• ഹോം
• ഓസ്ട്രേലിയ
• വാർത്തകൾ

വിക്ടോറിയയിൽ കൊറോണവൈറസ് വ്യാപനം രൂക്ഷമാകുന്ന സാഹചര്യത്തിൽ ഹോട്ട്‌സ്‌പോട്ടുകളിൽ ഏർപ്പെടുത്തിയിരിക്കുന്ന നിയന്ത്രണങ്ങൾ ലംഘിക്കുന്നവരിൽ നിന്ന് പൊലീസ് പിഴ ഈടാക്കി തുടങ്ങി. മൂന്നാം ഘട്ട നിയന്ത്രണം ഏർപ്പെടുത്തിയ ശേഷം കുറഞ്ഞത് ഏഴ് പേരിൽ നിന്ന് പിഴ ഈടാക്കിയതായി വിക്ടോറിയ പൊലീസ് അറിയിച്ചു.

മെൽബൺ ഹോട്ട്‌സ്‌പോട്ടുകളിൽ ഉള്ളവർ നാല് കാരണങ്ങൾക്ക് മാത്രമേ വീട്ടിൽ നിന്ന് പുറത്തേക്ക് പോകാൻ പാടുള്ളൂ. ജോലിക്കായോ, സ്‌കൂളിലേക്കോ, വ്യായാമത്തിനോ, അവശ്യ സാധനങ്ങൾ വാങ്ങാനോ മാത്രമേ പുറത്തേക്ക് പോകാൻ അനുവാദമുള്ളൂ.

ലോക്ക്ഡൗൺ ചെയ്ത പ്രദേശങ്ങളിലുള്ളവർ നിയന്ത്രണങ്ങൾ പാലിക്കുന്നുണ്ടെന്ന് ഉറപ്പ് വരുത്താൻ സ്ട്രീറ്റുകളിൽ പൊലീസ് പട്രോളിങ് നടത്തുന്നുണ്ട്. ഈ നിയന്ത്രണങ്ങൾ പാലിക്കാത്തവരിൽ നിന്ന് പൊലീസ് പിഴ ഈടാക്കി തുടങ്ങി.