Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

40 കുടുംബങ്ങൾക്ക് വീടൊരുങ്ങും; ലൈഫ് മിഷന് ഒന്നര ഏക്കർ ഭൂമി നൽകി ഫെഡറൽ ബാങ്ക്

40 കുടുംബങ്ങൾക്ക് വീടൊരുങ്ങും; ലൈഫ് മിഷന് ഒന്നര ഏക്കർ ഭൂമി നൽകി ഫെഡറൽ ബാങ്ക്

സ്വന്തം ലേഖകൻ

കൊച്ചി: ഭവനരഹിതരായ കുടുംബങ്ങൾക്ക് വീടു നിർമ്മിച്ചു നൽകുന്ന പദ്ധതിയായ ലൈഫ് മിഷന് ഫെഡറൽ ബാങ്ക് 1.55 ഏക്കർ ഭൂമി കൈമാറി. എറണാകുളം ജില്ലയിലെ മുവാറ്റുപുഴയിൽ ബാങ്കിന്റെ ഉമസ്ഥതയിലുണ്ടായിരുന്ന ഭൂമിയാണ് സംസ്ഥാന സർക്കാരിനു സംഭാവനയായി നൽകിയത്.

ഫെഡറൽ ബാങ്ക് ചെയർമാനും സ്വതന്ത്ര്യ ഡയറക്ടറുമായ സി ബാലഗോപാൽ മുഖ്യമന്ത്രി പിണറായി വിജയനു ഭൂമി സംബന്ധമായ രേഖകൾ കൈമാറി. ഭൂമിയും വീടുമില്ലാത്ത 40 കുടുംബങ്ങൾക്കാണ് ലൈഫ് മിഷൻ മുഖേന ഈ ഭൂമി പ്രയോജനപ്പെടുന്നത്. ലൈഫ് മിഷന്റെ മൂന്നാം ഘട്ടത്തിൽ അർഹരായ ഭവനരഹിതർക്ക് വീടു നിർമ്മിക്കാൻ ഭൂമി കണ്ടെത്താനായി 'മനസോടിത്തിരി മണ്ണ്' എന്ന പേരിൽ ക്യാംപയിൻ സംഘടിപ്പിച്ചിരുന്നു. ഇതിന്റെ ഭാഗമായാണ് ഫെഡറൽ ബാങ്ക് 1.55 ഏക്കർ ഭൂമി സർക്കാരിനു സൗജന്യമായി നൽകിയത്.

ഞങ്ങൾക്കു പ്രവർത്തിക്കാനും വളരാനും ഇടം തന്ന സമൂഹത്തിന്റെ സുസ്ഥിരതയും ദീർഘകാല അഭിവൃദ്ധിയും ഉറപ്പുവരുത്താൻ ഫെഡറൽ ബാങ്ക് എല്ലായ്‌പ്പോഴും ബാധ്യസ്ഥമാണ്. ഭവനരഹിതർക്ക് വീടൊരുക്കാൻ സഹായകമാകുന്ന ഈ ഉദ്യമത്തിൽ സർക്കാരിനെ പിന്തുണക്കാനായതിൽ അതിയായ അഭിമാനമുണ്ട്. ഫെഡറൽ ബാങ്ക് സീനിയർ വൈസ് പ്രസിഡന്റും ലോൺ കലക്ഷൻ ആൻഡ് റിക്കവറി വിഭാഗം മേധാവിയുമായ രാജനാരായണൻ എൻ പറഞ്ഞു. മറ്റു ബാങ്കുദ്യോഗസ്ഥരും ചടങ്ങിൽ പങ്കെടുത്തു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP