Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202020Sunday

ബോബി ചെമ്മണ്ണൂരിന്റെ പിന്നാലെ യൂസഫലിയേയും സുഖിപ്പിക്കൽ അഭിമുഖം നടത്തി ഏഷ്യാനെറ്റ്; ഇക്കുറി രംഗത്ത് ഇറങ്ങിയത് ചാനൽ മേധാവി തന്നെ; എല്ലാ പത്രക്കാർക്കും അഭിമുഖം നൽകില്ലെന്നും വളയാത്തവർക്ക് മാത്രമേ നൽകൂ എന്നും പറഞ്ഞ് തിരിച്ച് സുഖിപ്പിച്ച് യൂസഫലിയും; 'യൂസഫലി അപേക്ഷ നൽകിയിട്ട് പോലും' അനുമതി കിട്ടാൻ രണ്ട് കൊല്ലമെടുത്തുവെന്ന വേദന പങ്കിട്ട് വ്യവസായി

ബോബി ചെമ്മണ്ണൂരിന്റെ പിന്നാലെ യൂസഫലിയേയും സുഖിപ്പിക്കൽ അഭിമുഖം നടത്തി ഏഷ്യാനെറ്റ്; ഇക്കുറി രംഗത്ത് ഇറങ്ങിയത് ചാനൽ മേധാവി തന്നെ; എല്ലാ പത്രക്കാർക്കും അഭിമുഖം നൽകില്ലെന്നും വളയാത്തവർക്ക് മാത്രമേ നൽകൂ എന്നും പറഞ്ഞ് തിരിച്ച് സുഖിപ്പിച്ച് യൂസഫലിയും; 'യൂസഫലി അപേക്ഷ നൽകിയിട്ട് പോലും' അനുമതി കിട്ടാൻ രണ്ട് കൊല്ലമെടുത്തുവെന്ന വേദന പങ്കിട്ട് വ്യവസായി

മറുനാടൻ മലയാളി ബ്യൂറോ

തിരുവനന്തപുരം: സൗത്തിന്ത്യയിലെ ഏറ്റവും സമ്പന്നനായ വ്യക്തിയാണ് എം എ യൂസഫലി. 127 ലുലു ഷോപ്പിങ് മാളുകളുടെ ഉടമ. ഗൾഫിലെ ഭരണാധികാരികളുടെ ഉറ്റതോഴൻ.. പ്രധാനമന്ത്രി നരേന്ദ്ര മോദി നടത്തുന്ന വിദേശയാത്രകളിൽ അദ്ദേഹത്തിന്റെ നിഴൽപോലെ സഞ്ചരിക്കുന്ന വ്യക്തിത്വം ഇങ്ങനെ അതിശക്തനായ ബിസിനസുകാരനാണ് എം എ യൂസഫലി. വളരെ അപൂർവ്വമായി മാത്രം മലയാളം ചാനലുകൾക്ക് അഭിമുഖം നൽകുന്ന യൂസഫലി കഴിഞ്ഞ ദിവസം ഏഷ്യാനെറ്റ് ന്യൂസ് ചാനലിന് പ്രത്യേകം അഭിമുഖം നൽകി. ഏഷ്യാനെറ്റിന്റെ എഡിറ്റർ എം ജി രാധാകൃഷ്ണൻ തന്നെയാണ് യൂസഫലിയെ അഭിമുഖം ചെയ്തത്. ബോബി ചെമ്മണ്ണൂരിനെ അഭിമുഖം നടത്തിയ ശേഷം ചാനൽ നടത്തുന്ന മറ്റൊരു വ്യവസായ പ്രമുഖന്റെ അഭിമുഖമായിരുന്നു ഇത്.

യൂസഫലിയുമായി ബന്ധപ്പെട്ട വിവാദങ്ങൾ ഒഴിവാക്കിയുള്ള ചോദ്യങ്ങളുമായാണ് അഭിമുഖം നടത്തിയത്. തിരുവനന്തപുരത്ത് ലുലു മാൾ തുടങ്ങുന്നതിന്റെ ഭാഗമായാണ് ഇത്തരത്തിൽ ഒരു അഭിമുഖം നടത്തിയത്. അറുപത് വയസു തികയുന്ന യൂസഫലി യുടെ ജീവതത്തിലേക്ക് ചോദ്യമെറിഞ്ഞാണ് എം ജി രാധാകൃഷ്ണൻ അഭിമുഖം തുടങ്ങിയത്. ഒരിക്കലും താൻ ഇത്രവലിയ ഉയരത്തിൽ എത്തുമെന്ന് ചിന്തിച്ചിരുന്നില്ല എന്നാണ് യൂസഫലി പറഞ്ഞത്. എന്നാൽ ഇത്രയും അധികം ആളുകൾക്ക് ജോലി കൊടുക്കാൻ സാധിക്കുന്ന വ്യക്തിയായി മാറാൻ സാധിക്കുമെന്ന് കരുതിയിരുന്നില്ലെന്നാണ് അദ്ദേഹം മറുപടിയായി പറഞ്ഞത്.

Stories you may Like

40000 പേർക്ക് ജോലി നൽകുന്ന സ്ഥാപനത്തിന്റെ ഉടമയായി മാറിയ തനിക്ക് നിരവധി പേരോട് കടപ്പാടുണ്ടെന്നും യൂസഫലി പറഞ്ഞു. തന്റെ അമ്മാവനോടും ദുബായ് ഭരണാധികാരികളോടും കടപ്പാടുണ്ടെന്നും അത് ഒരാളിൽ മാത്രം വരില്ലെന്നും അദ്ദേഹം പറഞ്ഞു. കേരളത്തിൽ മുതൽ മുടക്കുമ്പോൾ പലരും ആശങ്കയോടെ തന്നോട് ചോദ്യങ്ങൾ ഉന്നയിച്ചിരുന്നു. എന്നാൽ കേരളത്തിൽ ബിസിനസ് തുടങ്ങാൻ പറ്റിയ അന്തരീക്ഷം ഉണ്ടെന്നാണ് താൻ എപ്പോഴും പറയാറെന്നും യൂസഫലി വ്യക്തമാക്കി. എപ്പോഴും കേരളത്തെ പുകഴ്‌ത്തിയേ പറഞ്ഞിട്ടുള്ളൂവെന്നും താൻ പറഞ്ഞിട്ടുണ്ടെന്നും അദ്ദേഹം പറഞ്ഞു. എന്നാൽ, തന്റെ സ്വന്തം അനുഭവം മാത്രം പറഞ്ഞിരുന്നില്ല.

അഭിമുഖത്തിൽ ഉടനീളം പരസ്പരം പുകഴ്‌ത്തലുകൾ ദൃശ്യമായിരുന്നു. യൂസഫലിക്കഴ ചെറുതായി പോലും മുറിവേൽക്കാതിരിക്കാൻ അഭിമുഖക്കാരനും ചാനൽ മേധാവിയുമായ എം ജി രാധാകൃഷ്ണൻ കിണഞ്ഞു ശ്രമിച്ചപ്പോൾ ഇടയ്ക്ക് തിരിച്ചു സുഖിപ്പിക്കാനും യൂസഫലി മറന്നില്ല. താൻ ചോദിക്കുന്നവരെല്ലം അഭിമുഖം നൽകില്ലെന്നും, ഏഷ്യാനെ പോലെയുള്ള സ്ഥാപനങ്ങൾക്കും രാധാകൃഷ്ണമനെപോലെയുള്ള പ്രമുഖർക്കുമാത്രമെ അഭിമുഖം നൽകൂ എന്നും പറഞ്ഞാണ് യൂസഫലി സുഖിപ്പിച്ചത്. കോഴിക്കോട് മാൾ തുടങ്ങാൻ അപേക്ഷ നൽകിയിട്ട് രണ്ടു കൊല്ലം ആയിട്ടും അനുമതി നൽകാൻ സാധിക്കാത്തതിനെ കുറിച്ച് യൂസഫലി ഇങ്ങനെയാണ് പറഞ്ഞത് - യൂസഫലിക്കാണ് പെർമിഷൻ കിട്ടാൻ രണ്ട് കൊല്ലം! അപ്പോൾ മറ്റുള്ളവരുടെ കാര്യം ഒന്ന് ആലോചിച്ചു നോക്കൂ..

കൊച്ചിയിൽ മുതൽ മുടക്കുമ്പോൾ പലരും പറഞ്ഞിരുന്നത് ആശങ്കയോടെയാണ്. ബാങ്കേഴ്‌സ് അടക്കമുള്ളവരാണ് ആശങ്കപ്പെട്ടത്. എന്നാൽ, എന്റെ സ്വന്തം നാടെന്ന നിലയിൽ റിസ്‌ക്കെടുത്താണ് ഇവിടെ ഇൻവെസ്റ്റ്‌മെന്റ് നടത്തിയതെന്നും യൂസഫലി വ്യക്തമാക്കി. താൻ എങ്ങനെയാണ് ജീവിതത്തിൽ റിസ്‌ക്ക് എടുക്കുന്നതെന്നും അഭിമുഖത്തിൽ യൂസഫലി വ്യക്തമാക്കി. ഖത്തറിൽ ആദ്യമായി മുതൽ മുടക്കിയ കഥയാണ് അദ്ദേഹം പറഞ്ഞത്. ഖത്തറിലെ ഏറ്റവും വലിയ ഹൈപ്പർമാർക്കറ്റ് താൻ കെട്ടിപ്പെടുത്തി. അപ്പോൾ പലരും ആശങ്കപ്പെടുത്തി. എന്നാൽ, അന്ന് താൻ പറഞ്ഞത് ഖത്തർ വലുതാകും എന്നാണ്. നിർമ്മാണം പൂർത്തിയായ ശേഷം ഖത്തർ അമീറിനെ കാണാൻ പോയപ്പോൾ അദ്ദേഹം തന്റെ ദ്വീർഘദൃഷ്ടിയെ അഭിനന്ദിക്കുകയാണ് ഉണ്ടായതെന്നും യൂസഫലി അഭിമുഖത്തിൽ വ്യക്തമാക്കി.

ദ്വീർഘദൃഷ്ടിയുള്ള നേതാവാണ് അമീർ എന്നതിനാൽ അദ്ദേഹത്തിന്റെ മിടുക്കു തന്നെയാണ് തന്റെ ആത്മധൈര്യത്തിന് കാരണമെന്നും അദ്ദേഹം പറഞ്ഞിട്ടുണ്ട്. ഇന്ന് ഖത്തറിൽ എട്ട് ഹൈപ്പർമാർക്കറ്റുണ്ട്. എന്തെങ്കിലും റിസ്‌ക്ക് ഏറ്റെടുക്കാതെ വിജയിക്കാൻ സാധിക്കില്ല. കേരളത്തിൽ, എന്റെ രാജ്യത്ത.. സംസ്ഥാനത്തെ ഐഡിന്റിന്റി എന്ന നിലയിലാണ് ഇവിടെ ബിസിനസ് നടത്താൻ തീരുമാനിച്ചത്. കൊച്ചിയിൽ ലുലു മാൾ തുടങ്ങിയ ശേഷം ഇപ്പോൾ ജനങ്ങൾ അതേറ്റെടുത്തു. ആറ് കോടിയോളം പേർ ഇവിടെ സന്ദർശിച്ചുവെന്നും യൂസഫലി അഭിമുഖത്തിൽ പറഞ്ഞു. രാത്രി പത്ത് മണിക്കും കുട്ടികളും മാതാപിതാക്കളും അടങ്ങുന്നവർ ഇവിടെ സന്ദർശിക്കാറുണ്ടെന്നത് തനിക്ക് തൃപ്തി നൽകിയെന്നും അദ്ദേഹം പറഞ്ഞു.

ഇവിടെ മാനസികമായി ടോർച്ചർ ചെയ്യുന്ന ഒരു വിഭാഗമുണ്ട്. അത് ഭാവി തലമുറയോട് ചെയ്യുന്ന അനീതിയാണ്. ഗൾഫ് പ്രതിസന്ധിയിൽ നിന്നും ആളുകൾ മടങ്ങി വന്നാൽ അവരുടെ മക്കൾക്കെങ്കിലും അവസരങ്ങൾ വേണം. കേരളം വെറും എക്‌സ്‌പോർട്ട് മാർക്കറ്റായി മാറരുത്. ഇവിടെ ഇൻവെസ്റ്റ്‌മെന്റെ വരുമ്പോൾ ആട്ടിയോടിക്കുന്ന സമീപനം ഉണ്ടാകരുത്. ഞാൻ അതിലൊന്നും ഒരിക്കലും പതറിയിട്ടില്ല. താൻ ചെയ്യുന്നത് ശരിയാണെന്ന് തോന്നുന്ന കാര്യങ്ങളേ ചെയ്തിട്ടുള്ളൂ. തിരുവനന്തപുരത്ത് ലുലു മാൾ ഒരു വിവാദവും ഉണ്ടാക്കാതെയാണ് തുടങ്ങുന്നത്. നാളെ വിവാദം ഉണ്ടാകാതിരിക്കാനുള്ള മുൻകരുതലാണ് ഇതെന്നും യൂസഫലി വ്യക്തമാക്കി.

കഴിഞ്ഞ അഞ്ച് കൊല്ലത്തിനിടെ കാര്യമായ ഒരു നിക്ഷേപം കേരളത്തിൽ വന്നിട്ടില്ല. ഐടി മേഖലയിൽ ജോലിക്ക് യോഗ്യതയുള്ളവർ നിരവധിയുണ്ട്. ഇപ്പോഴത്തെ സ്ഥിതിയിൽ പെട്രോൾ വിലയിടിവ് ഗൾഫ് രാജ്യങ്ങളെ ബാധിക്കില്ലെന്നും അദ്ദേഹം പറഞ്ഞു. ചില കോൺട്രാക്ടിങ് കമ്പനികൾ ചില മിസ് മാനേജ്‌മെന്റിനെ തുടർന്നാണ് പ്രതിസന്ധിയെന്നും അദ്ദേഹം വ്യക്തമാക്കി.

അറബ് ഭരണാധികാരികളുമായി സംസാരിക്കുമ്പോൾ അതത് രാജ്യങ്ങളിലെ പൗരന്മാർക്ക് ജോലി കൊടുക്കേണ്ട ചുമതലയെക്കുറിച്ച് അവർപറയാറുണ്ട്. അവർ വിദേശ നിക്ഷേപം സ്വീകരിക്കുന്ന കാര്യത്തിൽ മുന്നിലാണ്. ഇതാണ് നമ്മളും ചെയ്യേണ്ടതെന്നും യൂസഫലി പറഞ്ഞുവെക്കുന്നു. ഐടിയിലും ടൂറിസത്തിലും വിദ്യാഭ്യാസ രംഗത്തും അവസരങ്ങളുണ്ട്.

അതേസമയം ഗൾഫിൽ നിന്നും വരുമെന്ന പ്രതീക്ഷിച്ച രണ്ട് പദ്ധതികളെ കുറിച്ചുള്ള ചോദ്യത്തിൽ നിന്നും സമർഥമായി യൂസഫലി ഒഴിഞ്ഞുമാറി. വല്ലാർപ്പാടം പദ്ധതിയിലെ പ്രശ്‌നം കബോട്ടാഷ് നിയമമാണെന്ന കുറ്റപ്പെടുത്തലാണ് അദ്ദേഹം നടത്തിയത്. ഇപ്പോൾ നിയമം ശരിയായി. അതുകൊണ്ട് ഇനി മെച്ചപ്പെടുമെന്നും യൂസഫലി പറഞ്ഞു. നിയമത്തിലെ നൂലാമാലകൾ പ്രശ്‌നമാകുന്നു എന്നാണ് യൂസഫലി ഇതിൽ വ്യക്തമാക്കിയത്. കോഴിക്കോട് ഒരു കൺവെൻഷൻ സെന്റർ തുടങ്ങാൻ പദ്ധതിയിട്ടിട്ടും ചെറിയ പ്രശ്‌നങ്ങൾ കൊണ്ട് നടപ്പിലാക്കാൻ സാധിക്കാതെ പോകുന്ന അവസ്ഥയാണ് ഉണ്ടാകുന്നു. രണ്ട് കൊല്ലം വേണ്ടിവന്നു. യൂസഫലിക്ക് പോലും പ്രശ്‌നങ്ങളെ അഭിമുഖീകരിക്കേണ്ടി വരുമ്പോൾ സാധാരണക്കാരന് എത്രത്തോളമാകുമെന്ന ചോദ്യവും അദ്ദേഹം ഉന്നയിച്ചു.

സ്മാർട്ട് സിറ്റിക്കും വന്ന പ്രശ്‌നങ്ങളും ചെറിയ പ്രശ്‌നങ്ങളാണെന്നുമാണ് യൂസഫലിയുടെ പക്ഷം. രണ്ട് കൊല്ല്ം കഴിഞ്ഞാൽ കേരളത്തിന് ഇത് ഗുണം ചെയ്യുമെന്നും യൂസഫലി വ്യക്തമാക്കി. പ്രൈവറ്റ് പബ്ലിക് പദ്ധതികളാണ് കേരളത്തിന്റെ ഭാവിയെന്നും യൂസഫലി വ്യക്തമാക്കിയാണ് അഭിമുഖം അവസാനിപ്പിച്ചത്. അഭിമുഖത്തിൽ ഉടനീളം എം ജി രാധാകൃഷ്ണന് ചോദ്യങ്ങൾ ചോദിക്കാനുള്ള അവസരം കുറവായിരുന്നു. വിവാദ ചോദ്യങ്ങളൊന്നും ഉണ്ടായതുമില്ല. ചുരുക്കത്തിൽ യൂസഫലിക്ക് വേണ്ടി മാത്രം നടത്തിയ അഭിമുഖമായി മാറി ഇത്.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Loading...
Go to TOP