Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202228Monday

ഹൈവേ വികസനം ജനകീയ കോർഡിനേഷൻ കമ്മിറ്റി രൂപീകരിച്ചു

ഹൈവേ വികസനം ജനകീയ കോർഡിനേഷൻ കമ്മിറ്റി രൂപീകരിച്ചു

സ്വന്തം ലേഖകൻ

നാഷണൽ ഹൈവേ വികസന പ്രവർത്തികളിൽ ജനങ്ങൾ നേരിട്ടു കൊണ്ടിരിക്കുന്നതും നേരിടാനിരിക്കുന്നതുമായ പ്രശ്‌നങ്ങളും, പ്രയാസങ്ങളും ഉയർത്തി കാട്ടി പരിഹാരമാർഗ്ഗങ്ങൾ നേടിയെടുക്കാൻ പടന്നക്കാട് തോട്ടം മുതൽ ജില്ലാ ആശുപത്രി വരെയുള്ള പ്രദേശത്തുള്ളവരെ ഉൾപ്പെടുത്തി ജനകീയ കോർഡിനേഷൻ കമ്മിറ്റി രൂപീകരിച്ചു.

കോർഡിനേഷൻ കമ്മിറ്റി ജനറൽ കൺവീനറായി പത്മരാജൻ ഐങ്ങോത്തിനെ ചുമതലപ്പെടുത്തി.വിവിധ രാഷ്ട്രീയ പാർട്ടി നേതാക്കളടക്കം വലിയ ബഹുജന കൂട്ടായ്മയ്ക്കാണ് തിങ്കളാഴ്‌ച്ച വൈകിട്ട് പടന്നക്കാട് ചേർന്ന യോഗത്തിൽ രൂപം നൽകിയത്.

എം പി, എംഎൽഎ മാർ, പ്രസ്തുത പ്രദേശത്തെ ജനപ്രതിനിധികൾ, വിദ്യാഭ്യാസ/ മത / വ്യാപാര സ്ഥാപനങ്ങളടക്കമുള്ളവരെയടക്കം സഹകരിപ്പിച്ച് ഒട്ടും വൈകാതെ വൻ ജനകീയ മുന്നേറ്റം നടത്തി അവകാശങ്ങൾ നേടാൻ സമരരംഗത്തേക്കിറങ്ങാൻ യോഗം തീരുമാനിച്ചു.

കോർഡിനേഷൻ കമ്മിറ്റി ജനറൽ കൺവീനർ പത്മരാജൻ ഐങ്ങോത്തിന്റെ അധ്യക്ഷതയിൽ ചേർന്ന യോഗത്തിൽ എം.കുഞ്ഞികൃഷ്ണൻ, അബ്ദുൾ റസാഖ് തായലക്കണ്ടി, എം കുഞ്ഞമ്പാടി, അനൂപ് കീനേരി, മുഹമ്മദ് അസ്‌ക്കർ, പ്രസാദ് കെ വി, ഇ കെ കെ പടന്നക്കാട്, ബാലകൃഷ്ണൻ ഐങ്ങോത്ത്, അഡ്വ.ബിജു കൃഷ്ണ, ടി കുഞ്ഞികൃഷ്ണൻ, തുടങ്ങിയവർ സംസാരിച്ചു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP