ശ് ശ് മുണ്ട്.. മുണ്ട് എന്ന് കോൺഗ്രസ്സ് നേതാവ് ശിവകുമാർ; സംസാരത്തിനിടക്ക് ഉണ്ട് മുണ്ട്...

ശ് ശ് മുണ്ട്.. മുണ്ട് എന്ന് കോൺഗ്രസ്സ് നേതാവ് ശിവകുമാർ; സംസാരത്തിനിടക്ക് ഉണ്ട് മുണ്ട് അഴിഞ്ഞ് വീണതറിയാതെ സിദ്ധരാമയ്യ; കർണ്ണാടക നിയമസഭയിൽ ചിരി പടർത്തി 'ഉടുമുണ്ട്'

September 23, 202104:49 PM IST Permalink

മറുനാടൻ മലയാളി ബ്യൂറോ

ബംഗളുരു: റാംജി റാവു സ്പീക്കിങ്ങ് എന്ന സിനിമയിൽ ഉണ്ടുമുണ്ട് അഴിഞ്ഞു വീണ ഇന്നസെന്റിനെ അത് ധരിപ്പിക്കുന്ന രംഗം ഇന്നും കാഴ്‌ച്ചക്കാർക്കിടയിൽ ചിരിപടർത്തുന്നതാണ്. മത്തായിച്ച.. മുണ്ട് മുണ്ട് എന്ന് മുകേഷ് പറയുമ്പോൾ ഞാൻ മിണ്ടുന്നുണ്ടല്ലോ.. ഇനി നീ മിണ്ട് എന്നാണ് ഇന്നസെന്റിന്റെ മറുപടി നൽകുന്നത്. അത്തരത്തിൽ ഒരു മറുപടി ഉണ്ടായില്ലെങ്കിലും സിനിമ രംഗത്തെ ഓർമ്മപ്പെടുത്തുന്ന സംഭവമാണ് ഇന്ന് കർണ്ണാകടക നിയമസഭയിൽ ഉണ്ടായത്.കോൺഗ്രസ്സ് നേതാവ് ഡി കെ ശിവകുമാറും നിലവിലെ പ്രതിപക്ഷ നേതാവുമായ സിദ്ധരാമയ്യയുമാണ് കഥയിലെ താരങ്ങൾ.

നിയമസഭയിൽ പ്രസംഗിച്ചു കൊണ്ടിരിക്കെയായിരുന്നു സംഭവം. എന്നാൽ മുണ്ടഴിഞ്ഞ് വീണതറിയാതെ പ്രസംഗം തുടർന്ന സിദ്ധരാമയ്യയെ കോൺഗ്രസ് നേതാവ് ഡി.കെ ശിവകുമാർ എത്തി ഓർമ്മപ്പെടുത്തുകയായിരുന്നു. മൈസൂർ കൂട്ട ബലാത്സംഗത്തിൽ പൊലീസിന്റെ നടപടികളെക്കുറിച്ച് സംസാരിക്കുന്നതിനിടെയായിരുന്നു സംഭവം. മുണ്ടഴിഞ്ഞു വീണതറിയാതെ പ്രസംഗം തുടർന്ന സിദ്ധരാമയ്യയുടെ അടുത്തേക്ക് കോൺഗ്രസ് നേതാവ് ഡികെ ശിവകുമാർ എത്തി ചെവിയിൽ കാര്യം അവതരിപ്പിക്കുകയായിരുന്നു. 'ഓ അതായിരുന്നോ' എന്ന് പറഞ്ഞ് അദ്ദേഹം കുനിഞ്ഞ് മുണ്ട് എടുത്ത് ഉടുക്കുന്നതും സീറ്റിൽ ഇരിക്കുന്നതും ദൃശ്യങ്ങളിൽ കാണാം. മുണ്ടുടുത്ത ശേഷം അദ്ദേഹം വീണ്ടും പ്രസംഗം തുടരുകയും ചെയ്തു.

രംഗം സഭയിൽ കൂട്ടച്ചിരിക്ക് കാരണമായി.കോവിഡാനന്തരം ശരീരവണ്ണം വർധിച്ചു, വയറ് കൂടി. ഇതുകൊണ്ട് മുണ്ട് അഴിഞ്ഞു വീണു എന്നായിരുന്നു സിദ്ധരാമയ്യ പ്രസംഗം തുടർന്നു കൊണ്ട് വ്യക്തമാക്കിയത്. ഇതും സഭയിൽ ചിരി പടർത്തി.

എന്നാൽ സിദ്ധരാമയ്യ ഇക്കാര്യം പരസ്യമായി പറഞ്ഞത് കോൺഗ്രസിന് നീരസമുണ്ടാക്കിയിട്ടുണ്ട്. പാർട്ടിയുടെ മുഖം രക്ഷിക്കാൻ വേണ്ടിയാണ് ശിവകുമാർ സിദ്ധരാമയ്യയുടെ ചെവിയിൽ ഇക്കാര്യം പറഞ്ഞത്. എന്നാൽ അദ്ദേഹം തന്നെ ഇത് പരസ്യപ്പെടുത്തി. ഇത് പരിഹസിക്കാൻ സ്വയം കുഴി തോണ്ടുകയായിരുന്നുവെന്ന് കോൺഗ്രസ് എംഎൽഎ രമേശ് കുമാർ പറഞ്ഞു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മറുനാടൻ മലയാളി ബ്യൂറോ

Stories you may Like

Readers Comments+

More News in this category+

MNM Recommends +