഇഷ്ടം കൊണ്ടാണ് ഞാൻ മുടിമുറിക്കുന്നതെന്നാണ് പറഞ്ഞത്. സിഗരറ്റിൽ മയക്കുമരുന്ന് കലർത്തിയും മദ്യം കുടിപ്പിച്ചും അവർ എന്നെ ലൈംഗികമായി ഉപയോഗിച്ചിട്ടുണ്ട്. തനുശ്രീ മാത്രമല്ല ബോളിവുഡിലെ മറ്റ് പല നടിമാരും ലെസ്‌ബിയൻ ആണെന്നും രാഖി പറഞ്ഞിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP