Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202230Wednesday

തൃശ്ശൂർ മാനേജ്‌മെന്റ് അസോസിയേഷന് വീണ്ടും അംഗീകാരം

തൃശ്ശൂർ മാനേജ്‌മെന്റ് അസോസിയേഷന് വീണ്ടും അംഗീകാരം

സ്വന്തം ലേഖകൻ

തൃശ്ശൂർ: ഓൾ ഇന്ത്യ മാനേജ്‌മെന്റ് അസോസിയേഷന്റെ ചാപ്റ്ററായ തൃശ്ശൂർ മാനേജ്‌മെന്റ് അസോസിയേഷൻ പ്രവർത്തന മികവിൽ ഇന്ത്യയിൽ വീണ്ടും ഒന്നാമത്. തൃശ്ശൂർ മാനേജ്‌മെന്റ് അസോസിയേഷൻ 5-ാം തവണയാണ് ഈ അംഗീകാരം നേടുന്നത്. ടി.എം.എയുടെ ഒരു വർഷത്തെ പ്രവർത്തനങ്ങളെ ആസ്പദമാക്കിയാണ് തെരെഞ്ഞെടുത്തത്.

ടി.എം.എയുടെ വലപ്പാട് നാട്ടിക തളിക്കുളം എന്നീ പഞ്ചായത്തുകളുമായി ചേർന്നുള്ള മാലിന്യ നിർമ്മാർജന പദ്ധതികൾ വിലങ്ങൻകുന്ന് ടൂറിസം സമഗ്ര വികസന പദ്ധതി, സ്റ്റാർട്ട് അപ്പ് മെന്റർഷിപ്പ് പ്രോഗ്രാമുകൾ, 2000 വിദ്യാർത്ഥികൾ ഉൾപ്പെടുത്തിയുള്ള മാനേജ്‌മെന്റ് പരിശീലന പരിപാടികൾ, ഡി.ഐ.സിയുടെ സഹകരണത്തോടെ പീഡിത വ്യവസായങ്ങളുടെ പുരനുജ്ജീവന പദ്ധതികൾ തുടങ്ങിയവ മുൻനിർത്തിയാണ് അംഗീകാരം നൽകിയത്

സെപ്റ്റംബർ 21ന് ഡൽഹിയിൽ നടന്ന ഓൾ ഇന്ത്യ മാനേജ്‌മെന്റ് അസോസിയേഷന്റെ വാർഷിക കൺവെൻഷനിൽ വെച്ച് പ്രസിഡന്റ് സി.കെ. രംഗനാഥന്റെ അദ്ധ്യക്ഷതയിൽ നടന്ന ചടങ്ങിൽ മുൻ നീതി ആയോഗ് ചെയർമാനും ജി.20 ഷെർപ്പയുമായ അമിതാഭ് കാന്തിൽ നിന്ന് ടി.എം.എയുടെ 2021-22 കാലഘട്ടത്തിലെ പ്രസിഡന്റ് വിനോദ് മഞ്ഞിലയും, സെക്രട്ടറി ഫ്രാൻസിസ് ജോർജ്ജും ചേർന്ന് അവാർഡ് ഏറ്റുവാങ്ങി. ചടങ്ങിൽ എ.ഐ.എം.എ ഡയറക്ടർ ജനറൽ രേഖാ സേത്തി, വൈസ് പ്രസിഡന്റുമാരായ ശ്രീനിവാസ് ഡെംപോ, നിഖിൽ ഷേണായ് എന്നിവർ പങ്കെടുത്തു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP