Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202419Friday
ഹോം ചാനൽ കിന്നാരം

നസ്രിയ നസീമിനെ നുസിയ നസീമും പെമ്പിളൈ ഒരുമൈയെ പെമ്പിളൈ എരുമയും മോഹൻലാലിനെ കണ്ണൂണ്ണിയുമാക്കിയ തിരുവഞ്ചൂരിന് ഇനി വിശ്രമിക്കാം; 'പാതക വാചക'വുമായി രമേശ് ചെന്നിത്തല ഹരിശ്രീ കുറിച്ചു; നാക്കുപിഴ ആഘോഷിച്ച് ചാനലുകളിലെ കോമഡി ഷോകൾ

November 06, 201709:17 PM IST Permalink
നസ്രിയ നസീമിനെ നുസിയ നസീമും പെമ്പിളൈ ഒരുമൈയെ പെമ്പിളൈ എരുമയും മോഹൻലാലിനെ കണ്ണൂണ്ണിയുമാക്കിയ തിരുവഞ്ചൂരിന് ഇനി വിശ്രമിക്കാം; 'പാതക വാചക'വുമായി രമേശ് ചെന്നിത്തല ഹരിശ്രീ കുറിച്ചു; നാക്കുപിഴ ആഘോഷിച്ച് ചാനലുകളിലെ കോമഡി ഷോകൾ

മറുനാടൻ മലയാളി ഡസ്‌ക്

തിരുവനന്തപുരം: നാക്ക് പിഴ വലയൊരു കുറ്റമൊന്നുമല്ല. അതാർക്കും സംഭവിക്കാം.പക്ഷേ നാക്കുപിഴയ്ക്കുന്നത് രാഷ്ടീയക്കാർക്കാകുമ്പോൾ നാട്ടുകാർക്ക് സംഗതി ജോറാണ്. തിരുവഞ്ചൂർ രാധാകൃഷ്ണനാണ് ഇക്കാര്യത്തിലെ മാസ്റ്റർ. പാലായിലെ കുഞ്ഞുമാണിക്കും സംഭവിച്ചിട്ടുണ്ട് നാക്ക് പിഴ അങ്ങ് നിയമസഭയിൽ. അത് പ്രസംഗത്തിന്റെ ആവേശത്തിൽ സംഭവിച്ചുപോകുന്നതാണ്. തിരുവഞ്ചൂരിന് നിയമസഭയ്ക്ക് അകത്തും പുറത്തും ഈ നാക്കുപിഴ സംഭവിച്ചിട്ടുണ്ട് എന്ന കാര്യം എല്ലാവർക്കുമറിയാം. ഇപ്പോൾ തിരുവഞ്ചൂരിൽ നിന്ന് നാക്കുപിഴയുടെ പട്ടം ഏറ്റെടുക്കാൻ മൽസരിക്കുന്നത് മറ്റാരുമല്ല, സാക്ഷാൽ രമേശ് ചെന്നിത്തലയാണ്.

പടയൊരുക്കം തുടങ്ങിയപ്പോൽ മുതലാണ് പ്രതിപക്ഷ നേതാവിന് ഈ കുഴപ്പം. പെൺകൾ... പെൺമട്രേ... പെൺപേർ... പെമ്പിളൈ എരുമ! എന്ന് നിയമസഭിൽ തിരുവഞ്ചൂർ തപ്പിതടഞ്ഞപ്പോൾ, ചിരിച്ചവരുടെ കൂട്ടത്തിൽ രമേശ് ചെന്നിത്തലയുമുണ്ടായിരുന്നു.അന്ന തിരുവഞ്ചൂരിന് മറുപടി പറയുമ്പോൾ മുഖ്യമന്ത്രി പിണറായി വിജയനും സംഭവിച്ചുനാക്കുപിഴ.പാപ്പാത്തിച്ചോലയെ ചപ്പാത്തിച്ചോല എന്നാണ് പിണറായി വിശേഷിപ്പിച്ചത്.
എം.എം.മണിയുടെ രാജിയാവശ്യപ്പെട്ട് പ്രതിപക്ഷം ബഹളം കൂട്ടുന്ന കാലമായിരുന്നതുകൊണ്ട്, രാജിവെക്കാത്ത എം.എം മണിയുടെ നടപടിയിൽ പ്രതിഷേധിച്ച് ഞാനും 'ഞാനും എന്റെ പാർട്ടിയും രാജിവെക്കുന്നുവെന്ന്' പാലാ മെമ്പർ പറഞ്ഞപ്പോൾ സഭ അന്തിച്ചുപോയി. സ്പീക്കർ എടുത്തു ചോദിച്ചു മാണിയും പാർട്ടിയും രാജി വെച്ചോ എന്ന്. ഇതോടെ രാജിവെച്ചിട്ടില്ല വാക്കൗട്ട് നടത്തുന്നുവെന്ന് വ്യക്തമാക്കി മാണി തടിയൂരി.

ഇപ്പോൾ ഗെയിൽ സമരഭൂമികയിലേക്ക് പോകാൻ ഭയപ്പെടുന്നത് രമേശ് ചെന്നിത്തലയാണ്.സമരം വിശദീകരിക്കാൻ വിളിച്ച പത്രസമ്മേളനങ്ങളിലാണ് പാചക വാതകം എന്ന വാക്ക് പറയാൻ അദ്ദേഹം വല്ലാതെ ബുദ്ധിമുട്ടിയത്. പാതക വാചകം എന്നല്ലാതെ പ്രതിപക്ഷ നേതാവിന് പറയാൻ കഴിയുന്നില്ല എന്നതാണ് അദ്ദേഹത്തെ അലട്ടുന്ന മുഖ്യ പ്രശ്‌നം.

വിഷയം മനോരമ ന്യൂസിലെ ആക്ഷേപ ഹാസ്യ പരിപാടിയായ തിരുവാ എതിർവാ ഏറ്റെടുത്തു.പണ്ട് തിരുവഞ്ചൂരിൽ നിന്ന് ആഭ്യന്തരം ഏറ്റെടുത്തപ്പോൾ കൂടെ വന്നതാണ് ഈ നാക്കുളുക്കും,മ റവിയുമൊക്കെയെന്നാണ് തിരുവാ എതിർവായുടെ വിലയിരുത്തൽ.

'ഇടതുപക്ഷ ജനാധിപത്യ മുന്നണിക്ക് ഇപ്പോൾ സമരങ്ങളോട് അലർജിയായി മാറിയിരിക്കുന്നു.ഗെയിൽ പാതക വാചക പൈപ്പ് ലൈൻ പദ്ധതിയുമായി ബന്ധപ്പെട്ട്...ഗെയിൽ പാതക വാചക പൈപ്പ് ലൈനുമായി ബന്ധപ്പെട്ട സമരങ്ങൾ പലയിടത്തും നടന്നുകൊണ്ടിരിക്കുകയാണ്.കഴിഞ്ഞ യുഡിഎഫ് സർക്കാരിന്റെ കാലത്ത് ഈ പാതക വാതക പൈപ്പ് ലൈൻ ഇടാൻ വന്നപ്പോൾ എതിർത്ത ആളുകളാണ് ഇപ്പോൾ ഈ പൈപ്പ് ലൈൻ ഇടുന്നത്.സമവായമുണ്ടാക്കണം....അതിലൂടെയാവണം ഈ പാതക വാചക'

മോഹൻലാൽ കേരളത്തിന്റെ കണ്ണുണ്ണിയെന്ന് തിരുവഞ്ചൂർ പണ്ട് വിശേഷിപ്പിച്ചതും നസ്രിയ നസീമിനെ വേറെന്തൊക്കെയോ വിളിച്ചതും തൽക്കാലം മറക്കാം. ഇപ്പോൾ രമേശ് ചെന്നിത്തലയുടെ സമയമാണ്.രക്തത്തിൽ പഞ്ചസാരയുടെ കുറവ് മൂലമാണ് തനിക്ക് നാക്ക് പിഴച്ചതെന്ന് തിരുവഞ്ചൂർ വിശദീകരിച്ചിട്ടുണ്ട്. ചെന്നിത്തലയുടെ വിശദീകരണം എന്താണാവോ?

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP