Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ആഷിഖ് അബു ചിത്രമായ മായാനദി വീണ്ടും തിയേറ്ററുകളിലേക്ക് ; ചിത്രം വീണ്ടും റിലീസ് ചെയ്യുന്ന തിയേറ്ററുകളുടെ പട്ടിക സമൂഹ മാധ്യമത്തിൽ പങ്കുവെച്ച് ആഷിഖ് അബു; ചിത്രത്തിന്റെ സിഡി ഇറങ്ങിയതിന് പിന്നാലെ വീണ്ടും റിലീസ് ചെയ്യാനുള്ള തീരുമാനത്തിൽ അത്ഭുതപ്പെട്ട് പ്രേക്ഷകർ

ആഷിഖ് അബു ചിത്രമായ മായാനദി വീണ്ടും തിയേറ്ററുകളിലേക്ക് ; ചിത്രം വീണ്ടും റിലീസ് ചെയ്യുന്ന തിയേറ്ററുകളുടെ പട്ടിക സമൂഹ മാധ്യമത്തിൽ പങ്കുവെച്ച് ആഷിഖ് അബു; ചിത്രത്തിന്റെ സിഡി ഇറങ്ങിയതിന് പിന്നാലെ വീണ്ടും റിലീസ് ചെയ്യാനുള്ള തീരുമാനത്തിൽ അത്ഭുതപ്പെട്ട് പ്രേക്ഷകർ

കൊച്ചി: ആഷിഖ് അബു സംവിധാനം ചെയ്ത് ടോവിനോ തോമസ്, ഐശ്വര്യ ലക്ഷ്മി എന്നിവർ ഒന്നിച്ചഭിനയിച്ച സൂപ്പർ ഹിറ്റ് ചിത്രം മായാനദി വീണ്ടും തിയേറ്ററുകളിലേക്ക്. സംവിധായകൻ ആഷിഖ് അബു തന്നെയാണ് വിവരം സമൂഹ മാധ്യമങ്ങൾ വഴി പങ്കു വച്ചത്.

ചിത്രം റിലീസ് ചെയ്യാൻ ഉദ്ദേശിക്കുന്ന തിയേറ്ററുകളുടെ പട്ടികയും ആഷിഖ് അബു സമൂഹ മാധ്യമത്തിൽ ചേർത്തിട്ടുണ്ട്. 2017 ഡിസംബർ 22നാണ് സിനിമ പുറത്തിറങ്ങിയത്. സിനിമയ്ക്ക് വൻ സ്വീകാര്യത ലഭിക്കുകയും സാമ്പത്തികമായി വിജയം നേടുകയും ചെയ്തിരുന്നു. കഴിഞ്ഞ ദിവസമാണ് ചിത്രത്തിന്റെ സിഡി പുറത്തിറങ്ങിയത്. ഇതിന് ശേഷം സിനിമ വീണ്ടും സമൂഹ മാധ്യമങ്ങളിൽ വലിയ ചർച്ചകൾക്ക് വഴിയൊരുക്കിയിരുന്നു.

സംഭവത്തിന് പിന്നാലെയാണ് ചിത്രം വീണ്ടും തിയേറ്ററുകളിലെത്തിക്കാൻ തീരുമാനമുണ്ടയത്. ആഷിഖ് അബുവും സന്തോഷ് ടി കുരുവിളയും ചേർന്നാണ് മായാനദി എന്ന ചിത്രം നിർമ്മിച്ചത്. ശ്യാം പുഷ്‌കരൻ ദിലീഷ് നായർ എന്നിവർ ചേർന്നാണ് തിരക്കഥയൊരുക്കിയത്. ചിത്രത്തിലെ ഗാനങ്ങൾക്ക് ഏറെ പ്രേക്ഷക ശ്രദ്ധ നേടിയെങ്കിലും ലിപ് ലോക്ക് അടക്കമുള്ള രംഗങ്ങൾ ചെറിയ രീതിയിൽ സിനിമയ്ക്കെതിരെ വിമർശനമുയർത്തിയിരുന്നു. ചിത്രം രണ്ടാമത് റിലീസ് ചെയ്യുമ്പോൾ തിയേറ്ററിൽ വൻ സ്വീകരണം ലഭിക്കുമെന്നാണ് അണിയറ പ്രവർത്തകരുടെ പ്രതീക്ഷ.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP