Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ഒരിക്കൽ ഒരു സ്ത്രീ എന്നോട് കുഞ്ഞുങ്ങളില്ലാത്ത സങ്കടം പറഞ്ഞു.. ഞാൻ കുറേ പഴങ്ങൾ ആശീർവദിച്ച് നൽകി.. അതിൽ പൈനാപ്പിളും ഉണ്ടായിരുന്നു.. ആ പൈനാപ്പിൾ കഴിച്ചതോടെ അവർക്ക് ഗർഭം ഉണ്ടായി..; ഒരു പൈനാപ്പിൾ കൊണ്ട് സന്താനസൗഭാഗ്യമേകിയ ദിവ്യനായ തന്നെ തേടി എല്ലാവരും വരാൻ തുടങ്ങി; പിന്നെയും നിരവധി പേർക്ക് പൈനാപ്പിൾ അനുഗ്രഹിച്ചു നൽകി കുഞ്ഞുങ്ങളുണ്ടായി; പൈനാപ്പിളിൽ അത്ഭുതം തീർത്ത് സ്വന്തം കഥ പഞ്ഞ് കണ്ണീർ വാർത്ത് നിത്യാനന്ദ: വീഡിയോ വൈറൽ

ഒരിക്കൽ ഒരു സ്ത്രീ എന്നോട് കുഞ്ഞുങ്ങളില്ലാത്ത സങ്കടം പറഞ്ഞു.. ഞാൻ കുറേ പഴങ്ങൾ ആശീർവദിച്ച് നൽകി.. അതിൽ പൈനാപ്പിളും ഉണ്ടായിരുന്നു.. ആ പൈനാപ്പിൾ കഴിച്ചതോടെ അവർക്ക് ഗർഭം ഉണ്ടായി..; ഒരു പൈനാപ്പിൾ കൊണ്ട് സന്താനസൗഭാഗ്യമേകിയ ദിവ്യനായ തന്നെ തേടി എല്ലാവരും വരാൻ തുടങ്ങി; പിന്നെയും നിരവധി പേർക്ക് പൈനാപ്പിൾ അനുഗ്രഹിച്ചു നൽകി കുഞ്ഞുങ്ങളുണ്ടായി; പൈനാപ്പിളിൽ അത്ഭുതം തീർത്ത് സ്വന്തം കഥ പഞ്ഞ് കണ്ണീർ വാർത്ത് നിത്യാനന്ദ: വീഡിയോ വൈറൽ

മറുനാടൻ ഡെസ്‌ക്‌

ചെന്നൈ: ഒരു പൈനാപ്പിൾ കൊണ്ട് സ്വാമി നിത്യാനന്ദ ജീവനുകളെ സൃഷ്ടിച്ച ആൾദൈവകഥാണ് ഇപ്പോൾ സോഷ്യൽ മീഡിയയിൽ വൈറൽ. കരിബീയൻ ദ്വീപ് വിലയ്ക്കെടുത്തു അവിടെ കൈലാസം എന്ന സ്വന്തം സാമ്രാജ്യം തീർത്തു കൊണ്ടു വാർത്തയിൽ നിറഞ്ഞ സ്വാമി നിത്യാനന്ദ തന്നെയാണ് ഈ താരം. താൻ എങ്ങനെയാണ് ദിവ്യനായി മാറിയതെന്ന് സ്വാമി തന്റെ ഭക്തന്മാരോട് അരുളി ചെയ്ത വീഡിയോ ആണ് സോഷ്യൽ മീഡിയയിൽ നിറഞ്ഞതോടിയത്. രാജശേഖരൻ എന്ന യുവാവ് നിത്യാനന്ദയായ കഥയാണ് വീഡിയോയിൽ. തന്നിൽ ദിവ്യശക്തി പകർന്നത് മധുര മീനാക്ഷിയാണെന്നാണ് വീഡിയോയിൽ നിത്യാനന്ദ പറയുന്നത്. ജീവിതത്തിൽ തന്നെ ഒട്ടേറെ പേർ തല്ലി ഓടിച്ചതാണെന്നും അങ്ങനെ സംഭവിച്ചപ്പോഴെല്ലാം തനിക്ക് വളർച്ച മാത്രമേ സംഭവിച്ചിട്ടുള്ളൂവെന്ന് ഇയാൾ വ്യക്തമാക്കുന്നു.

'അമ്മേ.. മീനാക്ഷി.. മീനാക്ഷി.. അമ്മ ചോദിച്ചു. എന്നാച്ച്.. എന്നാച്ച്...അമ്മേ എനിക്ക് പാസ്‌പോർട്ട് പുതുക്കി തരില്ലെന്ന് പറയുന്നു. അതിനെന്താ മോനെ എല്ലാം ശരിയാക്കാം.. അമ്മ അനുഗ്രഹിച്ചൂ.. അങ്ങനെ എനിക്ക് കൈലാസം കിട്ടി...' എന്നാണ് ആൾദൈവത്തിന്റെ വീഡിയോയിൽ പറയുന്ന്. കണ്ണീർ വാർത്തുകൊണ്ടാണ് നിത്യാനന്ദയുടെ വാക്കുകൾ. പട്ടിണി കൂടിയപ്പോൾ ഭക്തി മാർഗം സ്വീകരിതെന്നാണ് നിത്യാനന്ദയും വ്യക്തമാക്കുന്നത്. തിരുവണ്ണാമലൈയിലെ ഒരു ക്ഷേത്രത്തിൽ ഇരുന്ന് ധ്യാനിക്കും. അവിടെ നിന്ന് ലഭിക്കുന്ന തൈർസാദമായിരുന്നു ഭക്ഷണം. അവിടെ നാമം ജപിച്ചു കൂടിയ എന്നെ ചിലർ പൊതിരെ തല്ലി. ആ നാട്ടിൽ നിന്നും ഓടിച്ചു. ജീവനൊടുക്കാൻ തീരുമാനിച്ചു. ആത്മഹത്യ പാപമായതുകൊണ്ട് അതിൽ നിന്നും പിന്മാറി.-വികാര ഭരിതനായി നിത്യാനന്ദ പറയുന്നു.

നാട്ടിൽ നിന്നും ഓടിയെത്തിയത് ബെംഗളൂരുവിൽ. അവിടെ ധനികനായ ഒരു ചെട്ടിയാരെ പരിചയപ്പെട്ടു. അദ്ദേഹത്തിന്റെ ബന്ധുവിന്റെ രോഗം ഭേദപ്പെടുത്തി കൊടുത്തു കൊണ്ടാണ് അത്ഭുതപ്രവർത്തിയിലേക്ക് കടന്നതെന്നും നിത്യാനന്ദ വീഡിയോയിൽ പറയുന്നു. താൻ രോഗം ഭേദമാക്കി എന്നു പറഞ്ഞത് പലർക്കും അത്ഭുതമായി. ഇതോടെ കേട്ടറിഞ്ഞവർ കാണാൻ വന്നു. രോഗം സുഖമാക്കിയ വിവരം അറിഞ്ഞ് ഭക്തരുടെ എണ്ണം കൂടിയെന്നും അദ്ദേഹം പറയുന്നു. താൻ കുഞ്ഞുങ്ങളില്ലാത്ത സ്ത്രീകൾക്ക് കുഞ്ഞുങ്ങൾ ഉണ്ടാക്കി കൊടത്തത് എങ്ങനെയാണെന്നും സ്വാമി പറയുന്നു.

ഒരിക്കൽ ഒരു സ്ത്രീ എന്നോട് കുഞ്ഞുങ്ങളില്ലാത്ത സങ്കടം പറഞ്ഞു. ഞാൻ കുറേ പഴങ്ങൾ ആശീർവദിച്ച് നൽകി. അതിൽ പൈനാപ്പിളും ഉണ്ടായിരുന്നു. ആ പൈനാപ്പിൾ കഴിച്ചതോടെ അവർക്ക് ഗർഭം ഉണ്ടായി. ഇതുവലിയ വാർത്തയായി. പത്രവാർത്തെയാക്കെ വന്നു. ഒരു പൈനാപ്പിൾ കൊണ്ട് സന്താനസൗഭാഗ്യമേകിയ ദിവ്യനായ തന്നെ തേടി എല്ലാവരും വരാൻ തുടങ്ങി. കൈതച്ചക്ക അനുഗ്രഹിച്ച് നൽകിയ പലർക്കും കുഞ്ഞുങ്ങളുണ്ടായി. അങ്ങനെ മുത്തയ്യാ ചെട്ടിയാരുടെ മാളികയിൽ കൂലിവേല ചെയ്തിരുന്ന പയ്യൻ പ്രശസ്തനായി വിചിത്ര വാദങ്ങൾ ഇങ്ങനെ തുടരുന്നു.

പിന്നീട് ഭൂമി പലരും ദാനം ചെയ്തു. ആശ്രമം തുടങ്ങി. ഭക്തരുടെ എണ്ണം കൂടി. പക്ഷേ അവിടെ നിന്നും എന്നെ ഓടിച്ചു. പിന്നീട് മധുരയിലാണ് എത്തിയത്. അവിടെ മീനാക്ഷി അമ്മയെ ധ്യാനിച്ച് ജീവിക്കാൻ തീരുമാനിച്ചു. ഞാൻ മീനാച്ചീ.. മീനാച്ചീ.. എന്ന് കരഞ്ഞുവിളിച്ചപ്പോൾ എന്നാച്ച്... എന്നാച്ച്..എന്ന് ചോദിച്ചുകൊണ്ട് തന്റെ പ്രശ്‌നങ്ങളൊക്കെ പരിഹരിച്ചത് മീനാക്ഷി അമ്മ തന്നെയാണ് എന്ന് നിത്യാനന്ദ അവകാശപ്പെടുന്നു. അമ്പലത്തിൽ കയറരുത് എന്ന് വിലക്കിയപ്പോൾ മീനാക്ഷിയുടെ അനുഗ്രഹം കൊണ്ട് സ്വന്തമായി അമ്പലം തന്നെ പണിതുകിട്ടി. ആശ്രമത്തിലേക്ക് പ്രവേശിക്കരുത് എന്ന് വിലക്കി. വലിയൊരു ആശ്രമം തന്നെ മീനാക്ഷിയുടെ അനുഗ്രഹത്തിൽ ആശ്രമവും വലുതൊന്ന് കെട്ടിക്കിട്ടി. ഒടുവിൽ പാസ്‌പോർട്ട് പുതുക്കിക്കിട്ടാതെ വന്നപ്പോഴും കൈലാസം എന്ന രാജ്യം തന്നെ കിട്ടി. ഇതൊക്കെ നിങ്ങളോട് പറയാൻ എന്നെ ഏൽപ്പിച്ചതും മീനാക്ഷി ദേവി തന്നെയാണ്.' നിത്യാനന്ദ വിഡിയോയിൽ പറയുന്നു.

നേരത്തെ മറ്റൊരു വീഡിയോയും നിത്യാനന്ദയുടേതായി പുറത്തുവന്നിരുന്നു. ഞാൻ പരമശിവനാണ്, സൂര്യോദയം നിശ്ചലമാക്കാൻ സാധിക്കുമെന്നാണ് നേരത്തെ ആൾദൈവം പ്രചരിപ്പിച്ച ഒരു കാരക്യം. ഭക്തരോട് സംവദിക്കുന്നതിനിടെയാണ് സൂര്യോദയത്തെ നിശ്ചലക്കാൻ തനിക്ക് കഴിവുണ്ടെന്ന് നിത്യാനന്ദ പറഞ്ഞത്. കണ്ണടച്ചിരുന്ന് സമാധിയിലായിരുന്നാൽ ഈ പ്രപഞ്ചം മുഴുവൻ കാണാനാകും. ലൗകിക കാര്യങ്ങളിൽ ആ സമയത്ത് ശ്രദ്ധിക്കാറില്ല. പ്രേതങ്ങൾ ആത്ഹത്യ ചെയ്തവരുടെ അസ്വസ്ഥമായ ആത്മാക്കളാണെന്നാണ് ഭക്തർക്ക് നിത്യാനന്ദയുടെ വാദം.

പീഡനക്കേസിൽ കുറ്റാരോപിതനായ നിത്യാനന്ദ സ്വന്തം രാജ്യം സ്ഥാപിച്ചെന്നും അവിടെ സ്വന്തമായി പാസ്‌പോർട്ടും മന്ത്രിസഭയും ഉണ്ടെന്നും റിപ്പോർട്ട് തെറ്റാണെന്ന് ഇക്വഡോർ വ്യക്തമാക്കിയിരുന്നു. കർണാടകയിലും തമിഴ്‌നാട്ടിലും അനുയായികളുള്ള നിത്യാനന്ദ യൂട്യൂബ് പേജ് വഴി അനുയായികൾക്കായി പ്രത്യേക പദ്ധതി തന്നെ പ്രഖ്യാപിച്ചിരുന്നു. കൈലാസയുടെ പേരിലുള്ള വെബ്‌സൈറ്റിൽ അവിടുത്തെ സർക്കാർ വകുപ്പുകളെക്കുറിച്ചു വിശദമായി തന്നെ വിവരിച്ചു കൊണ്ടു രംഗത്തുവരികയുണ്ടായി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP