Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

അവധിയാഘോഷത്തിനിടെ ഇന്ത്യക്കാരി 80 മീറ്റർ താഴ്‌ച്ചയിലേക്ക് വീണ് മരിച്ചു; മെൽബൺ ഗ്രാമ്പിയൻസ് നാഷണൽ പാർക്കിൽ അപകടം സംഭവിച്ചത് ഭർത്താവിനും മക്കൾക്കുമൊപ്പം ഫോട്ടോ എടുക്കവെ

അവധിയാഘോഷത്തിനിടെ ഇന്ത്യക്കാരി 80 മീറ്റർ താഴ്‌ച്ചയിലേക്ക് വീണ് മരിച്ചു; മെൽബൺ ഗ്രാമ്പിയൻസ് നാഷണൽ പാർക്കിൽ അപകടം സംഭവിച്ചത് ഭർത്താവിനും മക്കൾക്കുമൊപ്പം ഫോട്ടോ എടുക്കവെ

സ്വന്തം ലേഖകൻ

കുടുംബത്തിനൊപ്പം അവധിയാഘോഷിക്കുന്നതിനിടെ ഇന്ത്യൻ യുവതിക്ക് ദാരുണ മരണം.വിക്ടോറിയയിലെ ഗ്രാമ്പിയൻസ് നാഷണൽ പാർക്കിൽ കുടുംബത്തോടൊപ്പം അവധിയാഘോഷിക്കാൻ പോയ ഇന്ത്യൻ വംശജ 80 മീറ്റർ താഴ്ചയിലേക്ക് വീണ് മരിച്ച വാർത്ത കേട്ട ഞെട്ടലിലാണ് പ്രവാസ ലോകം.

മെൽബണിലെ ക്രേഗിബേനിലുള്ള റോസി ലൂമ്പ എന്ന 38 കാരിയാണ് ഭർത്താവിന്റെയും കുട്ടികളുടെയും കണ്മുന്നിൽ വീണ് മരിച്ചത്.ഗ്രാമ്പിയൻസിലെ ബോറോക്ക ലുക്ക് ഔട്ടിൽ മുന്നറിയിപ്പ് ചിഹ്നം ലംഘിച്ച് സുരക്ഷ ഒരുക്കാനായി സ്ഥാപിച്ചിരിക്കുന്ന വേലിക്ക് മുകളിൽ കയറിനിന്ന് ഫോട്ടോ എടുക്കുമ്പോഴാണ് ഇവർ വീണ് മരിച്ചതെന്നാണ് പ്രാഥമിക വിലയിരുത്തൽ.

ഭർത്താവ് ബസന്തും രണ്ട് ആൺ മക്കളും നോക്കി നിൽക്കെയാണ് 80 മീറ്റർ താഴ്ചയിലേക്കാണ് ശനിയാഴ്ച വൈകിട്ട് മൂന്ന് മണിയോടെ റോസി വീണതെന്നാണ് റിപ്പോർട്ടുകൾ.വിക്ടോറിയ പൊലീസും സംസ്ഥാന എമർജൻസി സർവീസ് വോളന്റീർമാരും ചേർന്ന് ആറ് മണിക്കൂർ പരിശ്രമിച്ച ശേഷമാണ് റോസിയുടെ മൃതദേഹം പുറത്തെടുക്കാൻ കഴിഞ്ഞത്.
മെൽബണിൽ കമ്മ്യൂണിറ്റി സപ്പോർട്ട് വർക്കർ ആയി ജോലി ചെയ്യുകയായിരുന്നു റോസി.

ഇത്തരം വിനോദ സഞ്ചാര കേന്ദ്രങ്ങളിൽ ജനങ്ങൾ മുന്നറിയിപ്പ് അവഗണിക്കരുതെന്ന് പൊലീസ് മന്ത്രി ലിസ നെവിൽ പറഞ്ഞു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP