Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Aug / 202220Saturday

എ.ഐ.ഡി.വൈ.ഒ-എ.ഐ.ഡി.എസ്.ഒ പ്രതിഷേധദിനം സംഘടിപ്പിച്ചു

എ.ഐ.ഡി.വൈ.ഒ-എ.ഐ.ഡി.എസ്.ഒ പ്രതിഷേധദിനം സംഘടിപ്പിച്ചു

സ്വന്തം ലേഖകൻ

ഖിലേന്ത്യാ തലത്തിൽ തൊഴിലില്ലായ്മക്കെതിരെയും അഗ്‌നിപഥ് പിൻവലിക്കണമെന്നും ആവശ്യപ്പെട്ടുകൊണ്ടും രൂപംകൊണ്ട ഇടത് വിദ്യാർത്ഥി-യുവജന സംഘടനകളുടെ സംയുക്ത വേദി ആഹ്വാനം ചെയ്ത പ്രതിഷേധദിനം എസ്.യു.സിഐ(സി) പാർട്ടിയുടെ യുവജന-വിദ്യാർത്ഥി വിഭാഗമായ എ.ഐ.ഡി.വൈ.ഒ-എ.ഐ.ഡി.എസ്.ഒ ആചരിച്ചു.

തമ്പാനൂർ ആർ.എം.എസിന് മുന്നിൽ സംഘടിപ്പിച്ച പ്രതിഷേധ യോഗത്തിൽ എ ഐ ഡി വൈ ഒ ജില്ലാ കമ്മിറ്റിയംഗം സ. അജിത് മാത്യു അധ്യക്ഷനായി. യോഗം എസ്.യു.സിഐ(സി) ജില്ലാ സെക്രട്ടറിയേറ്റംഗം സ. ആർ ബിജു ഉദ്ഘാടനം ചെയ്തു. തൊഴിലില്ലായ്മ പരിഹരിക്കണമെന്നാവശ്യപ്പെട്ടു കൊണ്ട് ഇടത് വിദ്യാർത്ഥി-യുവജന പ്രസ്ഥാനങ്ങളുടെ അഖിലേന്ത്യാ തലത്തിൽ രൂപപ്പെട്ട സമര ഐക്യവേദി വളരെ പ്രതീക്ഷ നൽകുന്ന ഒന്നാണെന്ന് അദ്ദേഹം അഭിപ്രായപ്പെട്ടു.

കേരളത്തിലും, പശ്ചിമബംഗാളിലും, ത്രിപുരയിലും ഈ ഐക്യവേദി ഇല്ലാത്തത് ദൗർഭാഗ്യകരമാണെന്നും, കേന്ദ്ര സർക്കാർ കൊണ്ടുവരുന്ന 'നിശ്ചിതകാല തൊഴിൽ' നയം കേരളത്തിൽ സർക്കാർ സർവീസുകളിൽ നടപ്പിലാക്കിക്കൊണ്ടിരിക്കുന്നതിനാലാണ് ഈ ഐക്യവേദി കേരളത്തിലില്ലാത്തതെന്നും അദ്ദേഹം പറഞ്ഞു. എ.ഐ.ഡി.എസ്.ഒ ജില്ലാ നേതാക്കൾ സ. ഗോവിന്ദ് ശശി, സ. ആതിര പി ആർ, എ.ഐ.ഡി.വൈ.ഒ ജില്ലാ നേതാവ് സ. എ ഷൈജു എന്നിവർ സംസാരിച്ചു.

 

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP