Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

നവേഡയിൽ നിന്നും കാണാതായ 18 കാരിയുടെ മൃതദേഹം കണ്ടെത്തി

നവേഡയിൽ നിന്നും കാണാതായ 18 കാരിയുടെ മൃതദേഹം കണ്ടെത്തി

പി പി ചെറിയാൻ

റിനോ (നവേഡ) : രണ്ടാഴ്ച മുൻപ് നോർത്തേൺ നവേഡായിൽ നിന്നും അപ്രത്യക്ഷമായ 18 വയസ്സുകാരിയുടെ മൃതദേഹം മാർച്ച് 29 ചൊവ്വാഴ്ച കണ്ടെത്തി .മാർച്ച് 12 നാണ് നവോമി റിയോനെ തട്ടിക്കൊണ്ട് പോയത് . ഇവരെ കണ്ടെത്തുന്നതിന് പൊലീസ് അന്വേഷണം ഊർജ്ജിതപ്പെടുത്തിയിരുന്നു . മാത്രമല്ല സംഭവത്തെക്കുറിച്ച് വിവരം നൽകുന്നവർക്ക് 10,000 ഡോളർ എഫ്.ബി.ഐ പ്രതിഫലം പ്രഖ്യാപിച്ചിരുന്നു .

നോർത്തേൺ നവേഡയിലെ ഉൾപ്രദേശത്തെ ഒരു ഗ്രേവ് സൈറ്റിൽ നിന്നാണ് ഇവരുടെ മൃതദേഹം കണ്ടെത്തിയത് . മാർച്ച് 30 ബുധനാഴ്ച നടത്തിയ ഓട്ടോപ്‌സിക് ശേഷം മൃതദേഹം നവോമിയുടേതാണെന്ന് സ്ഥിരീകരിച്ചു .

ബുധനാഴ്ച രാവിലെ ഈ സംഭവത്തോടനുബന്ധിച്ച് 41 വയസ്സുള്ള നിരവധി കേസ്സുകളിൽ പ്രതിയായ ട്രോയ് ഡ്രൈവറെ അറസ്റ്റ് ചെയ്തിരുന്നു . ഇയാൾക്കെതിരെ ഫസ്റ്റ് ഡിഗ്രി കിഡ്‌നാപിംഗിന് കേസ്സെടുത്തിട്ടുണ്ട് . 750,000 ഡോളറിന്റെ ജാമ്യം അനുവദിച്ചിട്ടുണ്ട് . ഇയാളെ ലിയോൺ കൗണ്ടി ജയിലിലടച്ചു .

മാർച്ച് 12 ന് വാൾമാർട്ട് പാർക്കിങ് ലോട്ടിലാണ് ഇവരെ അവസാനമായി കണ്ടതും മൂന്നു ദിവസത്തിന് ശേഷം ഇവരുടെ കാർ സമീപത്തുള്ള പെയിന്റ് നിർമ്മാണ കമ്പനിയുടെ പാർക്കിങ് ലോട്ടിൽ കണ്ടെത്തിയിരുന്നു . ട്രോയ് ഡ്രൈവർ ഇവരെ തട്ടിക്കൊണ്ടുപോയി പീഡിപ്പിച്ചശേഷം കൊലപ്പെടുത്തിയതായിരിക്കാമെന്നാണ് പൊലീസിന്റെ നിഗമനം .

 

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP